Маңғыстау облысында «Көктем-2025» РКШОЖ өткізілуде

Облыс аумағында «Көктем-2025» Республикалық командалық-штабтық оқу - жаттығуы өткізілуде, оның мақсаты басқару органдарының, азаматтық қорғау мемлекеттік жүйесінің күштері мен құралдарының көктемгі кезеңдегі су тасқыны жағдайында төтенше жағдайлардың алдын алу және оларды жою жөніндегі іс-қимылдарға дайындығын тексеру болып табылады.
Оқу-жаттығу шеңберінде шұғыл ден қою отрядтарының, облыстың қалалары мен аудандарының азаматтық қорғау қызметтері мен құралымдарының дайындығына тексеру, табиғи және техногендік сипаттағы төтенше жағдайларды жоюға, су тасқыны кезеңі жағдайында халықтың қауіпсіздігін қамтамасыз етуге іс-қимылдарды одан әрі жетілдіру үшін жедел штабтардың жұмысы жүргізілді.
Оқу-жаттығуды өткізу кезінде азаматтық қорғау қызметтер, әскери бөлімдер, волонтерлық ұйымдар және қоғамдық ұйымдардың жеке құрамының 1150 адамы, 168 бірлік техника мен арнайы техника жұмылдырылды.