Рет қаралды 2,185,057
ਮਿੱਤਰਾਂ ਦੀ ਲੂਣ ਦੀ ਡਲ਼ੀ ਵਾਲਾ ਕਰਮਜੀਤ ਧੂਰੀ ਇਸ ਫ਼ਾਨੀ ਸੰਸਾਰ ਨੂੰ ਆਖਰੀ ਫ਼ਤਿਹ ਬੁਲਾ ਗਿਆ।
ਮਿੱਤਰਾਂ ਦੀ ਲੂਣ ਦੀ ਡਲੀ
ਨੀ ਤੂੰ ਮਿਸ਼ਰੀ ਬਰਾਬਰ ਜਾਣੀ,
ਮਿੱਤਰਾਂ ਦੀ ਗੜਵੀ ਦਾ
ਮਿੱਠਾ ਸ਼ਰਬਤ ਵਰਗਾ ਪਾਣੀ।
ਰੱਬ ਨਾਲ ਠੱਗੀਆਂ ਕਿਓ ਮਾਰੇ ਬੰਦਿਆ
ਦਿਨ ਰਾਤ ਪਾਪਾਂ 'ਚ ਗੁਜ਼ਾਰੇਂ ਬੰਦਿਆ।
ਹੁੰਦੀਆਂ ਸ਼ਹੀਦ ਜੋੜੀਆਂ
ਦਾਦੀ ਵੇਖਦੀ ਬੁਰਜ ਤੇ ਖੜ੍ਹ ਕੇ।
ਅੱਗੇ ਰਾਹੀ ਰਾਹ ਪੁੱਛਦੇ
ਹੁਣ ਪੁੱਛਦੇ ਸ਼ਰਾਬ ਵਾਲੇ ਠੇਕੇ।
ਕੱਸੀ 'ਤੇ ਵਜਾਵੇ ਵੰਝਲੀ
ਮੁੰਡਾ ਅੌਸਰਾਂ ਝੋਟੀਆਂ ਚਾਰੇ।
ਕੋਠੇ 'ਤ ਸਪੀਕਰ ਲਾਈ ਰੱਖਦਾ।
ਤੋਂ ਇਲਾਵਾ ਨਰਿੰਦਰ ਬੀਬਾ, ਸਵਰਨ ਲਤਾ,ਕੁਮਾਰੀ ਲਾਜ, ਮੋਹਿਨੀ ਨਰੂਲਾ ਕੇ ਕਈ ਹੋਰ ਗਾਇਕਾਵਾਂ ਨਾਲ ਦੋਗਾਣੇ ਗਾਉਣ ਵਾਲੇ ਰੱਜ ਕੇ ਸੋਹਣੇ, ਸੁਰੀਲੇ ਤੇ ਮਟਕੀਲੇ ਗਾਇਕ ਕਰਮਜੀਤ ਸਿੰਘ ਧੂਰੀ ਦੀ ਸੜਕ ਹਾਦਸੇ ਵਿਚ ਅੱਜ ਅਮਰਗੜ੍ਹ ਬਾਗੜੀਆਂ(ਸੰਗਰੂਰ) ਨੇੜੇ ਮੌਤ ਹੋ ਗਈ ਹੈ।
ਓਹ ਕਾਕਾ ਧੂਰੀ ਵਾਲਾ ਦੇ ਨਾਮ ਨਾਲ ਮਸ਼ਹੂਰ ਸਨ।
ਉਸਨੂੰ ਉਰਦੂ ਤੇ ਪੰਜਾਬੀ ਸ਼ਾਇਰੀ ਬਹੁਤ ਕੰਠ ਸੀ। ਇੱਕ ਵਾਰ ਜਗਮੋਹਨ ਕੌਰ ਨਾਲ ਕਿਲ੍ਹਾਰਾਏਪੁਰ ਖੇਡਾਂ ਤੇ ਸ਼ਿਅਰੋ ਸ਼ਾਇਰੀ ਦਾ ਪੂਰਾ ਸਵਾ ਘੰਟਾ ਬਹੁਤ ਹੀ ਦਿਲਚਸਪ ਮੈਚ ਚੱਲਿਆ ਸੀ।
ਉਹ ਪ੍ਰਸਿੱਧ ਗਾਇਕ ਮਿੰਟੂ ਧੂਰੀ ਦਾ ਸਤਿਕਾਰਯੋਗ ਪਿਤਾ ਸੀ।
ਕਰਮਜੀਤ ਧੂਰੀ ਦੇ ਵਿਛੋੜੇ ਨਾਲ ਪੰਜਾਬੀ ਸੰਗੀਤ ਜਗਤ ਨੂੰ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਅਕਾਲ ਪੁਰਖ ਉਹਨਾ ਦੀ ਰੂਹ ਨੂੰ ਸ਼ਾਤੀ ਅਤੇ ਪਿੱਛੇ ਪ੍ਰੀਵਾਰ ਅਤੇ ਸਕੇ ਸੰਬੰਧੀਆਂ ਨੂੰ ਸਬਰ ਅਤੇ ਭਾਣਾ ਮੰਨਣ ਦਾ ਬਲ ਬਖਸ਼ਣ।