Рет қаралды 1,053
查詢課程:forms.gle/Fzg5...
---------------
Interview嘅時候,臨場小朋友發脾氣可以點做?
小朋友喺面試嘅時候有情緒係好經常發生嘅事。如果你係喺幼稚園做面試老師,基本上你會發現有兩三成嘅小朋友入到嚟嘅時候情緒係未平復,好多時候會黐住媽媽。
有好多幼稚園會要求小朋友自己入去面試,而作為校長同老師都會明白小朋友嚟到陌生嘅地方有情緒係好正常嘅事,所以喊從來都唔係一個問題,而作為家長見到小朋友喊,亦都唔應該即刻覺得冇希望。
但係喊亦都唔代表一定出局。因為你要同自己講,當小朋友落到場爆喊,個焦點就去咗你身上,如果你能夠展示比校長睇你有足夠嘅控場能力,有方法可以安撫到小朋友,你係會加分。
安撫小朋友嘅方法可以有好多,每個小朋友嘅特性都唔一樣,有啲同媽媽攬攬,有啲就喺手掌上面畫個笑哈哈,有啲就帶一粒糖去作為面試禮物。關鍵係睇你自己小朋友適合咩方法,呢個時候校長同埋老師會看在眼裏,去評估你係咪一個有方法。
我哋見到最經常發生嘅情況係:家長見到小朋友喊嘅時候表現到手足無措,有啲個案係媽媽特登派爸爸去參加面試,本來嘅原意係希望展示比校長睇爸爸都有參與,但係爸爸好明顯未必係能夠職場安撫到小朋友嘅情緒,導致落場嘅時候雞手鴨腳呢個時候就真係冇得救。
我哋亦都見過一啲情況,就係雖然小朋友喊,但係媽媽即刻展示到佢其他啲方法去安撫小朋友嘅情緒,學校一般嚟講係會比多一次機會你,等你情緒穩定返就再入去完成任務。對結果係不受影響。其實面試就係俾個機會校長同老師認識你呢個家庭,好多時有個照妖鏡唔係喺小朋友度,而係喺你身上。
所以,成日話PNK1主要唔係揀小朋友,而係揀佢嘅家庭。如果你表現唔到比校長睇你係能夠掌握到小朋友唔同嘅狀況,咁日後更加嚴峻嘅任務,又點有信心交俾你做?
----------
課程訂購:Full version的Video解說(三合一課程),包含必睇嘅全局分析、拍片技巧、校長對談深度分析,可以這裡訂購:
forms.gle/Fzg5...
聯絡Henry Sir:wa.me/85264008322