عاصمة القرار | كلمات نخبة من شعراء البقوم | أداء جفران بن هضبان

عاصمة القرار | كلمات نخبة من شعراء البقوم | أداء جفران بن هضبان | 2024🔥

Рет қаралды 30,878

Күн бұрын

محمد بن راشد
بعد انتهت فالبحر رحلة يوم من شمس النهار
واقبل ظلام الليل يستدرج مساه ويلحفه
قمت اتغانم حزةٍ بالذكر يغشاها الوقار
فيها طمأنينة نفوس وهي مامنها تكلفه
يالله ياللي قربك الجنه وبعداً عنك نار
وفق نوايانا وزدنا من لدنّك معرفه
واليا ادلهم وطرز ثيابه من نجوم المدار
ماعاد قدم الشاعر الا انه يحدد موقفه
فهد الوقيص
كثر ماعنينّا الخيول فـ حشمة الطارف جهار
وإعداد ما أزهفنا الرقاب الحمر من كم أسعفه
يامرحبا ترحيبنا ، الي يشرح صدور الديار
رحبً يخلي الضيف ينسى كبر همه واصلفه
على حجاجاً يضحك وعود أزرق وبن وفقار
نثني الترحيب ، والطيب المعتّق نردفه
ترحيب ابوي الي عمَر طالات جدّه بـ اختصار
حتى خذا من كلمة و نعم إسم مثبوت وصفه
فيصل بن نماس
عمار ياتاريخنا ياللي منومسنا عماار
نكتب بك اسمانا حقيقيه ماهيب مزيّفه
و نقرا ضحيان ابن خالد من يمين ومن يسار
اسمً عُرف ماهوب يحتاج لـ زيادة معرفه
الله من طيب النبا و الله من حسن الجوار
والله من ذخراً ، نعده للضروف المكلفه
لاصارت الدنيا بعينك مثل طرّاف الوجار
سندّ على ضحيان ويشيل الحمول المسرفه
عنيزان عيد :
اسم الوقيص اسماً معرب خل الاسم المستعار
اسماً ليا مـــــن عـده التاريــخ عـــدّه وانصفه
اسماً يليق ابه الثنـــاء ويليــق فيــه الافتخـــار
مشــرّف الوقصــان والوقصــان عـــزّه وشرفه
ربعاً على وضح النقى تقلط بـ اساميــــها الكبار
والله مايجحد فعلهم غيــــر القلوب المجحفه
اي والله افخـــر في بني عمــي وطاريهم جهــار
انا اشهٌـــد ان ليّ لابــةٍ بين الرجــال مشــرفه
ابراهيم المرزوقي :
اسمً كبير وفعلً اكبر واخر الاسماء كبار
من اول اسمه لا اخر اسمه لانطقها تشرّفه
هذا كـريـزيً ،، ماقدّم ( للمواقيف ) العذار
يوم الضعيّف دايم ب تسعه وتسعين ضعفه
ووالله وسبع انعام بالكرزان في كل الديار
ذولا مرابط خيلهم كل القبايل تعرفه
عادة بيارقهم تطارخ ف الصحاح من النهار
يوم إن نجد النار تالع في اوله لين طرفه
محمد الرويبخ :
حنا البقوم اللي ليا منا تقفينا البكار
امست مذاليق الرماح من القلوب معلفّه
فارس بني عمي ليا وايق على هجمه واغار
كنّ الارضي تنقله بكفوفها وتطوفّه
اسدودنا على الخوي اتقول تِبنى من جدار
الرجل منّا تودعه سرّك وكنك محلفّه
والله يديم الرايه الخضرا وعاصمة القرار
والله يديم اخوان نوره والقلوب مولفّه