#MM

[@ketchupc1051]

想當年25到40歲果十幾年都行開左幾次，讀完書做左四年嘢，好任性走左去蘇格蘭中部讀master，當時絕對唔係為左讀書，而係想體驗生活同想清楚以後想點。之後40歲有個機遇去西班牙南部教左一個sem大學，隨後又舉家去左韓國做開荒牛幫公司搞個DEPARTMENT出黎，雖然最後同公司不歡而散，但都算多左人生體驗。之後43歲人又舉家去左新加坡工作左五年，亦係我人生最愜意既五年，移埋民；之後去左大陸做嘢，見識左唔少當地既做事方式。過去二十幾年都去左成67個國家，經歷過好多人只係發夢先會經歷既嘢，我冇遺憾！我非常建議大家趁後生行開吓。

[@wongyuen001]

@@ketchupc1051 屋企老豆老母唔洗你養 當然可以話走就走

[@kaionlinecn]

@@wongyuen001 自己安排好就得啦

[@ketchupc1051]

@@wongyuen001 除左蘇格蘭同西班牙果兩段，其他地方我都係帶全家人去。

[@nickelcheung4603]

@@wongyuen001 如何分配洗錢儲錢同埋點樣搵多d錢都係每個人想向上流要學既野，如果要養屋企又想做多d事就好自然要諗點樣搵更多既錢

[@keiying419]

@@ketchupc1051 帶埋你另一半？

[@joyceg9295]

廿五歲嗰陣放棄咗升職機會、走咗去自己心儀嘅巴黎讀書、之後一直都非常多謝自己當年嘅決定！見識多咗、諗嘢多方位咗、建議心大心細嘅人、點困難都俾自己試一次！因為未來日子、你未必會再有勇氣走出去！

[@mrkenjichan]

人生好短㗎咋，自己想做乜就做乜啦，對自己好啲，未必一定要有好大嘅收穫，但係行開吓可以好好放鬆自己，睇吓呢個世界，擴闊視野，認識新嘅朋友，聽吓對方嘅人生經歷，返嚟嘅時候就會發現原來人生有好多可能性，唔係一定要一份工做一世嘅，辭職其實亦都唔係一件好大好大件事，攰就唞唞，抖完再走啦，香港人，要好好愛惜自己!

[@Mr0800092000]

你估李家超無好好愛惜自己咩？佢愛惜嘅方法就係l化你地娛樂自己

[@mm-zn1hb]

對自己好，唔係成世人都辛苦未享受過，已經不枉此生

[@sharingwoody2544]

人人際遇唔同，好感謝當年有出走，一生難忘

[@cynthiatang5101]

要養家養兩老，已經半百我都唔知自己目標係咩，覺得自己好失敗😅

[@Mr0800092000]

@@cynthiatang5101 養到家已經好優秀

[@p9848o]

上年去咗9個月紐西蘭Working Holiday。好感激當初自己有勇氣放棄份工已衝咗去，去到紐西蘭又比我預到同我喺香港份工有關嘅人，令我確信自己以後都係行呢條路。

[@JJ-vb7tg]

最近移民前都買單程機票去咗日本玩幾個月先。本身係好純粹咁覺得以後去日本嘅機票好貴，亦冇咁耐時間搭長途飛機，所以要去就去埋佢，之後幾年都唔返亞洲。最後喺日本用相對熟悉嘅國家，適應咗只有自己生活，亦增加不斷面對環境改變嘅自信，相信自己嘅能力，同埋練返手車😂。幸運地移民後都好順利，喺有工有樓住之前亦冇恐懼。當浪跡天涯先體驗到自己真正需要嘅物質可以咁少，亦更加珍惜同人嘅關係

[@yitinglaw8872]

呢條片個時機真係啱啱好！我今年廿三歲，喺９月頭某日朝早勁突然下定決心覺得我係時候辭職試下去其他國家生活；一係覺得工作上已經將能力上限發揮得七七八八，短時間內都唔會有咩新嘅挑戰，繼續做落去會成長得好慢，而我又唔甘心我能力喺去到呢到時就已經選擇穩定咁過去幾年，我想成長得多啲快啲；二係我因為呢份工學到好多野，所以更加認清到自己有咩不足，亦都知道現階段份工係唔會比到我所需要嘅養分，例如處理突發危機嘅能力同心態，喺陌生嘅環境同陌生人打交道嘅自信等等呢啲，我諗轉到陌生環境係最直接嘅方法，至少push左自己出去就冇得揀。至於點解唔索性轉份工嚟磨練，都有部份原因係想探索生活會唔會有其他可能性，或者會有更適合我嘅地方？雖然好清楚自己係為左成長，但身邊唔少人第一反應都覺得只係去玩，仲令我擔心自己係咪太天真。以為咁就可以成長到，但好彩有呢條片，令我更加堅定要去試下。本身我都比好多原因自己而唔敢踏出第一步，擔心太多，但當我決定相信未來嘅自己一定點都搞得掂之後，成個心即刻鬆晒，放膽去做。平時真係唔會係網上留言，但呢條片真係好有意義，多謝MＭ整呢條片出嚟！

[@chi_1010]

😆 《Pantry有嘢斟》每集d 題材都揀得好好，成日都好有共鳴，呢集又係！多謝MM團隊同嘉賓Mills🙏🏻Mills 的分析同意見成日都好到位，每次睇完都有收穫👍🏻

[@Lilacsinthesun]

從小已經好羨慕朋友可以在外國留學，家景冇support 就自己儲錢去英最讀D summer courses, 之後老師喜歡我嘅作品就留低半年做freelance,識到好多朋友仔，因為拍下拖D英文進步左，返香港之後令我工作機會提升好多。十年工作順景，不過有一日發覺生命不可能只有工作，裸辭backpack 去Nepal & Tibet 三個月，那三個月間彷彿讓我生命經歷輪徊，徹底改變個人tolerances n perception. 如果我有七十年命，只用三個月去成長又點會叫做任性？再十年之後又再去意大利，covid 後因為堅life event要求自己休息. 又去⋯⋯⋯ 去到發覺其實那裡都係一樣嘅真理岀嚟😂

[@charlylyly12]

Sam講嘢真係好展現到佢平時思考嘅深度🦋用字中肯又容易明白 同埋好能夠推進討論、令人想分享更多 Support!😊

[@samleung6959]

多謝你呀charly！

[@charlylyly12]

@@samleung6959 💪🏼💪🏼💪🏼

[@LouisaLau-kz3zg]

我特別喜歡Sam 做策劃的節目。Sam加油！

[@yywongmission]

😄開心見到Sam的進步，多謝MM各位用心製作👍今集內容豐富，睇完心情放鬆左，因為不同人的體驗和分享刺激及鼓勵到自己拉濶小小。 在事業高峰期，我也曾經離開安舒區幾年，過程中也有掙扎，有反思自己係咪做錯決定…而家事隔10年再回想當年的life break決定和經歷，帶給我的祝福和成長是遠超過我留在安舒區所能擁有的。

[@eunicewto]

依家學校有生涯規劃, 但其實依然停留係"職涯規劃 =人生規劃"嘅諗法呢... 所以衍生出好多出到社會就開始迷失嘅年輕人 (包括自己) 條片出得逢時 對計劃自己life break好有幫助~ support

[@samleung6959]

共勉之🤲🏽如果諗唔到就學Mills 咁講搵個大方向體驗咗先！

[@pochan3343]

記得我畢業前一年，糾結左好耐，一直不斷諗，好想搵令我願意花我人生大部分時間去做嘅工，所以比左2年時間自己去做空姐，一方面比自己好多空間去思考同探索有咩對我來講重要到我花咁多時間去做、去諗工作對於我而言係d咩，去探問工作嘅意義。二來，係賺到錢比屋企、又低成本地類似backpack 一下～ 結果，嗰3年對我來講好重要，我陪伴左自己去好多地方，覺得都係好大achievement,好多深刻嘅回憶。係嗰幾年，比好多時間我參加各類有興趣嘅活動，而係過程中，我不斷透過反思各種經歷來收窄自己對於志向嘅認識，而其中一份義工，我搵到自己有興趣、點做都覺得好重要 唔會厭、而且有能力嘅事，所以後來，再讀輔導，而家做左輔導員。 而家，「工作」對於我來講，係一樣就算無錢賺 但我本身都會係人生中花時間去做嘅事，而只不過係咁啱公司都想搵個人去做呢樣野，所以我地互相各取所需，我需要client 同機構support ， 而佢需要個人去做野，咁就會覺得 反正本身都係我想做嘅事，我就會覺得自主權大左好多～

[@ImGoodAtOverthinking]

我覺得呢條片對我嚟講好衝擊。 我而家就係正正係處於一個好迷惘嘅階段 - 畢咗業之後都係做返同本科相關嘅行業，做咗幾年野，轉咗幾份工， 開始反思自己其實係唔係咁適合而家嘅行業， 想轉但係又好迷惘。 而家都諗緊係咪要返反去讀書， 同時間又要諗自己可以讀啲乜嘢major。但係life break/返去讀書都有成本， 覺得之後每行嘅一步，無論係讀書定係轉工都好影響之後嘅生涯規劃， 變相好想轉，但係都唔敢輕舉妄動， 但係咁樣就會少咗好多experiencee stimulation， 又會停滯不前。 依家心動想讀心理學， 但係好擔心自己適唔適合或者對將來嘅career會有咩影響🙉宜家聽阿Mills講，比個大方向自己先，再慢慢尋找自己嘅life🫡 真係好鍾意Pantry有嘢斟！每集都比到好多insight我， 輕輕鬆鬆去講同自我成長息息相關嘅問題☺千祈唔好飛起Mills🥸Pantry長做長有😗

[@samleung6959]

加油！

[@Fuzzyputsee]

呢集好好，令人反思自己需要啲咩，唔係每個人需要同追求的野都一樣。

[@弘-k9x]

阿Sa加油💪💪

[@kschiu2011]

走咗啦😂

[@rominicorl]

畢業後我的工作很好5年已經做到頂，但突然有人大栽員發覺工作並不是人生。之前去過歐洲很震撼所以我拿著全部錢去意大利讀2年書（從少喜歡的東西但大學沒有讀), 我唔係去旅行而係去inspire自己，我去了10年，當中有無助有孤獨但從來無失望過因為自己找到了自己的一片天。好多人見市面上有乜嘢選擇先會諗，唔會諗自己開創一個選擇出來。好多人話“你就好啦！”但從來我都話“你都得”，你連走出去都諗來諗去會唔會錯值唔值得，咁你就一定會失敗。

[@AT20110311]

後製越黎越funny, 製作組越黎越成熟同深度

[@samleung6959]

剪得好有心機！

[@lamyan6688]

其實旅行or行開下都係Life既一部分 只可以叫Job break 叫Life break好似有啲否認 嗰1,2年既體會,成長

[@candyto5972]

一直都好鐘意sam sam所揀既topic 🎉🎉

[@samleung6959]

多謝Candy ！

[@tummydiary3879]

聽到Mills話職場上的break，我都想分享下自己職場上life-break嘅經歷，希望大家可以知道life-break唔只係得去旅行呢個選項。 我畢業五年，一直同一間公司打工，以薪金黎講年年都會穩定上升，同事關係都幾好，只不過工作壓力大、部份客人要求接近無理、工時可以好長，對身體影響都好大。所以有時burn-out邊緣都會好想放低所有去個長旅行或者工作假期。 今年嘅life-changing event 係好多同業朋友都轉職去比較舒服嘅工作環境，令到我開始考慮洗唔洗轉職（再加上年紀又的確係29- 🤣，係面對呢啲問題嘅時候）。 咁啱公司又offer我一個短期嘅外派，outsource左我去其中一位客人公司幫手。雖然只係短期，但係已經令我有非常好嘅work-life balance，兼顧到生活大小事、興趣同健康。career黎講，去客人幫手都expand左我未來嘅option、建立左人脈，學習到一啲前所未有嘅知識同技巧，得閒又諗下方法增值自己（例如學緊語言、下年打算報一個mentorship programme）。萬一有日真係經濟不景不幸被裁，起碼可以先睇下客人有冇offer。呢個經歷都令我反思自己目前工作同人生規劃，發現自己仲捱到幾年喎，之後再諗轉工都未遲。 所以無論睇緊呢篇文章嘅你係manager定係打工仔，都可以積極諗下offer呢個選項比員工/睇睇公司有冇呢啲機會，咁就唔會迷失啦。加油呀～💖

[@RossChoShingChan]

好有意義既一集, 相信每一個人係香港做野耐左都可能經歷一段想放棄既時間. 但放棄唔一定係裸辭. 的確學Mills所講, 資本主義社會, 人做每個大大小小決定背後都有機會成本. 工作收入係可以幫助一個人"行開下"既重要資源.

[@st021502]

27歲果年有職唔升，去左whv，跟住轉埋行，留到依家都7年。依家睇番，有時真係要行開下，先可以睇清人生個picture.。

[@K.wong-l2j]

阿京講「個啲叫尋找自我呀？流浪呀？」個段好好笑😆其實唔一定係要life break先要離開一個環境，而係比一啲新的知識同挑戰自己，公司可以比一個人成長，但離開一個熟悉的地方所帶黎的成長公司係未必比到，個種類同內容完全唔同，自己覺得好難相提並論

[@samleung6959]

所以我諗重點唔係做咩，而係為咩而做🫡

[@RabeeaYC]

去過working holiday 依家準備去第二次 覺得唔使諗太多意唔意義既野 平常心 保持open-mind 旅途自然會帶到你去適合既位置 享受每一秒 即使迷失都係人生既一課

[@kennethcheng8479]

每個國家嘅人都會想喺自己國家衝出去，歐洲人可能會想去亞洲流浪，反之亦然，搵意義、搵返自己、反思人生，我個人覺得未必關去邊度或者有幾遠事，自己心態同想法要開放去有新改變先會有意思。如果我仍然帶住舊有嘅所有思想模式去體驗，點都唔會有得著，但如果慢慢自己能夠放低一啲舊有想法模式，重新體驗面前嘅事物，都會有得著。我曾經試過有一晚花3個幾鐘時間由工作地點行返屋企，經過晒過往生活區，幼稚園、小學、中學、住過嘅地方，女兒出世嘅醫院等等，行嘅呢段路仲係好好嘅運動添。時間唔長，短過你專登去旅行好多，但係重整返自己過去做過咩，每個階段追求咩，然後返到去自己問自己一啲問題，再行落去有咩想去做，想體驗？問自己重視嘅係乜嘢？有無改變過，而家仲會成日諗起嗰次步行感覺，比起去1星期豪華團浸溫泉同shopping，一定更加豐富咗我內心嘅反思同想法。

[@happykwong]

每一個經歷 每一次相遇都一定有它的意義 現在無意義 不代表將來無意義 無論你幾多歲

[@hyleung4082]

老實講人生可長可短，有能力，想去做乜咪做乜，唔係賺錢但都可以賺自我成長

[@theoho-chiying3613]

超高汁❤ 好中意居然會討論呢個topic!!!

[@mankeiipoon5703]

係外國生活同香港果種方式完全唔同 真係會帶到好多新嘅睇法同思考 就算真係搵唔到方向 但係見到嘅野一定多左好多❤️

[@jing-yichen8182]

節目的主題都很不錯！不理解中間的人有椅子坐，旁邊的人從頭站到尾，覺得似乎不平衡，希望能夠職場公平。（建議僅供參考）

[@beruberu2023]

正值想行開時份 多謝分享☺️support pantry!

[@mi-su1vm]

依集好好睇 可以做多啲依類嗎❤

[@anyukichan]

其實最後可以係人生中行開吓都好幸福⋯⋯ 我呢啲有經濟壓力同家庭負擔嘅人，話想去行開吓會變咗係一種不負責任嘅行為⋯⋯😢

[@goldfat6726]

呢一代（90-00後）20-30歲既人家庭比較無負擔，所以真係可以停左1-2年去外國睇驗下。而70-80後，可能以前家庭有負擔唔可以咁，反而想盡早自財，有時間去做自己既野。

[@Phosphorum]

今年人到中年三十歲，都想自己去北九州踏返上京阪神嘅自由行之旅 人真係到左某個年紀就會諗多左好多野，真心好多野都想改變下，挑戰下

[@terencewong4687]

祝你成功

[@Obfluss.S]

行開下都要講pro唔productive咁大壓力，仲叫咩放break。 好多得著反而係冇set定expectation、唔係好煞有介事咁先會get到。

[@jimmychan19]

若果唔係後生時有流浪經驗，從而了解自己能力同建立自信，中年後嘅依家都唔會有信心移民，結果成功响從未踏足過嘅國家快速站穩陣腳

[@obedientlamb1521]

好發人深省的一集。😭😭😭😭😭

[@felixlee7088]

我諗我行開下會促進其他人嘅生產力🙂

[@hongkonger1111]

香港硬係要有啲mindset，明明係有穩定工作，但無結婚買樓生育依啲就會令人覺得無目標，變相搞到依啲嘢係必要咁，綁死好多人，唔想咁樣嘅人就去搵其他嘢，結果都係迷惘 好似無乜人生planing就係唔好咁，結果一堆人就返工搵錢買樓結婚生仔，倒模量產機械人咁，唔咁樣又諗唔到做乜，未必有個答案 覺得個啲一嚟就超級有目標，想做乜乜乜，一定要做到之後去做嘅人係好少，大部分人連大方向都未必有

[@WingwingNg-j4p]

去年認識咗 朝聖之路，同life break 好有關，未到30歲的我都好想去體驗，不過暫時覺得未ready 好去做

[@MrGeniussiu]

我自從廿幾歲開始，一直旅居😂到今日40幾了。

[@はやし-x3h]

我早幾年都係覺得自己可以成世都無負擔想點就點，但呢年開始兩老身體開始有事又退埋休，我已經唔可以好似以前咁想點就點了，不過都慶幸都叫自由自在過。

[@hemiiong3268]

每次想有行開下呢個諗法就諗起屋企三隻貓😢 唔會後悔有佢地，因為好幸福，但就變相就冇得郁d就行開吓，有冇人都係咁？

[@stephanie9130]

我都係，因為家有老主子（16歲喵星人）！

[@ketchupc1051]

如果香港既公司有Sabbatical holiday俾員工，問題就可迎刃而解了！

[@tonywong2278]

應該call sa姐 訪問下佢!

[@leecarpenter9757]

謝謝你們的講述, 服務。

[@VC301000]

好睇，好有意思。我就工作上爭D死係雪山，當時就已諗想去 life break。

[@wongmei7959]

Like 係俾剪接後制同事❤

[@wingchan6360]

呢集好有意義, 作為fg嘅我短短一年已組轉咗幾份工, 雖然背後都有唔同嗁原因, 亦都因為噉而見識多咗, 處事都相對成熟咗, 但少不免有時都會懷疑自己呢啲決定係咪啱 最近發生咗件事令到我再次有轉工嘅打算, 但又會擔心CV花晒, 又再次有啲迷惘, 不過早幾日去完旅行又好似有睇開咗少少, 都係自己開心最緊要, 有能力嘅點都唔會揾唔到工

[@vivian9357]

支持你呀千祈唔好被大眾嘅普世價值影響自己！特別係香港呢個地方。呢個世界好大！唔係剩係得香港！亦都唔係淨係得一間公司！我每日都同自己講一定要放眼世界，同埋一定要學習新事物！

[@tomok284]

27:48 means係解手段同方法，唔係意義，字幕解錯左。

[@HBJJ98]

好彩我u grad 就去左working holiday…真係不往此生 去咗一年就返黎開始自己既career

[@abcdef3948]

29歲行開下到而家40幾，都仲行緊

[@davidtung8183]

見到呀京聽完30歲南極慶祝生日既表情 感覺佢好似都想試一次😂 同你地諗好左試一次😂

[@kidultq988]

sounds like Chunky is not a friendly boss in the office after watching a few of episodes

[@lamed9877]

不要緊 山野都有霧燈 頑童亦學乖不敢太勇敢 世上有多少個繽紛樂園 任你行

[@tonicchau3666]

好欣賞Millis 每次著嘅襪都靚，顏色好搶眼

[@bunnymomo4133]

有試過跟你一樣裸辭去旅行 😊😊😊

[@keigocat]

我諗我都要行開下🥲🤔

[@KintCheng-kq9dc]

😂我真係去左21日台灣環島連同台灣其他離島，想出走去望下回來，當時27歲 仲要公司俾我扣假扣錢去 記得 接順風車，認識唔同人

[@ssssssss-er8vg]

Natalie好似成長左❤

[@AmeliaLucaClipswBBQ]

哇exactly就係我啊😂 遲啲10月就離職，諗緊要不要趁30歲前去working holiday 🥹 我都好糾結 😔

[@samleung6959]

希望條片幫到你！

[@hahapp121603]

趁仲有機會一定要去！過咗30想再去已經無機會！相信自己，經歷係個人嘅！加油

[@karentse4553]

去！

[@hg4cg955]

撈得起就可能要諗諗，但如果唔係搵得多，真係好建議出去行下。即使到卅卌歲真係事業ok，除咗公務員，又有幾多工可以俾你離開香港多過一兩個禮拜？ 當年我就無話學到啲乜，亦唔似上面某位去咁多地方，又讀書又做公司開荒牛，甚至到而家都撈唔掂… 但人生短短幾十載，WW III開咗波，我無後悔出去睇下個世界，過一啲同香港唔同嘅生活。 嗰啲話養家嘅，係父母真係退哂休兼長期病患等你一個養仲要幫手供埋樓？坐緊直升機百萬年薪？定係只係自己唔出去行下嘅藉口？

[@keiying419]

Natalie 係米升左職，以前係她做Closing 同Opening ~~

[@dt0122]

昨天見到呀Sasa 祼辭果個youtube haha

[@Jay-kp3pp]

「唔記得介紹Mills」已成Pantry每集不可或缺嘅部份🤣

[@poonkeith]

Mills 愈講愈快，好似比個嘉賓trigger咗

[@humbersucka]

今次似乎冇開濾鏡，睇起嚟又有另一番味道😀

[@jasonlui1566]

Sa係咪life break緊?

[@tkho150]

nice

[@bbyy6411]

👍👍👍

[@jaxkhan]

經驗上，講呢啲嘢嘅人係唔會走，會走嘅人係唔會出聲。

[@emma.emma.w]

咁樣直線抽擊離職同事，真係好咩😅😅 去台灣有咩問題？

[@N420C]

+1

[@samleung6959]

冇啲咁嘅事呀😂首播阿Sa仲有一齊㖭呀😂

[@emma.emma.w]

@@samleung6959 多謝sam澄清及回覆，明白是誤會就安心好多！不過都希望可以留意返呢個位啊，畢竟內容同時期線都好近，真係好易令觀眾誤會🙏🏻

[@samleung6959]

@@emma.emma.w 多謝你咁細心呀！不過係我地體感時間覺得好似已經過咗好耐咁，可能因為以前成日見到😂

[@eden.25yo]

港資就實唔駛諗有career break提供俾同事啦

[@micfufans]

題目啟發by牙sa??

[@samleung6959]

真心真係唔係😂

[@latitude3695]

thx

[@georgegeorge7973]

Mills 還左錢俾 nat 未？

[@boston6a]

natalie 29 拿? 咁都幾單純可愛

[@baby.g2457]

呢d只岩初出社會或出過下社會無耐ge人！ 中老年如果咁做，返來係搵唔返份好工，正規生活質素可能比出發前更差，除非自己本身條件好好或有家底除外

[@katekwong4711]

打工又好, 行開下又好, 都係自己的選擇, 點解老闆要良心發現? 前世欠左?

[@ieq-jz5ug]

Um....但係點解一定要行開下？唔可以留係香港休息下架咩？

[@peterhua5211]

On 9

[@sone2913]

當然可以啦，行開係都轉下環境俾自己break下。 你係香港轉到環境都可以有同樣效果

[@kahowongiswatchingu]

❤❤

[@user-Scarlett2020]

三十幾歲人，一份追數嘅工做左十年，辛苦但又未辛苦到要唔做，放假鐘意留喺屋企，煲下youtube，湊下女，低物慾生活，望住慳返嚟儲到嘅錢又好開心，三十幾年練成嘅心態，係覺得開心嘅。

[@澳洲龍蝦芝士焗]

成條片都留意住chucky隻右手😂😂

[@aliz0716]

Mills👍🏻👍🏻👍🏻👍🏻👍🏻

[@waimingcheng-gt5tj]

人生意義是搵好多好多錢

[@skfanfanfan]

經歷捨棄，會知珍惜。

[@kwtki11]

點解想行開下嗰時都仲要諗下點樣行開下先有生產力..?? wtf??

[@silipang1886]

一睇條題，即想到你地的前員工阿Sa......

[@dickywong112]

點解 pantry 有嘢斟 D色次次都唔同???? 打燈方法又唔同??? 其實唔同都可以, 但效果無變得更好??? 嘉賓面口濃曬....其實上一集就打得幾好....不如參考下....起碼平均D.....

[@nooB-di5so]

我覺得唔好為break 而break😅

[@Chrrrrrrriis]

依家唔break,等老左先break?同埋你答唔答到自己壽命有幾長？心累就要停下，諗下想點，心身長期受壓既話，都唔知有無機會老落去

[@tonychan9062]

當年陳慧嫻都係咁諗。

[@14141andrew]

嘜都係假好多後生仔都有決心行開一兩年但係“鈔能力”要強先得嘎！唔係買機票都無錢budget得一千幾百你咪最多翻大陸幾日😔

[@vivian9357]

如果冇家庭負擔嘅話，可唔可以試吓喺其他金錢上開源節流？係痛苦嘅我明😞但係如果你個決心好大日日帶飯唔使錢，如果你真係好大嘅決心要儲一筆錢嘅話！ 或者試吓打工換宿？我有朋友淨係買張機票就去咗紐西蘭一個月，房東包食包住每日只做幾個鐘工作！清潔啊摘蘋果啊照顧羊等等雜工！

[@JasonTaylorhkuk]

其實好多鬼佬都係返六個月工 另外六個月就周圍度假 喺香港先咁樣一份工駁住另一份工

[@whlee5056]

3:29 香港人在台灣環島探索自我 令我諗起達哥🤣 kzbin.info/www/bejne/eZ_NeGiFotKVrJo

[@nerochang]

好正笑死我😂

[@samleung6959]

遇到知音！我就係因為達哥所以記住呢句嘢好耐，成日諗點樣尋找自我😂

[@ffddabc104]

攞大假，NO PAY，有無後著先？有無子彈先？保護傘在那裡？越近完時要行返埋嚟的力量有多少？在行開的地方落腳，可以？

[@AntonyNg-w7d]

年青時斷斷續續 都十幾年冇做過嘢😅

[@k.w.6261]

Mills 每次講自己都會好逃避😂好奇怪，心理學家？

[@MrMilanoLau]

香港職場有年齡歧視，裸辭流浪這玩意年青的還可以，過了卅就最好不要，除非你不怕下半生要流浪街頭。

[@sunday973]

牙京 應該系極品 應該話留得系mm d人都系極品

[@benmok183]

55歲後想做都難