Рет қаралды 16,670
#GREENGRAMA
മഞ്ഞ സാന്തോൾ പുളിയനോ ? വോഡ്ക എങ്ങനെ ?
Is the yellow santol sour? How is vodka? #GREENGRAMA
തെക്കുകിഴക്കേ ഏഷ്യയിൽ കാണപ്പെടുന്ന ഒരു ഫലവൃക്ഷമാണ് സന്തോൾ. പഴയ ഇന്തോചൈന, മലയൻ ഉപദ്വീപ് എന്നിവിടങ്ങളിൽ ഉത്ഭവിച്ച സന്തോൾ പിന്നീട് ഇന്തോനേഷ്യ, മൗറീഷ്യസ്, ഫിലിപ്പീൻസ് എന്നീ നാടുകളിൽ എത്തി വ്യാപിച്ചതാണെന്നു കരുതപ്പെടുന്നു. "പുളിയൻ ആപ്പിൾ" (Sour Apple) കാട്ടുമാംഗോസ്റ്റീൻ എന്നീ പേരുകളും ഇതിനുണ്ട്.സന്തോൾ മരം, മഞ്ഞയും ചുവപ്പും പഴങ്ങൾ ഉണ്ടാകുന്ന രണ്ടിനങ്ങളിലുണ്ട്. അവ രണ്ടു ജാതികളിൽ പെടുന്നതായി നേരത്തേ കരുതപ്പെട്ടിരുന്നു. പഴത്തിന്റെ കട്ടികൂടിയ തൊലിക്കുള്ളിലെ രസം നിറഞ്ഞതും മാംസളഭാഗം ഭക്ഷണയോഗ്യമാണ്. അതിന് മധുരമോ പുളിയോ ആകാം രുചി. അതിനുള്ളിൽ ഭക്ഷണയോഗ്യമല്ലാത്ത കുരു കാണാം.
വളരെ വേഗം വളരുന്ന മരത്തിനു് 150 അടി വരെ ഉയരം ഉണ്ടാകാം. അതിൽ സിരകൾ നിറഞ്ഞ ഇലകളും ഒരു സെന്റീമീറ്ററോളം നീളത്തിൽ, ചുവന്നതോ മഞ്ഞയും പച്ചയും കലർന്നതോ ആയ പൂക്കളും കാണപ്പെടുന്നു.മൂപ്പെത്തിയ കായ, മരത്തിൽ കയറി കൈകൊണ്ടോ താഴെ നിന്ന് തോട്ടികൊണ്ടോ പറിച്ചെടുക്കുകയാണു പതിവ്. പഴത്തിനുള്ളിലെ മാംസളഭാഗം തന്നെയോ, മസാലകൾ ചേർത്തോ കഴിക്കാം. പാകം ചെയ്തും പഞ്ചസാരയിലിട്ടും പഴരസമാക്കി മാറ്റിയും കഴിക്കാറുണ്ട്. ചീന്തിയെടുത്ത മാംസളഭാഗം തേങ്ങാപ്പാലിൽ പന്നിയിറച്ചിയും കുരുമുളകും ചേർത്ത് പാകം ചെയ്തു ഫിലിപ്പീൻസിലെ ബിക്കോൾ പ്രവിശ്യയിൽ വിളമ്പാറുണ്ട്. സന്തോൾ കുരു ഭക്ഷണയോഗ്യമല്ല. അറിയാതെ വിഴുങ്ങുന്ന കുരു കുടലിനു കേടുവരുത്താനും സാദ്ധ്യതയുണ്ട്. ഏറെ മൂക്കാത്ത കായ ഉപയോഗിച്ച് തായ്ലണ്ടിൽ സോം ടോം എന്ന വിഭവം ഉണ്ടാക്കാറുണ്ട്.
സന്തോളിന്റെ തടി വലിപ്പമുള്ളതും മിനുക്കാൻ എളുപ്പവും ആയതിനാൽ നിർമ്മാണാവശ്യങ്ങളിൽ പ്രയോജനപ്പെടുന്നു. സന്തോൾ നല്ലൊരു തണൽ വൃക്ഷമാണ്. ഇലകളും മരത്തൊലിയും ലേപനൗഷധമായി ഉപയോഗിക്കാറുണ്ട്. മരത്തിന്റെ പല ഭാഗങ്ങളും നീരു വലിയാനുള്ള ഔക്ഷധമായും ഉപയോഗപ്പെടുന്നു. സന്തോൾ കാണ്ഡത്തിൽ നിന്നെടുത്ത ചില രാസച്ചേരുവകളിൽ അർബുദശമന ഗുണം കണ്ടെത്തിയതായി അവകാശവാദമുണ്ട്. സാന്തോൾ വിത്തിന്റെ സത്തിന് കീടനാശനക്ഷമത ഉള്ളതായും പറയപ്പെടുന്നു.