Рет қаралды 637
الطماطم المجففه
Sundried tomato
دلوقتي كل الي هنحتاجه للوصفه دي
- طماطم شيري ...ممكن تستخدموا طماطم عاديه بس يكون حجمها صغير ..بس هي الشيري فيها نسبة سكر اعلى فبيكون طعمها احلى..
- زيت زيتون
- زعتر ناشف
- روز ماري فريش
- فص توم كبير -
اول حاجه نعملها نغسل الطماطم كويس اوي وننشفها كويس
- هنقسم الطماطم نصين وكل نص نمسكه وبمعلقة صغيره نشيل منه البذر ..يعني نسيب القشر واللحم بس -
نجهز صينيه ونفرش فيها ورق زبده
- نرص الطماطم على ضهرها يعني ناحية القشره
- ونرش عليها الزعتر ونرش برده زيت زيتون
- حاجه بقى من الاتنين ...
الطريقة الصح والاصليه اننا ناخد الصينيه دي نغطيها بايشارب خفيف ونحطها ف الشمس من ٣ ل ٤ ايام ... ولان دي برده صعبه شويه وبتاخد وقت ف الطريقه الاسهل هي ان على اقل درجة حراره ف الفرن يعني الفرن يادوب يكون سخن مش حامي اوي ..نحط الصينيه وبتاخد تقريبا من ساعتين ونص ل ثلاث ساعات ونص حسب الفرن ..من بعد ساعتين نبدا نبص عليها
- مش بنستنى لونها يسود هي بتفضل حمرا بس بتنكمش وبتنشف -
لما بتطلع بنجهز برطمان نضيف ونحطها فيها ومعاها فص توم وعود روز ماري فريش ونملى البرطمان زيت زيتون لحد ما يغطي الطماطم -
زيت الزيتون ده بقى نبقى نطبخ بيه بيكون طعمه وهمي
- جربوها وهتلاقوا طعمها احلى من الي بتتجاب من بره ومش بتتكلف اي حاجه والفتره الي جايه هنزل وصفات كتير بيها - وبالهنا والشفا