Мекембай Омаровты еске алу кеші.

Қыбырайдың Ыбырайы атанып жүрген Мекембай Омаров тірі болғанда 74 жасқа толар еді. Әттең, Алланың әміріне жара жоқ. Жалғаннан өткеніне жылдың жүзі болған жарқын ғұмыр иесінің жады қашан да құрметте. Өйткені ол саналы ғұмырын жас ұрпақтың кемел азамат болуына сарқа жұмсаған ағартушы, айтыскер ақын, шығармашыл жан еді.
Табиғатынан талантты Мекембай аға біраз жыл Нұрлы жол газетінде де жұмыс істеп, тартымды да танымды материалдарымен қалың оқырманның жүрегінен терең орын алды. Өмірінің соңғы жылдарында сырқаттанып жүрсе де қолынан қағаз-қаламын тастамай ұлттың көкірек көзін ашу үшін көп еңбектенді. Асыл азамат осындай игі қасиеттерінің арқасында өзбек-қазақ халқының құрметіне бөленді.
Жуырда ақынды еске алып, Қыбырай аудандық қазақ ұлттық мәдени орталығы шара өткізді.