Marsiya Ameer Muslim (Complete) | Yasir Ali Raza

Marsiya Titile: Watan se chut kay koi Khasta jaan shaheed na ho
Marsiya janab e Ameer Muslim (A.S)
Recited By: Yasir Ali Raza
Audio & Mixing: MK Audio Lab
Video: YAR Studio Lahore
#marsiya #muslimbinaqeel #ameermuslim #mkaudiolab #salam
Lyrics of Marsiya:
Watan se chut kay koi khasta jaan shaheed na ho
koi musafir e be khaniman shaheed na ho
kisi kay ghar pe koi mehmaan shaheed na ho
shaheed ho tou wo tishna dahan shaheed na ho
safar mein mout ka aana bari shahadat hai
jo lash dafan na ho aur bhi qayamat hai
Muqeem e khaana e haani thy Muslim e pur gham
usy bhi qatl kia zalimon ne haye sitam
yeh inqelaab yeh rang e do rangi e aalam
amaan ki fikr me dar dar phiry safeer e haram
barhi jo piyas bohat tharthara kay beth gye
qareeb e shab dar e to'wa pe aa kay beth gye
Makaan se nikli jo to'wa tou boli ghabra kar
kay aap kon hain bethy hain kis liye dar per
dabi zaban se kahan ik ghareeb hun Khwahar
pila day aab mujhy behr e saaqi e kousar
yeh sun kay nazr e imaam e inaam le aai
sehan me ja kay wo paani ka jaam le aai
wo aab pi kay bhi uthy na jab tou us ne kaha
kay paani pe chukay ab ghar ko jao behr e khuda
aseer karny ko muslim kay phirty hain aada
ayaal fikr mein hun ge kay reh gye kis jaa
ghazab hai phir jo ghareebon kay dil ko kalna pary
talaash me koi bibi kahein nikal na pary
yeh sun aah bhari aur kaha ba deeda e tar
na bethty tery dar pe kahein jo hota ghar
kahan ayaal jinhein fikr ho gi aye khwahar
yahan behan hai na bhai na zoja o dukhtar
na jaany wo bhi yunhi gham mein hain kay chain se hain
Hussain ham se Juda ham juda Hussain se hain
yeh naam sun kay pukari wo aashiq e Zahra
Hussain aap kay kia hain? kaha mery Moula
wo boli naam o nasab kuch bataye main fida
kaha kay mard e ghareeb ul watan ka naam hi kiya
watan wohi hai jahan Ahl e Bait rehty hain
Mujhy Hussain ka adna Ghulaam kehty hain
Yeh sun kay us ne tarap kar kaha ba shiddat e gham
yeh khaaksaar bhi hai ik kaneez e shah e umam
chupao mujh se na Lillah haal e dard o alam
batao naam tumhein Jaan e Fatimah ki qasam
kaha haram se jo choota wo be naseeb hun main
wakeel Sibt e Nabi Muslim e Ghareeb hun main
Yeh naam sunty hi qadmon pe wo giri ro kar
kaha fida ho Ghulam aye Aqeel kay dilbar
Huzoor naib e Shabeer thy na thi yeh khabar
Kaneez Ghar me rahi aap yun phiry dar dar
Bas ab na sadma e ghurbat uthaye Moula
Ghareeb khany ki Izzat barhaye Moula
Yeh sun kay aap uthy aur duaein de kay kaha
kareem is ki jaza de tujhy Kaneez e Khuda
wo ghar me lai jo in ko basad khaloos o wila
wahan bhi chain se qismat ne bethny na dia
kati wo raat jo Shabeer kay fidai ki
sahan ko fouj e sitamgaar ne charhai ki
wo shor o shar jo suna uthy Muslim e na chaar
kaha Rizan bi Qaza aur khainch li talwaar
qareeb dar kay jo aya wo safdar o jarrar
qadam se to'wa e bekas lipat gai ik baar
kaha hazaron se tanha na karzaar karo
mujhy batool se wari na sharmsaar karo
wo boly sab kay aye aashiq e Ali o Batool
main tujh se shaad hun khushnood hain khuda o Rasool
na ab ruky ga kisi tarha yeh hazeen o malool
Husaam khainch kay rokein nahi yeh apna asool
yeh keh kay ran pe charhy qatl e aam kar kay phiry
najaf ko mur kay Ali ko salam kar kay phiry
Kisi tarha na daba jab yeh saani e Abbas
Udu ne makr se khoda kunwan ba hasrat o yaas
chupa kay phir khas o khashaak me basad vaswaas
dagha sey ghair kay laye jari ko chah kay paas
barha qadam tou luty ahl e bait haye ghazab
kunwein mein gir gye ghory samait haye ghazab
sata chuky jo musafir ko baani e bedaad
rasan me bandh kay lay aye paish e ibn e ziyad
ghazab ki piyaas se tha jaan balab jo yeh na shaad
kisi se paani ka talib hoa khajista nehaad
wahan bhi saath dia tha janab e to'wa ne
shitaab paish kia jaam e aab To'wa ne
zameen pe beth kay phir ibn e saad se yeh kaha
wasiyatein meri sun le khari hai sar pe qaza
libaas o taigh o zara baich kar bara e khuda
jo kuch mily wo mery qarz khwah ko dena
yeh khasta haal kata kar gala jo so jaye
bara karam ho agar lash dafn ho jaye
manga de khaama o qirtaas behr e Rab e Inaam
likhy ga Shah ko tasleem aakhri yeh ghulam
wo khat kay likhny ka samaan aa gya jo tamam
laho se apny likha aye Batool kay gulfaam
ajeeb haal me yeh bekaso Musafir hai
haroof e khat se zamany ka rung zahir hai
ziyada likh nahi likh sakta yeh bekaso muztar
na layein kofy mein tashreef shah e jinn o bashar
talab kia hai dagha se udo ne aye Sarwar
tamam karta hun ab khat kay kinch gya khanjar
faqat yeh gham hai k Moula ko Parh kay gham ho ga
qalam ko rakhta hun ab main kay sar qalam ho ga
ravaravi mein wasiyat bhi likh dun ik dam e yaas
k meri zoja e bekas hai khwahar e Abbas
sifarish un se karein badshah qadr shinaas
ghareeb bewa ko taskeen day wo naik asaas
mery yateemon ko shafqat se paal lein Abbas
mery luty hoye ghar ko sambhaal lein Abbas
jhuky wo ishq k sajday mein muslim e deendaar
chala wo halq k bosy ko khanjar e khoon khaar
pari wo kofy me tamheed e karbala ik baar
hily batool k nouhy se wo dar o dewaar
tarap raha ha tan e paash paash haye ghazab
zameen pe phaink di Muslim ki Lash Haye Ghazab

[@farwabatool7054]

Salam ya HUSSAIN a.s

[@NazarAbbas628]

Mashallah jazakallah

[@ishqomarefat680]

جزاک اللہ

[@basharatshujaat3092]

ماشاءاللہ 😢

[@tabassumfatima6193]

Mashallah

[@musahussayni]

Mashalla Farhan Ali Waris jesi awaaz hai ❤

[@user-vf4be8bq4b]

Bohut pur dard Kalam......

[@razahussainlashari]

ماشاءاللہ سلامت رہیں۔ بہت افسردگی ہوجاتی ہے یہ کلام سن کر

[@qamarhaider705]

😢😭😢 Jazakallah

[@alirehman3160]

MashAllah kia khoob Marsiya Parha hai. I think First time Marsiya itni achi audio quality k sath upload hoa hai. plz aagy bhi Masriye upload kijiye ga.