ليش تباوعلنه / نور الهدى المياح

[@sirinenouri]

عمه هايه الروس ليش تباوعلنه خايفه يطلعون ياعمه من اهلنه تبجي لو ضربوني يمكن يعرفوني خايفه يطلعون ياعمه من اهلنه عمه هايه الروس متغير رسمها ماتبين وجوها غاطيها دمها مبينه بس عيونها وادري بالمها من يضربوني احس يزيد همها عمه طول الدرب همه يراقبوني عمه شفتي شكد بجو من شتموني بالدمع واسوني يمكن يعرفوني خايفه يطلعون ياعمه من اهلنه/ عمه بيهم واحد يباوعلي شفته بالحجر مصيوبه ياعمه جبهته على حالي بعينه مانشفت دمعته خاف عنده بگدي طفله ويظن بنته ادني يمهم واحجي كل الصار بيه گولي بنت حسين هالطفله رقيه لحالهم بجوني يمكن يعرفوني خايفه يطلعون ياعمه من اهلنه/ بعد واحد بالسهم مصيوبه عينه راسه يمكن بالعامود مهشمينه لو صحت ياعمه احس يكثر ونينه عمه من تبجين احسج تجرحينه رح ادنه عليهم واحجي همي خاف مايدرون بالعباس عمي جنهم يجهلوني يمكن يعرفوني خايفه يطلعون ياعمه من اهلنه/ من اجاني السوط وتقرب عليه اثنينهم غمضو ياعمه سويه من طحت واحد حجه اسم الله رقيه يصرخ الثاني وينادي وين ايديه اعثر من عدهم اسمع صوت ونه روسهم فوگ الرمح تهتز محنه بصوتهم فجعوني يمكن يعرفوني خايفه يطلعون ياعمه من اهلنه/

[@JhijJgh]

طيب الله انفاسج ❤🎉

[@Mrr-c1j]

طيب الله انفاسج عمري ربي يوفقج

[@امعلي-خ6د5غ]

رحم ع والديج ع صوتج ولقائج القصيده احسنتي

[@مرتجىجوجو-ط3ص]

عاش صوتج

[@امواجالبحرالكناني-ظ1ب]

😢😢😢😢😢😢😢

[@امحيدر-ب2ر]

مله ذات وزن هبه في مجلس الحسين عليه السلام قصيده أكثر تأثير من غيره لأن مصيبه زينب ما كو مثلها ومثل صبزها، هزت عرش الطغاه، بني اميه أحسنت جزاك الله خير الجزاء في ميزان حسناتك