Махамбет ауданында ерлер арасында волейболдан облыстық турнир өтті

Ақпан айының 9-10 күндері Махамбет ауданында ерлер арасында волейболдан облыстық турнир өтті. Аудан әкімінің кубогі сарапқа салынған тартысты додаға қаладан және 7 ауданнан келген құрамалар өзара бақ сынасты. Жарыстың мақсаты жастар арасында салауатты өмір салтын насихаттау және ауыл спортын дамыту, волейбол спортына деген қызығушылықты арттыру. Екі күнге созылған жарысқа облысымыздың ардагер ойыншылары мен волейболдан Қазақстан Республикасының жоғары лигасында мұнайлы өлкенің намысын абыроймен қорғап жүрген спортшыларымызда өнер көрсетті. Сайыстың алғашқы күнінде топтық кезеңдер өтсе, келесі күні полуфинал мен финалдық ойындар өткізілді. Айта кеткен жөн, сайыс командаларға оңай соқпады. Әсіресе «Suleimen NSS» пен «Махамбет» арасындағы финалдық кездесу өте тартысты өтті. Алғашқы партияда алаң иелері жеңіске жетс, қалған 2 партияда «Suleimen NSS» командасы өз шеберліктерін көрсетіп, жеңісті жұлып алды. Осылайша жарыс қорытындысы бойынша 1-орынды «Suleimen NSS» командасы иеленсе, 2-орын «Махамбет» командасына бұйырды. Ал жүлделі 3-орынға «Қызылқоға» құрамасы ие болды. Барлық жеңіміпаздарға арнайы кубок пен медаль және қаржылай сыйлықтар табыс етілді. Сондай-ақ, «Suleimen NSS» командасының ойыншысы Ануар Черкешбаев турнирдің «ең үздік ойыншысы» атағына ие болды.
- Жарысты ұйымдастырған Махамбет ауданының әкімі Қайрат Нұрлыбаев пен бізді қолдаған «NSS» компаниясына және Ақдрашев Ибрагим Шияпұлына өз алғысымызды білдіреміз деді, «Suleimen NSS» командасының бас бапкері Биғали Жұмағазиев.
Енді «Suleimen NSS» командасы 16-18 ақпан күндері Жылыой ауданында өтетін Құлжанов Сүлеймен Хамитұлын еске алуға арналған волейболдан сайысқа қатынаспақ. Қазір құрама жарысқа қызу дайындықты бастады.
👏🏻Біз командаға тек жеңіс тілейміз.

[@amansultangereev8308]

NSS 👍🏽👍🏽👍🏽👍🏽👍🏽