Medo maktub - MEDO 2022

Medo.uz ning yangi yil sonida “Maktublar” rubrikasini boshlaymiz. Ushbu rubrikamizda shifokorlar bizga yo‘llagan ajoyib voqealarni sizga so‘zlab beramiz, demak boshladik!
1 xat (feldsher)
Bir kuni brigadamizni shahar tumanlarining biriga tezkor ravishda chaqirishdi. Men tez yordamda ishlayman. Zudlik bilan yetib bordik. Nega tez yordam mashinalari kech qoladi degan savolingizga javob olmoqchi bo‘lsangiz, yo‘ldagi tirbandliklarga bir nazar tashlang.
Ha mayli mavzudan chetlashmaylik. Voqea joyiga yetib keldik. To’rt qavatli uyning uchinchi qavatida 50 yoshlardagi ayol eshikni ochdi, yuzidan qattiq havotir bilinar edi.
- Va nixoyat yetib keldingiz, tezroq kelsangiz bo‘lmasmidi, bolam bechora qiynalib ketdiku, - deb dod voy solardi ayol. Bilsak onaning 23 yoshli o‘g‘li qorindagi dam yeyish va og‘riqdan qutilish hamda ichini tozalash uchun ichni bo‘shashtiruvchi 2 xil doridan 3-4 tadan ichgan ekan.
Natijasi ma’lum - Ichni bo‘shashtirib, yurg‘izuvchi dorilarni suiste’mol qilish ichak faoliyatining buzilishi, og‘riq, xojatning anomal darajada ko‘p davom etishiga olib keladi.
Shuning uchun azizlar internet, televizor yoki tanishlardan ko‘rgan, bilgan ma’lumotlaringizga ishonib ketavermang. Tanamizdagi har bir a’zoning sog‘lom bo‘lishi, o‘zimiz va atrofdagilarga tashvish keltirmasligimiz uchun e’tiborli bo‘laylik.
2 xat (stomatolog)
Shifokorlar kuniga turli xil holatlarga duch keladi - odatiy, og‘ir, kulgili. Ana shunday kulgili holatlardan biri 3 oy avval sodir bo‘ldi.
Qabulimga chamasi 17-18 yoshlardagi talaba qiz kirdi. Kechadan beri tishidagi qattiq og‘riqdan aziyat chekayotganini aytdi. Ishimiz tish davolash, tish og‘rig‘i odatiy hol dedimda, tekshiruvni boshladim. Ne ko‘z bilan qarasam, bu umuman odatiy hol emas ekan! Muammo bemorning tishida emas, balki uning butun og‘zi, aniqrog‘i shilliq qavati va tish emalida ekan. Og‘iz bo‘shltg‘tdagi shilliq qavat deyarli to‘liq yara va tilnalishlar bilan qoplangan.
Qizning gapiga ko‘ra, u obdon bayramga tayyorlanmoqchi bo‘lib, hammadan oppoq tish sohibasi bo‘lmoqchi edi. Buning uchun u xo‘jalikda ishlatiladigan xlorni sotib olgan va tozalash vositasi bilan ayamay tishlarini tozalagan. Xayron bo‘ldim desam yumshoq gapirgan bo‘laman, “aqlingiz joyidami?” deb so‘raganimda, yosh bemor javoban: “xlorni etiketkasiga - emalga ta’sir qilmaydi deb yozilgan ediku..” deydi..
3 xat (LOR)
Klinikaga yetkazilgan 2ta bemor deyarli bir xil narsadan shikoyat qilar edi. Birinchisi qulog‘iga barmog‘ini solganida xech nimani eshitmasligini aytsa, ikkinchisining aytishicha - ertalab u qulog‘iga suvarak kirib ketganidan uyg‘onib ketgan. U natijasini o‘ylab ham o‘tirmay, qulog‘ini shappa barmog‘i bilan yopib shifoxonaga yugurgan. Qulog‘ingizni nega yopasiz, o‘zi chiqishiyam mumikn ediku desak - uni qochib ketmasin dedim-da - deb javob berdi bemor.
Bilmadim bu bilan bemor xasharotga qasd qilmoqchi bo‘lganmi, lekin nahotki oxir oqibat zarar o‘ziga tegishini anglmasa?
Nima bo‘lganda ham suvarakni chiqarish uchun bemorning qulog‘iga ledokain quyishni boshladik. Suvarak qulog‘ida bo‘lganidayam bunchalik dod voy solmagan. Og‘rimaydiku desak - g‘alati, yoqimsiz muolaja ekan doktor - deydi. Men shifokor ekanligimdan faxrlanman. Lekin ba’zan bemorlarga nima deb javob berishni bilmay qolaman.
Mana azizlar bayramona sonimizda shifokorlarimiz bizga ilingan hikoyalardan ba’zilarini siz bilan baham ko‘rdik. Bular uydirma emas, bo‘lgan voqealar. Shifokorlik qanchalik mas’uliyatli bo‘lsa shunchalik qiziqarli kasb ekanligiga yana bir bora min bo’ldik!
Aziz tomoshabinlar va hurmatli shifokorlar! Yangi yilda sizga baxt va oilaviy farovonlik tilaymiz! Har ishingizga omad va rivoj yo‘ldosh bo‘lsin. Omon bo‘ling, sog‘ salomat bo‘ling!
«Medo.uz» - Oʼzbekistondagi eng faol tibbiyotga oid onlayn nashrlardan biri. Ushbu loyiha oldiga Oʼzbekiston va jahonda ro'y berayotgan tibbiyotga oid eng muhim voqea-hodisalar haqida tezkor, aniq va xolis axborot berishni maqsad qilib qoʼygan.
MEDO.UZ расмий сайти
medo.uz/uz
Instagram:
/ medo.uz
Facebook:
/ medouzb
Tik-Tok:
/ medo_uz
Telegram:
t.me/joinchat/Sby1NgF5Cvh4rEyO
#insult #nevropotolog #nasl #ruhiyat

[@user-hk5nq5ts9m]

Ха тиббиетдаям кулгиди нарсалар булиб туради))😄😃👍

[@mylivemyrules5239]

Iloji bòlsa yozib yuboring

[@mylivemyrules5239]

Sizlarning manzillaringiz qayerda

[@mohimbegimusmonova3887]

Слабительный ичганда халиги бола 😗😀😆