Рет қаралды 444
Аса құрметті ұстаздар қауымы!
Сіздерді жыл сайын қазан айының алғашқы жексенбісінде келетін және апта бойы аталып өтетін кәсіби мерекеміз - Мұғалімдер күнімен құттықтаймын!
Баршаңызға зор денсаулық, отбасы амандығын тілеймін! Қызметтеріңіз табысты, еңбектеріңіз жемісті болғай! Білім беру ұйымдарыңыз дами бергей! Шәкірттеріңіз үміттеріңізді ақтағай!
Былтыр Педагог мәртебесі туралы Заң қабылданды. Сондағы бекітілген бірнеше бағыттардың бірі - педагогтарды кәсіптік міндеттерімен байланысты емес жұмыс түрлеріне тартуға жол бермеу.
Мәселен, бұған дейінгі түрлі саяси науқандарда, сайлауларда сіздер қоғамдық жұмыстарға тартылып, ұйымдастыру қызметімен айналыссаңыздар, бұдан былай сайлауларға дауыс беруші ретінде ғана қатысасыздар. Осы орайда биылғы "Nur Otan" партиясының праймеризінде, алда болатын Парламент Мәжілісі мен мәслихаттар сайлауында белсенділік танытып, өз араларыңыздан шыққан әріптестеріңізді қолдауға шақырамын. Бұл саяси додада кәсіпкер кәсіпкерді қолдауы мүмкін. Саясаткер саясаткерді, мұнайшы мұнайшыны, дәрігер дәрігерді қолдауы мүмкін. Ал біздің негізгі сенім артарымыз - педагог әріптестеріміз. Әсіресе, бұл үндеуімді Маңғыстау облысы Мұнайлы ауданындағы "Ұлағат" БПҰ мүшелеріне арнаймын. Мен қазіргі пандемия жағдайын ескеріп, сіздердің қымбат уақыттарыңызды сыйлап, шақырып алып жиын өткізіп, үгіт-насихат жүргізбеймін. Өйткені мектеп-мұғалім-оқушы-ата-ана төрттігінің жағдайын жақсы білемін. Сондықтан жергілікті өзін-өзі басқару органдарына, Парламентке өкілдеріңізді өткізу - өз қолдарыңызда!
Сіздерге алдағы күндерде мерекелік көңіл күй мен белсенділік тілеймін!
#Праймериз2020, #МағанДауысБер,
#ГолосуйЗаМеня, #БақтыбайЖайлау,
#КезекЖастарда, #Мұнайлы