Рет қаралды 164,880
#1000production #trend #birivaridi
Videoda Reyhan Muslumova yutub kanalındakı videomaterillardan ( • REYHAN MÜSLÜMOVA - ÜRƏ... ) istifadə edilmişdir.
Videoda Azərbaycan Filmləri yutub kanalındakı videomateriallardan ( • Video ) istifadə edilmişdir.
Videoda Reyhan Muslomova yutub kanalındakı videomateriallardan ( • REYHAN MÜSLÜMOVA - SON... ) istifadə edilmişdir.
Videoda Reyhan Muslomova yutub kanalındakı videomateriallardan ( • REYHAN MÜSLÜMOVA - TÜR... ) istifadə edilmişdir.
İnsan daim ən gözəl şeylərin hələ qarşıda olduğunu düşünür. Nakam ölənlərin bu həyatdan qazanmadıqlarına bu gün verə biləcəyimiz yeganə qarşlıq onları xatırlamğımızdır. Xatırlayaq… Biri var idi, dəbdəbəli titullardan imtina edən, cavan yaşında həkim əli ilə faciəvi şəkildə ölən aktrisa, müğənni Reyhan Müslümova….
Reyhan Müslümova 1949-cu ildə Qubada anadan olub. Valideynləri həkim olduğundan qızlarını da həmin sahəyə yönləndirmək istəsələr də, Reyhan xanım sonunda müğənni olmağa qərar verib.
O, müğənnilik karyerasında ilk addımlarını “Lalə” qızlar ansamblında atıb. Kəmalə Rəhimli, Nəzakət Məmmədova, Nisə Qasımova, Ruhəngiz Allahverdiyeva, Yaqut Babayeva ilə birgə səhnəyə qədəm qoyan müğənni uzun illər həmkarı Yaqut Babayeva ilə uzun illər küsülü olub.
Lakin Reyhan xanımın kürəkəni qeyd edir ki, Leyla Bədirbəyli çəkiliş zamanı o sözləri deməyib, münasibətləri o qədər yaxşı olub ki, Reyhan Müslümova Leyla Bədirbəyliyə hörmət əlaməti olaraq qızının adını Leyla qoyub.
Dövrünün ən yaxşı bəstəkarları ilə işləyən müğənni 18 yaşındaykən Hüseyn Seyidzadənin ekranlaşdırdığı “Dəli Kür” filmində Cahandar ağanın qızı Salatın rolunu canlandırıb.
Müğənni Xəyyam Nisanovun atası Reyhan Müslümova ilə yaxın dost olublar. Xəyyamın 11 yaşı olanda valideynləri avtomobil qəzasına düşürlər. Bu qəzada Xəyyamın atası dünyasını dəyişib. Bir müddət nağara aləti üzrə təhsil alan Xəyyam Reyhan xanımla tanış olur. Onun özünün sözlərinə görə muğənnilik karyerasında başlamasında Reyhan Müslümovanın ona həm müəllim, həm də insan kimi çox köməyi dəyib.
Reyhan Müslümova müğənni Murad Sadıqın bacısının qayınanası olub. Reyhan xanımın yaxın qohumlarından bir oğlu, bir qızı, iki doğma qardaşı və iki doğma bacısı var.
Çoxları elə bilir ki, Reyhan xanım əməliyyat zamanı komaya düşüb. Lakin, ailə üzvlərinin kulis.aza verdiyi məlumata görə həkim müğənninin mədəaltı vəzini deşdiyi üçün qanaxma olub və ölüm də bu səbəbdən baş verib. Ən gülməlisi, xəstəxanadan verilən ölüm kağızında Reyhan Müslamovanın guya yanıq xəsarətlərindən öldüyü qeyd olunub. Beləliklə artıq çəkidən azad olmaq istəyən müğənni 2002-ci ildə Bakıdakı 5 saylı xəstəxanada liposaksiya əməliyyatı keçirən zaman 53 yaşında həyatını itirir.
Əməliyyata gedəcəyini oğlu və qızından başqa kimsə bilməyib.
Onu əməliyyat edən cərrah Məhəmməd Xəlilov isə törətdiyi əmələ görə bir neçə il işindən uzaqlaşdırılır. O, Reyhan Müslümovanın ölümündən sonra çox böyük stress və əsəb keçirir və bir il sonra o, da dünyasını dəyişir.
Reyhan xanımın əməliyyatının yeganə şahidi olan həkim Ziyad Əsədov müğənninin ailəsi ilə bağlı maraqlı faktlar açıqlayarkən deyib ki, Reyhan xanımın həyat yoldaşından on il əvvəl ayrılsa da, o, dünyasını dəyişəndən sonra keçmiş əri xanımının ölümünə görə etirazını bildirib. Lakin, ailə üzvlərinin məlumatına görə Reyhan xanım həyat yoldaşından rəsmi olaraq boşanmayıb.
Sənətçinin oğlu Emin Vəlixanlı müsahibələrinin birində deyir:
"Anam 53 yaşında məlum səbəblər ucbatından dünyasını dəyişib. O vaxtlar bir neçə sənətçi bizimlə maraqlansa da indi artıq kimsənin yadına düşmürük. Nə qədər ki, bəstəkar Ramiz Mirişli Dövlət Televiziyasında işləyirdi, heç olmasa ara bir mərhum anamın video lentə yazılmış mahnılarını səsləndirirdi. Qəribədir, məgər Reyhan Müslümova Azərbaycan incəsənəti üçün heç bir iş görməyib? Çəkildiyi "Dəli Kür" filmi kifayətdir ki, hamı ona baxanda anamın aktrisa bacarığına heyran olur. Ölümünə bir-iki ay qalmış anama Əməkdar artist fəxri adını vermək istəyirdilər. Lakin özü razılaşmadı. Çünki həmin vaxt bir qrup gənc müğənni də həmin fəxri ada layiq görülmüşdü. Heç Xalq artisti də olmaq istəmirdi. Deyirdi ki, "mən xalqımın artistiyəm".
2004-cü ildə oğlu tərəfindən "Mən həyatda olmayanda" adlı musiqili diski və konsertlərdə, tele-kanallarda etdiyi çıxışların hamısını DVD-formasında arxivləşdirilib.
Ondan çox şey qalmayıb. Qalan nəsnələr isə çox dəyərlidir. Dəyərlərimizə sahib çıxaq. Ən azından mənəvi mühafizəmiz olan xatırlamaqla...