Mikayıl Müşfiq - Yenə o bağ olaydı - Kamran M. YuniS

#kamranmyunis #kamranyunis #mikayılmüşfiq #şeirlər
#sevgişeirləri #eminsabitoğlu #poeziyateatrı #şiirler
Mikayıl Müşfiq - Yenə o bağ olaydı
Bəstəkar - Emin Sabitoğlu - "Ad günü" filmindən musiqi
Yenə o bağ olaydı, yenə yığışaraq siz
O bağa köçəydiniz.
Biz də muradımızca fələkdən kam alaydıq,
Sizə qonşu olaydıq.
Yenə o bağ olaydı, səni tez-tez görəydim,
Qələmə söz verəydim.
Hər gün bir yeni nəğmə, hər gün bir yeni ilham,
Yazaydım səhər axşam.
Arzuya bax sevgilim, tellərindən incəmi ?
Söylə ürəyincəmi ?
Yenə o bağ olaydı, yenə sizə gələydik,
Danışaydıq, güləydik.
Ürkək baxışlarınla, ruhumu dindirəydin,
Məni sevindirəydin.
Gizli söhbət açaydıq, ruhun ehtiyacından,
Qardaşından, bacından.
Çəkinərək çox zaman söhbəti dəyişəydin,
Mənimlə əyişəydin.
Yenə bir vuraydı, qəlbimiz gizli-gizli,
Sən ey əsmər bənizli.
Bu yaz bir başqa yazdır, bu yaz daha da xoşdur,
Vay o qəlbə ki, boşdur!
Hər üfüqdə bir həvəs, hər bucaqda bir umud,
İnsanlar daha mə’sud.
Duyğular daha incə, fikirlər daha dərin,
Ürəklər daha sərin.
İnsanların vüqarı, tələbi daha yüksək,
Yolumuzdan daş, kəsək,
Təmizlənmiş bir az da. Ellərin keyfi sazdır,
Bu yaz, bir başqa yazdır!
Yenə o bağ olaydı, yenə o qumlu sahil,
Sular ötəydi dil-dil.
Saçın kimi qıvrılan, dalğalara dalaydım,
Dalıb ilham alaydım.
Əndamını həvəslə, qucaqlarkən dalğalar,
Qəlbimdə qasırğalar,
Fırtınalar coşaydı, qısqanclıqlar doğaydı,
Məni hirsim boğaydı.
Cumub alaydım səni dalğaların əlindəni,
Yapışaydım belindən.
Xəyalımız üzəydi, sevda dənizlərində,
Ləpələr üzərində,
İlhamımın yelkəni, zərrin saçın olaydı,
Sular xırçın olaydı.
Bu nə gözəl şeirdir, bu nə gözəl mənzərə,
Gəlin baxın Xəzərə.
Çıxalım Buzovnada kiçik qayalıqlara,
Seyrə dalım bir ara...
Gecələr sayrışarkən, ulduzlar lalə kimi,
İşıqlar jalə kimi.
Çilənib dağılarkən ətrafa damla-damla,
Ən yaxın bir adamla.
Nə gözəldir dinləmək suların nəğməsini,
Təbiətin səsini!
Nə gözəldir dolaşmaq, isti yay fəsilləri,
Bu sərin sahilləri!
Nə gözəldir səhərlər bizim böyük ruhumuz,
Aşıb-daşan duyğumuz.
Şəklindəki sulara, baxaraq ləzzət almaq,
Bu mavi şe’rə dalmaq.
Dalğalar kimi qalxmaq, dalğalar kimi enmək,
Bə’zən hürküb çəkinmək.
Hər dalğa bir kişnəyən bəyaz yallı at kimi,
Bizim bu həyat kimi!
Yenə o bağ olaydı sevdalar ölkəsində,
O söyüd kölgəsində.
İnci qumlar üstündə yenə verib baş-başa,
Yayı vuraydıq başa.
Günlərimiz keçəydi qızğın fərəhlər kimi,
Dolu qədəhlər kimi.
Yarpaqlar arasından uzadaraq əlini,
Oxşayaraq telini.
Gecələr darayaydı saçlarını ay gözəl!
Sən gözəlsən, ay gözəl?
Əllərində əllərim, gözlərində gözlərim...
Asılaydı sözlərim.
Könlünün qulağından bir qızıl tana kimi,
Günəş doğana kimi.
Bu yaz dostlarım bir az bəxtəvər olacaqlar,
Can-ciyər olacaqlar.
Bir az da uzaqlara açacaqlar yelkəni,
Ruh yeni, höyat yeni...
Çıxacaqlar göyləri aşaraq dönə-dönə,
Buludların fövqünə.
Uçacaqlar sabaha, uçacaqlar yarına,
Efir boşluqlarına.
Vaxtilə bir kölgə tək hür yaşamaq istəyən,
Bu insan oğlu bilsən.
Azadlıq ölkəsində daha şad olacaqdır,
Dünya dad alacaqdır.
Yenə o bağ olaydı, yenə yığışaraq siz,
O bağa köçəydiniz.
Biz də muradımızca fələkdən kam alaydıq,
Sizə qonşu olaydıq.
Yenə o bağ olaydı, səni tez-tez görəydim.
Qələmə söz verəydim.
Hər gün bir yeni nəğmə, hər gün bir yeni ilham,
Yazaydım səhər-axşam.
Arzuya bax, sevgilim, tellərindən incəmi?
Söylə, ürəyincəmi?

[@Filoloq_21]

Sadəcə şeir yazıb, xalqın ruhuna oxşayan o şairi min bir əzabla öldürdülər. Bizə xatirə əvəzolunmaz şeirlər qaldı. Bu xatirələri yaşatdığınız üçün təşəkkürlər ❤

[@googleisdifadcisi3700]

Mikayil Müşfiq Azərbaycanın ən istedadlı şairlərindən biridir.Sönməyən ulduzudur ruhun şad olsun.

[@user-rr5dp3tv7k]

🙏🙏🙏

[@najibamuradova8596]

Amin

[@user-tb1wk1zf1r]

Микаиль Мушфик. Оборванная жизнь... Самое прекрасное в мире это поэзия, мастерское чтение и бесподобно подобранная к нему музыка. Это величественно !!!

[@Android-xp4dg]

kzbin.info/www/bejne/bJqonq2lrbCAl6csi=aBDV56h-IQdD6Nvr

[@eldarmlik4173]

Dahi şair yaratdı,dahi insan söylədi.

[@dostkurekdensevgiurekdenvu8907]

Oxu tar oxu tar seni kim unudar mekanin cennet olsun eziz şair mikayil musfiq

[@gulshanhuseynova138]

Azadlıq ölkəsində daha şad olacaqdır,,,, Allah Rəhmət eləsin Mikayıl Müşvüqü və bütün replesiya qurbanlarını!

[@nurcahan6353]

🌺🌷🌹

[@namigakhmadov9358]

😔😔😔 Yene o bağ olaydi

[@AlmazIsayeva]

Allah rəhmət eləsin şeirlərinə qulaq asanda ruhum dincəlir

[@Android-xp4dg]

kzbin.info/www/bejne/bJqonq2lrbCAl6csi=aBDV56h-IQdD6Nvr

[@gulshanhuseynova138]

Nə gözəl söyləyirsiniz, həzin, haysız, küysüz, tam Müşvüqün ruhuna laiq Kamran M. Yunis Var Olun!

[@nurcahan6353]

🌺🌷🌹

[@namigakhmadov9358]

Halaldi

[@aylin4208]

Mikayıl əsl Azərbaycanlı dır halal olsun onun kimi oğula .bütün gənclər ondan ibrət götürməlidir

[@prsfmabdu6094]

Yazan ,danisan ,musiqi calan hamisi super.usaqliqda baci qardasimla bir otaqda dalaşa dalaşa yatardiq.yene o anlari yaşayaydiq 😢ax usaqliq hardasan gel meni tap apar o illere soz verirem bu defe boyumek istemeyecem.

[@ddad9291]

Tessuf ki, o gunler olmayacaq daha... Usaqliqda usaqliq da etmedim... Baxiram. Indiklere... Biz neler gorduk... Ac bele qaldiq. Çorek tapmadiq.... Yenede bolduk elimizdekileri ...ancaq indikiler hecneyi oz bacisina bele vermirler tessuf edirem.

[@gulshanhuseynova138]

@@ddad9291 Çoox təsüf...

[@jeffhardy8158]

Çox Pis Oldum Çox

[@user-bw6jq5rr4k]

😔😔😔

[@xatiremusazade2010]

😔😥😥

[@hemiyyeyusifzade8512]

Bütün uşağlığım , bağda keçirdiyim günlər yadıma düşdü. Xatirələr necə də gözəldir. Təşəkkürlər..🌹

[@ferahnazdemirci5901]

Ahh ! O çocukluğumuzun, gençliğimizin güzel yaz günleri.... Biz niye büyüdük ki ? 😢 😢 😢 😢 👏👏👏👏🌹🌹🌹

[@nurlanahesimova2395]

Ruhun şad olsun ölməz şair. Heyf yaşasaydı kim bilir daha necə gözəl şeirlər yazaydı səhər-axşam. Təsəkkurlər ifa üçün..

[@turalabdurahmanov8820]

Allah dəyərli şairimiz Mikayıl Müşfiqə rəhmət eləsin.Sizin səsinizdə bir daha vuruldum bu möhtəşəm şeirə.Allah razı olsun Kamran bəy!

[@lolaazeri3917]

Bu nə gözəl şeirdi, bu nə gözəl mənzərə..Gəlin dinləyək bu səsi.

[@gulyakocharli164]

Mən şirin ləhçəli bir bübüləm ki, güllərdən küsərəm,səndən küsmərəm! Məni öz canından artıq istəyən, ellərdən küsərəm,səndən küsmərəm! Mikayıl Müşfiq mənim də sevimli şairimdi,siz şeri çox gözəl ifa etdiz ,təşəkkürlər👍

[@letifequliyeva9552]

Bu nə gözəl seirdir, bu nə gözəl mənzərə

[@user-qk1si8ei3c]

Mohtesem sozler +mohtesem ifa..var olun..

[@user-my2zl1fk9j]

Mikayil Müşviq rahat yat məzarda.Sizi yaşadan Kamran bəy kimi qiraətcilərimiz var.Nə xoş.

[@mmseferli2603]

Ne acı bir heqiqet var ki,,biz heç vaxt qovuşmayacağıq😔yanlız xəyallara dalıb özumuzu ovuduruq-Kaş o bağ olaydı🙁😔

[@teymurmustafayev6837]

Yenə obağ olaydı ,sizə qonşu oleydıq.Sağolun Kamran bəy sizin dilinizlə,sizin səsinizlə başqa bir aləmdir bu şeyir.Allah sizi qorusun.Allah ğözəl şairimizədə rəhmət eləsin.🙏🙏🙏🙏🙏🙏👍👍👍👏👏👏👏

[@ee3779]

Dahi şair yazdı.Dahi sənətkar söylədi.Şairin ruhu şad olsun.sənətkara can sağlığı.

[@letifequliyeva9552]

Var olun.Şeirə o qədər gözəl ruh vermisiniz.👏👏👏👏👏👏👏👏

[@aygunaygun8263]

YENƏ o bağ olaydı Kaş ki......Təşəkkür KAMRAN BƏY🙏

[@sarasaharova9753]

Çox gözəl şeirdi. Allah rəhmət eləsin.

[@ilkinabdullah3204]

Mikayıl Müşviq yaradıcılığı. Əsrarəngiz misralar. Var olasız sizdə gözəl səsləndiribsiz.

[@farisshakhbazov8212]

Allah sənin məkanını cənnət eləsin...Yolun düşsə birdə bu dünyaya,gəl,biz səni qoruyarığ,nakam bizim şairimiz.30 il ömür sürdün,Azərbaycan ədəbiyatına yüz illər iz qoydun.Müşbiq bəy,Buzovnada yoxdu o qayalığlar,harın varlılar soxublar hasarların içinə.Biz indi o qayalığları qörmürük...

[@farisshakhbazov8212]

Halal olsun bu şeri deyənə

[@arzuqurbanzad8253]

Var olun ağzınıza sağlıq müəllim👍🥰

[@gulshenadgozalova9248]

Hədsiz gözəldir.Həm sözlər,həm məna,həm də ifa.Şair çox istedadlı olduğu üçün ana dilimizin bütün incəliklərindən və gözəlliklərindən boyük sevgi və hərarətlə,ustalıqla istifadə etmişdir.Təəssüf ki,çox az yaşadı.Ruhu şad olsu!İfaçıya sonsuz təşəkkürlər!

[@gulcohrqniyeva8563]

Doymaq olmur dinlemekden 😍

[@ilhamamuhacirova8672]

@@kamranmyunis Salam,möhteşem,insanin ruhu dincelir,sehv etmiremse siz Balakendensiz?)

[@xaqanicfrov9184]

Gəncliyimiz Mikayıl Müşviqdən gör hansı səviyyəyə enib Allahım.

[@googleisdifadcisi3700]

Ruhun şad olsun dəyərli şairimiz təəssüflər olsunki,daha erkən köçdün bu həyatdan

[@anarello222]

Insanin gelbi neje dinjelir sizi dinlemekle,teshekur.....

[@Timagram]

Adamın içi param parça olur 😢

[@user-zf1wd9ms8m]

Великий Азербайджанский поэт Микаил Мушвиг и Великий Азербайджанский композитор Эмин Сабитоглу .... как прекрасно!!!!!....какой подарок народу. Пусть покоятся с миром, АЛЛАХ РЯХМЯТ ЕЛЯСИН..❤❤❤❤❤❤

[@konulismayilova3050]

"Ince Senet" bax budur. Var olun Kamran muellim. Sizin istedaniniza heyranam. Şeyir zaten mukenmel, amma sizin ifanizda,sizin sesinizin ahenginde bu mukemmeliliyin canlandirilmasi bam başqa bir duygu. Var olun...

[@aynurmustafayeva5798]

Mikayıl Müşfiq çox sevirəm bu şairi

[@SevdaAydinova]

ÜRƏYİNİZƏ SALİQ KAMRAN. M. ALLAHDAN SİZƏ CAN SAQLIQI ARZULAYIRAM SİZİN BÖYÜK PERESTISHKARINIZ ALLAH M. MUSHVIQEDE RƏHMƏT ELESIN

[@sergiyefermanli7280]

Yada duseer xatireler.....duser....tsk xos hissler ucun..

[@gunelguseynova8978]

Mohteshem sheir +mohteshem seslendirme. Mikayil Mushfiqin qebri nurla dolsun, Kamran bey size de can sagligi arzulayiram. Her defe qulaq asanda tuklerim biz-biz olur...Emin Sabitoglu kimi bestekarin da musiqisi varsa fonda dehshet bir ish alinmali idi...

[@zumrud.memmedli]

Yene o bağ olaydıı....seni,seni tez -tez göreydim..) Mikayıl Musviq Dahi şair Ruhun şad olsun)

[@yalnzkurt1055]

yenə Müşfiq yadımıza düşdü . Öz əlimizlə öz ürəyimizi dağladıq. Kaş ki səni sağlığında bir dəfə olsun görəydim, beş dəqiqə olsun söhbət edəydim. Kaş hər şey xəyallardakı kimi olaydı. Mənim xəyallarımdakı kimi. Səni də digər repressiya qurbanlarını da xilas edə biləydim. Bunlar mənim uşaqlıq xəyallarımdı. Normalda bir uşağın xəyalında bu dram olmamalıdır amma biz Azərbaycanlı uşaqlarıq. Çox itki vermişik. Hələ yaxşı dayanmışıq

[@hrseydnbirazz1869]

Gözümü yumdum,mənəvi hissləri bəslədim.

[@SS-pk7qj]

Yene o bag olaydi❤❤❤❤❤❤❤❤Mikayil Muwvig .... Cox sagolun Kamran bey ❤ Allah Sizi gorusun❤

[@sahibeehmedova7259]

Məhəbbət, nə deyim bu ülvi oda? Hammıya bir gözlə baxmayır o da! Birinə, ÖMÜR-GÜN YOLDAŞI verir! Başqa birisinə KÖZ YAŞI VERİR!

[@polatalemdar2846]

Sahibe Ehmedova yenə o bağolaybı görəl ama indi müşvigin dediyi nə o bağ qalıb nə o sevgi sərinlik yocdu niyə hasarlar cəkilib sevigi olub yalan əfsuz bizim təmiz əvəlki bağ yox müşviqin dediyi yoxdu

[@aygulislamova1030]

Yene o bag olaydi.en sevdiyim weir.Allah sene rehmet elesin

[@user-xs6yq5ky9j]

Cox teessuf, bu cur istedadli wairi turkun duwmenleri mehv edibler .. yalniz unudublar ki, dunya durduqca Musfiq xalqin qeyretli ovladlarinin qelbinde yawayacaqdir....

[@lolaazeri3917]

Yenə o bağ olaydı...Səni tez-Tez görəydim.

[@user-ml5tv9iy4s]

Allah dahi şairimiz, mütəfəkkirimizə rəhmət eləsin, məkanı cənnət, ruhu şad olsun. Amin! 🤲

[@elvinjaguar7163]

SABAH BU SEIRI OXUYACAM INSALLAH...COX SAGOLUN SEIRDEKI VURGULARI OYRETDIZ MENE:)

[@lolaazeri3917]

Bu yaz bir başqa yazdır, bu yaz daha yaxşıdır..... Bu səs bir başqa səsdir, bu səs daha yaxşıdır... Şeir kimi....

[@yeganequliyeva664]

Nə gözəldir dinləmək suların nəğməsini, təbiətin səsini! Təbiiki sizin❤️səsinizlə, nəfəsinizlə bir başqa dünyadı bu gözəlliyi duymaq❤️

[@tunzalehmedova387]

Ölməz şairimiz.M.Müşfiq mənim sevdiyim şairlərdəndir.Bütün şerlərini əzbər billəm💓💓

[@adilazay1962]

...Superdi!!!...Həmişəki kimi.....(Y)...

[@kamranmyunis]

Çox sağ ol sənətkar!!!

[@yeganequliyeva664]

Gözəl! Amma səsi zəifdi! ❤️

[@user-cb1ng9qz6g]

Beh beh beh! ALLAH RAHMAT EDSIN MUSHVIGA!!!!!

[@vusalmemmedov5608]

Allah Rehmet Elesin Seni ay Müşfiq 😔😔😔

[@atl-1413]

Əla Yunis bəy !🙏 bu şe'ri mən də bilirəm ! Mınim də adım Müşfiqdir ! Allah dahi şairimiz Mikayıl Müşfiqə rəhmət eləsin !😥 - Deyilənə görə Müşfiqi dənizin kənarında güllələyən əsgər bu yaxınlara qədər yaşayırmış və ruhi sarsıntı keçirib i o vaxtdan ! Müşfiq ona deyib ki , mənim günahım yox idi ! 😥

[@user-lp7ij2nx1t]

Bu gün Müşviq yaradıcılığının acımasız sonladırıldığı gün.. . Var olun USTAD.

[@lolaazeri3917]

Uzun şeir də belədir bax.....dinlədikcə aparır insanı.... Sanki getdiyin yolu yarıdan qayıdırsan... Qayıtmagı da , çətin olur....

[@fatimefatime8870]

❤❤❤❤❤

[@aliyevagulnara2480]

Жаль,не повернешь время вспять.Не вернешь тех людей и тех отношений....

[@vusal2260]

Super

[@nurcahan6353]

Kamran M. Yunis Var Olun 🌹🌹🌹🌹🌹

[@Azerbaycann]

Yenə o bağ olaydı🇦🇿🇹🇷♾

[@hasanuslu3546]

Yine üz üze olaydık🇹🇷🇦🇿

[@orxanferhadov6500]

Allahın salamı olsun .uğurlarınız bol olsun.

[@zekiyyememmedova6240]

Gözəl səs sahibinə halla olsun

[@cavidqeribov4606]

Yenə o gun olaydı sizə gələydim zaman geriyə gedəydi sənlə birdə görüşəydim ömrümü sənlə bölüşəydim ;(heyf heyf heyf olsun(((((

[@sebrsebr9683]

Yene o bagcamiz olsaydı evvelki gunlerim geri qayitsaydi

[@sbnmayxanbayramov3542]

Beh beh 😍Deməyə söz tapmiram süper 👍

[@huseynmmmd399]

Doğum günün mübarək.♥

[@sahinekonul5673]

Gözəl!

[@recebesgerzade3243]

Mənəvi zövq aldım , şairin sözləri sizin səsinizlə inanılmaz uyğunluq yaradıb . Təşəkkürlər

[@cickyags4191]

Xəyalımız üzəydi sevda dənizlərində,..❤️

[@maisekazimova2539]

Yenə o bağ olaydı sevdalar ölkəsində, O söyüd kölgəsində. İnci qumlar üstündə yenə verib baş-başa, Yayı vuraydiq başa . Günlərimiz keçəydi qızğın fərəhlər kimi, Dolu qədəhlər kimi ; Yarpaqlar arasından uzadaraq əlini, Oxşayaraq telini, Gecələr darayaydı saçlarını ay gözəl ! Sən gözəlsən , ay gözəl ? M.MÜŞFİQ.

[@mahirveliyev73]

Səsə bax ALLAH yaradıbda

[@user-vv1ng1xy2r]

Gozel se'rdi heyf bele gozel yazarimizi cavanken oldu rubler!

[@user-zv5uq7xy2r]

Супер спасибо

[@raufquliyev8499]

Çox sağolun gözəl ifa üçün ruhən dincəldim təşəkkür edirəm

[@arazkurdoglu8047]

Her kesin heyatinda sevgi olur hansi ki saf temiz sevgi amma o sevgini bu qeder incelikle izah eden bu ince ruhlu wairimize qiymaq nece ola biler weirlerine qulaq asdiqca heyecanlaniram zamani geri qaytarmaq isteyirem ona qiyanlari wairin inceliyi qeder kobudluqla vehwilikle dogramaq isteyirem zerre qeder insaf etmeden ona qiyanlari parcalamaq kecir ureyimden. . . ALLAH rehmet elesin wair dunya durduqca sen qelblerde yawayacaqsan. . . Sen bu dunyanin adami deyildin bu heyatdan da tez köcdun

[@rasalmanbayli2942]

Müşfiqi görmək şansım olaydı 💙

[@s.s7761]

Super şeir, super səsləndirmə...Yalnız bu şeiri o qədər sevirdim ki, yeni bir məlumat aldım...Siz deme bu şeir M.Musfiqin həyat yoldaşı Dilbər xanıma deyil, Arifə xanıma həsr olunub...Yeni evli olduğu bir vaxta başqasına aşiq olubmuş.

[@sadiakperov2791]

Dincəldim,Kamran bəy,ruhumu oxsadi səsiniz,dəyərli insan!Cox saq olun!Səsiniz həmisə gəlsin.Təkrar təkrar dinləyirəm sizi.Var olun!

[@gulnarabbasova3636]

sesiviz eladi şeirde eladi iki ela birlikde möhteşem bişey alinin👍👍👍👍👍👍👍👍👍👍

[@atl-1413]

Eeeee!! Gidi Dünya !!!🙏👍👍

[@denizmemmedova8983]

Kamran bey cox saq olun Tanri sizi qorusun Amin !!!!!!

[@sahilismaylov8908]

Bu cümlələrin qiyməti yoxdur😱 Allah rəhmət etsin səni şair

[@prensestv1726]

Mükəmməl😍😙

[@raufabdullayev1014]

Çox gözəl!

[@aytencebrayilova6819]

Təşəkkürlər

[@azaliev4829]

Teşekkürler🙏

[@_flwrrcrown.16]

Və şeir Müşfiqin Dilbərə olan xəyanətinin sübutu...

[@javidalizadeh9221]

SAG OLUN KAMRAN MUALLIM

[@mahirveliyev73]

Əla

[@yeganequliyeva664]

❤️Şeir❤️ifa❤️musiqi❤️fon❤️🙏

[@user-ph5fx4sb3d]

SUPER!!!

[@semraaghabeyova4607]

Cox teşekkürler Kamran bey, ele bunu isteyirdim , gozleyirdim men de. Çox sağ olun👍👍

[@user-tb1wk1zf1r]

Микаиль Мушфик. Оборванная жизнь... Самое прекрасное в мире это поэзия, мастерское чтение и бесподобно подобранная к нему музыка. Это величественно !!!

[@resadquluzade3090]

Allah rəhmət etsin

[@user-yz7pv3vn2p]

Ölməz qəlblərdə yaşar şairimiz.

[@boral9644]

İnsanlar şama bənzəyir əridikcə ətrafına daha çox işıq saçır.

[@aygunquluzad4429]

...Nə gözəldir dinləmək Kamran bəyin səsini...əla alınıb təbriklər .

[@tititv4869]

ALLAHIN möcüzəsi Yumruğumuz boyda bu balaca böyük Qəlb ruhun libasına necə yerləşir?

[@sevincnovruzova9686]

Boyuk oglumla oturmuwam sizi dinleyirik...Werde deyilen yerdeyik Buzovnada,bagda.Oglum hele uwaqdi,amma size qulaq asmagi o qadar sevir ki....Niye bu qadar dogmasiniz????

[@faridaalieva6574]

Yenə o bağ olaydı, yenə yığışaraq siz O bağa köçəydiniz. Biz də muradımızca fələkdən kam alaydıq, Sizə qonşu olaydıq. Yenə o bağ olaydı, səni tez-tez görəydim, Qələmə söz verəydim. Hər gün bir yeni nəğmə, hər gün bir yeni ilham, Yazaydım səhər axşam. Arzuya bax sevgilim, tellərindən incəmi? Söylə, ürəyincəmi? Yenə o bağ olaydı, yenə sizə gələydik, Danışaydıq, güləydik. Ürkək baxışlarınla ruhumu dindirəydin, Məni sevindirəydin. Gizli söhbət açaydıq, ruhun ehtiyacından. Qardaşından, bacından Çəkinərək çox zaman söhbəti dəyişəydin, Mənimlə əyişəydin. Yenə bir vuraydı, qəlbimiz gizli-gizli, Sən, ey əsmər bənizli. Bu yaz bir başqa yazdır, bu yaz daha da xoşdur, Vay o qəlbə ki, boşdur! Hər üfüqdə bir həvəs, hər bucaqda bir umud, İnsanlar daha məsud. Duyğular daha incə, fikirlər daha dərin, Ürəklər daha sərin. İnsanların vüqarı, tələbi daha yüksək, Yolumuzdan daş, kəsək, Təmizlənmiş bir az da. Ellərin keyfi sazdır, Bu yaz, bir başqa yazdır! Yenə o bağ olaydı, yenə o qumlu sahil, Sular ötəydi dil-dil. Saçın kimi qıvrılan dalğalara dalaydım, Dalıb ilham alaydım. Əndamını həvəslə qucaqlarkən dalğalar, Qəlbimdə qasırğalar, Fırtınalar coşaydı, qısqanclıqlar doğaydı, Məni hirsim boğaydı. Cumub alaydım səni dalğaların əlindən, Yapışaydım belindən. Xəyalımız üzəydi sevda dənizlərində, Ləpələr üzərində. İlhamımın yelkəni, zərrin saçın olaydı, Sular xırçın olaydı. Bu nə gözəl şeirdir, bu nə gözəl mənzərə, Gəlin baxın Xəzərə. Çıxalım Buzovnada kiçik qayalıqlara, Seyrə dalım bir ara... Gecələr sayrışarkən, ulduzlar lalə kimi, İşıqlar jalə kimi. Çilənib dağılarkən ətrafa damla-damla, Ən yaxın bir adamla. Nə gözəldir dinləmək suların nəğməsini, Təbiətin səsini! Nə gözəldir dolaşmaq, isti yay fəsilləri, Bu sərin sahilləri! Nə gözəldir səhərlər bizim böyük ruhumuz, Aşıb-daşan duyğumuz. Şəklindəki sulara, baxaraq ləzzət almaq, Bu mavi şerə dalmaq. Dalğalar kimi qalxmaq, dalğalar kimi enmək, Bəzən hürküb çəkinmək. Hər dalğa bir kişnəyən bəyaz yallı at kimi, Bizim bu həyat kimi! Yenə o bağ olaydı sevdalar ölkəsində, O söyüd kölgəsində. İnci qumlar üstündə yenə verib baş-başa, Yayı vuraydıq başa. Günlərimiz keçəydi qızğın fərəhlər kimi, Dolu qədəhlər kimi. Yarpaqlar arasından uzadaraq əlini, Oxşayaraq telini. Gecələr darayaydı saçlarını ay gözəl! Sən gözəlsən, ay gözəl? Əllərində əllərim, gözlərində gözlərim... Asılaydı sözlərim Könlünün qulağından bir qızıl tana kimi, Günəş doğana kimi. Bu yaz dostlarım bir az bəxtəvər olacaqlar, Can-ciyər olacaqlar. Bir az da uzaqlara açacaqlar yelkəni, Ruh yeni, həyat yeni... Çıxacaqlar göyləri aşaraq dönə-dönə, Buludların fövqünə. Uçacaqlar sabaha, uçacaqlar yarına, Efir boşluqlarına. Vaxtilə bir kölgə tək hür yaşamaq istəyən, Bu insan oğlu bilsən. Azadlıq ölkəsində daha şad olacaqdır, Dünya dad alacaqdır.