محمد نجيب يعتقل شقيقه بعدما قال له: خليك مع فاروق عشان العيال اللي واقف معاهم هيبعوك

قصة لم تسمعها من قبل.. شقيق محمد نجيب قال للملك فاروق: انا من رجالتك وهدافع عنك، واخويا ده هيضيع مصر لو شالك!
محمد نجيب كان عنده أخ لواء وكان منحاز للملك، وفي يوم 23 يوليو محمد نجيب حبس اخوه رغم أن اخوه اللواء علي نجيب قاله: يا محمد العيال ده هتبيعك وهترميك ورا القضبان.. تبدأ الحكاية يوم 22 يوليو 1952 لما كان اللواء محمد نجيب في بيتهم ومتوتر وعارف أن ده ليلة مصيرية في حياته، وفجأة رن التليفون ولما رد لقى أخوه اللواء علي نجيب واللي كان قائد قسم القاهرة بيقوله: يا محمد فيه معلومات من رجالتي في البولس أن فيه تحركات مريبة بين قوات الجيش عندك معلومات، وقتها محمد نجيب قاله: لا يا علي معنديش معلومات أنا في البيت قاعد بيريح.
سكت اللواء علي نجيب ورجع قال لأخوه: يا محمد انا شاكك أنك عارف وخلي بالك أن الملك نفسه شاكك، رد محمد نجيب بحسم وقاله: يعني يا علي لو فيه تحركات هبقى في البيت أكيد هنزل، فعلي نجيب عشان يقلق أخوه قاله: خلي بالك فيه اجتماع كبير بين القادة وأنا مدعو انت هتروح ولا، فهم محمد نجيب الرسالة، وقاله: لا يا علي محدش دعانا، فرد علي نجيب وقاله: يبقوا شاكين فيك، وقفل التليفون معاه.
فورا كلم محمد نجيب الظباط وقالهم على الاجتماع وأنهم لازم يمسكوا كل القادة دول قبل ما يتحركوا وياخدوا رد فعل وأخوي علي نزل جولة في المعسكرات، وفورا اتحرك المقدّم مصطفى راغب لمعسكر المدفعية ولقى اللواء علي نجيب وأول ما شافه قاله: يا افندم أنت مطلوب أني امسكك بأمر اللواء محمد نجيب، اللواء علي نجيب لما سمع الكلام ده اتخض وقاله: بأمر أخويا تمسكني وقتها علي نجيب عمل حاجة من المفاجأة محدش كان يتوقعها.
#الملك_فاروق
#محمد_نجيب
#جمال_عبد_الناصر

[@mido0879]

قناة سيادتك تستحق المليون حقيقي قناة محترمة ومعلومات مميزة تحياتي وان شاء الله القناة توصل للمليون

[@muhammedelsayed1982]

ثوره مباركه أن شاء الله

[@user-gk4ph4sp2r]

على فكرة، اللواء ‏‪3:38‬‏ علي نجيب ذكر ذكرا عابرا من قبل حسين الشافعي في شهادته على العصر.😢 واذا كان حذر أخاه من عودة الانجليز، فهو قد قال كلاما يشبه كلام العرافات. فقد عاد الانجليز فعلا..ولكن على شكل عساكر صهاينة..في كامل سينا😢 ‏‪

[@sharifsalama]

الله يرحمك يا زعيم الهزائم و الفساد و الخيانة و النكسات سبحان الله ما نسمعش اسمك في اي موضوع اإلا و يشوب الموضوع ده الشك .. حتي آخر رمق في عمرك شربت القهوة اللي انت بنفسك عارف بقصتها

[@amer_-dv9uc]

هو الانقلاب ضد الملك سببت اكبر نكسة بتاريخ مصر

[@abdoalaa-pz7yp]

مادام سبب نكسه مصر ليه الشعب وافق على الانقلاب وبقي ثوره

[@amer_-dv9uc]

@@abdoalaa-pz7yp الشعب مجبور صحى الصبح لقى انقلاب واحكام عرفية ظن انه يكون للاحسن وجد نفسه في حروب ونكسه ومجاعة وحكم شخص واحد لحد ما صار على النظام العسكري ثم رجع اليه

[@abdoalaa-pz7yp]

@@amer_-dv9uc الشعب كمان كان مجبور على تطبيل لجمال عبدالناصر والشعب كمان كان مجبور على تصديق شعارات القوميه العربيه الشعب كمان كان مجبور على دعم جمال عبدالناصر بعد خطاب التنحي الشعب كان تعبان ايام الملك وكان تعبان بعد الثوره