Рет қаралды 3,269
මහන්සියට කවි සීපද සින්දු කියනවා
හෙමින් හෙමින් හපුතලේ කන්ද අදිනවා
පහන් තරුව කන්ද උඩින් අන්න පෙනෙනවා
නැවුම් සුවඳ අරුණෝදෙක ලකුණු කියනවා
අපේ මේ බරබාගේ හැදූ නයිදෙගෙ වඩු පට්ටලේ
අනාගතේ වාහන වැඩ පොළක් හැදෙනවා
අපේ රටේ යකඩ වානෙ මහ පොළොවෙන් ඉවත් වෙලා
විදුලි බලෙන් යන්තරයෙන් වැඩ නිම වෙනවා
හා යමන් පුතා
හෙමින් හෙමින් හපුතලේ කන්ද අදිනවා
මහන්සියට කවි සීපද සින්දු කියනවා…
අපේ දුක් ගී ඇහිලා හැඬූ ලක් මවගේ හදවතේ
අනාදිමත් කලක පටන් ලේ උණු වෙනවා
ඒ උණු ලේ කඳුළු වෙලා හෙළූ කඳුළු එකතු වෙලා
තෙල් හැදිලා පේසාලෙන් ගොඩට ඇදෙනවා
හා යමන් පුතා
හෙමින් හෙමින් හපුතලේ කන්ද අදිනවා
මහන්සියට කවි සීපද සින්දු කියනවා…
රටේ සම්පත් යොදලා අපේ අනාගතේ සරුවෙලා
විදෙස් වලින් පවා අපට මුදල් ගේනවා
අපේ රටේ රථ වාහන අපේ රටේ තෙල් යොදලා
අපේ පැටවු මේ කඳු පහුකරගෙන යනවා
හා යමන් පුතා
හෙමින් හෙමින් හපුතලේ කන්ද අදිනවා
මහන්සියට කවි සීපද සින්දු කියනවා…
පද රචනය, තනුව, සහ ගායනය: රෝහණ බැද්දගේ