Мәдениет - ұлттық қайта өркендеу коды

Мектебімізде ұлттық сана - сезімі мол, Отанын, дінін өз анасынан кем көрмейтін азамат пен азаматша болуға тәрбиелеу, дініміздің мәртебесі мен маңызын кеңінен насихаттау, жастардың діни сауаттылықтарын арттыру, дін туралы түсінігін кеңейту, адамгершілікке, мейірімділікке, патриотыққа, тілін, жерін, салт-дәстүрін, тарихын құрметтеуге баулу, қатер төндіретін жат діни ағымдардан сақ болуға тәрбиелеу мақсатында «Мәдениет - ұлттық қайта өркендеу коды» атты дөңгелек үстел өткізілген болатын. Дөңгелек үстелге келген қонақтарымыз дін мәселелерін зерттеу орталығының бөлім басшысы, теолог - Адайхан Бағдат Қанатұлы, Батыс Қазақстан облысы дін істері басқармасының бас маманы - Сейтақова Нұржихан Айболатқызы өз ойларын ортаға салды. Оқушыларға дұрыс діни ақпараттарды қайдан алуға болатынын, теріс ағымдарды қалай ажырата білу керектігін нақтылап жеткізді. Оқушылар өз ойларын ортаға салып, көкейінде жүрген сұрақтарына жауап алды.
Шара соңында мектеп директоры - Иманғалиева Райгүл Тасболатқызы келген қонақтарға өз алғысын білдірді. #Ұлыдалаөркениеттері