#MM

#MM #700萬種生活 // 港男無懼蝕本 24歲時50萬頂手200呎銅鑼灣文青文具店 五年經歷情緒病及慘淡市場 8月尾終完約離場 90後文具佬的高山低谷
很多人經過銅鑼灣中央圖書館旁邊，也會被一間不足200呎、跟附近鋪頭格格不入的文青小店吸引目光。2014年，18歲的前老闆Jerry從大學退學，開了這家文具店，當年引起很大迴響，傳媒廣泛報道，但蝕足5年本，本要結業離場，2019年卻由24歲的Max接手，把這裡經營下去。
當年Max決定辭去沉悶的辦公室工作，決定實現開店夢想。讀大學時他拿到十多萬獎學金，加上自己工作兩年儲了30萬，又硬著頭皮問家人和現在已成為太太的女友借了錢，頂手費連同入貨價錢，Max大約籌到了50萬去接手這文具店。Max說：「其實都沒有甚麼東西好輸，輸了錢頂多再去打工，也只是輸了幾十萬、輸去幾年時間。」
同時，這幾年間Max經歷人生的高峰和低谷，也跟這200呎的空間扣在一起。小店在摩頓臺立足十年，最後都要迎來終結。「我們的租約只去到今年8月31日，我不知道會不會變成50%網店，50%實體店，或許能找到一個更便宜的地方讓我繼續做。」
「貨品來到十分鐘我就要處理了，因為不能堆箱子，只能向高發展。」200呎小店有過萬件貨件，望上去店面很精緻，但其實擺放方式都很「港式」，就是見到有位就攝物件。一如以往，周五的休店日，Max都沒得休息，要回店處理大小雜務：寄貨、將每件貨資料輸入電腦、入貨、執貨、上架、拍照將貨品放上Facebook及IG。
Max從朋友Jerry手上接下的這鋪頭，即將踏入第六個年頭，依然每天忙得一頭煙，繼承小店同時繼承了上任老闆的勤奮和品味。「Jerry本身的想法是一邊讀書一邊開店，但時間很不穩定，他索性直接退學經營這間小店。」然而Jerry因為隨家人移民，加上經營困難，就決定結業離場，當時想接手的人也有不少，最後交給他信任得過的Max。「我一開始也沒想過接手這裡，因為地鋪租金貴，賣文具自己也知道毛利不多，都挺大壓力。」
心理學畢業的Max，沒有考慮從事同類型的工作，「因為我們這一科，起碼讀到碩士才可做同類型的工作，畢業後我已不想再讀書，基本上大學畢業都是家人的要求。」畢業後Max做了兩年普通文職工作，人工不錯算儲到一筆錢，但一直找不到令他有感覺有理想的工種，因此他一邊打工一邊經營副業，因為見到當年精品文具市場有上升趨勢，就在日本拿了一些牌子的貨品回來，賣給香港大小書店、文具店，亦就是這樣認識到Jerry。
「那時我比較迷失，不知道自己在做甚麼，到處跳來跳去轉工，因為找不到自己想做的東西。」茫然沮喪，對前景和生活都沒甚麼熱情的Max，感覺以前的人生都為滿足家人要求，所以希望儲夠錢就去做小本生意，至少有一件事，不論結果是好壞都由自己掌控，而開一間屬於自己的店，就成為他的人生出口。「天時地利人和加起來才有這結果，天跌下來的機會，現在給你一個選擇
你去不去做呢？當時就想不如試一下。」
明知有可能是蝕本生意，但這機會重燃他的熱情。Max花了很多時間研究不同文具特性和功能，文具種類繁多，要有一定市場觸覺才不會入到「蟹貨」。除了日本文具，他亦賣坊間較少見，來自英國、德國、瑞典、俄羅斯、加拿大等不同的專業文具。
跟很多一畢業就想創業的人一樣，Max也有資本的問題。他讀大學時拿了十多萬獎學金，自己工作兩年儲了30萬，又硬著頭皮問家人和現在已成為太太的女友借了錢。2019年，頂手費連同入貨價錢，Max大約籌到了50萬，去接手文具店。「舖租跟這條街其他店的租金其實是相若的，五位數價錢。剛剛接手的時候花錢是最快的，我要付錢給Jerry，要處理舊貨同時要進新的貨，因為他交店給我的時候虧損得很厲害，一開始沒有收入只有支出，試過銀行戶口只剩下3000至4000元。」Max憶起當時其實沒有退路，心裡唯有想著經營好小店，「 開長時間一點，頻繁一點，可能一個月只休息一天，最遲開到十時。然後幸運地，慢慢讓我儲到一批客人。」
相比由零開始經營一盤生意，Max最大滿足感是將小店由蝕錢變成賺錢。他的策略是頻繁地換貨，有空轉轉貨品擺位，令客人有新鮮感；他不會哪件貨好賣就不斷進單一貨品，而是要求有不同種類的文具。「Jerry的店很多復古文具，其實很難銷售，因為文具店貨品要快出快入，我通常是分散地入貨，入最少試水溫，不好賣的話我們都不會蝕太多。因為文具浪潮過後，剩下的客才是真正的用家，其實第一年營利已經回來。」
為了增加競爭力，Max兩三年前開始製作自家產品，用香港印刷廠印刷筆記本，發展自己獨家、由歐洲廠製造的閃爍墨水，現在在日本、美國、新加坡、馬來西亞等地都有上架。
不過Max這團火燃燒了不久，就被近年慘淡的市道潑熄了。去年他患上焦慮和抑鬱，開店時間因而變得不規律，小店是精神支柱同時是壓力，這個想賣開心給客人的文具佬開始力不從心。「去年有一整個月都睡不了覺，直到5月有一天突然全身飆冷汗，心跳得很快，好像被重物壓著，那我就去了看醫生。吃了情緒病的藥經常很疲累，只能斷斷續續地開店。」
某一晚他忽然感到憂鬱絕望，更有輕生念頭，幸好太太Kirsten回家後及時發現。一直在身邊默默支持、周六日不用上班時會落店幫忙的Kirsten，當初是其中一個鼓勵先生接手生意的人，「其實我跟他很少一起出去吃飯拍拖，因為很難夾時間，但老實說我很少投訴，因為我很明白這狀況。」Max坦言：「我好像沒有時間陪她是很不公平的，所以某程度上想轉型，是想找回自己的生活。」
由冒險做決定，雄心壯志想經營文具店，實現了做小生意的夢想，到患病、被現實打擊、有機會退場......踏入30歲大關前，Max好像已經歷了人生很多不同階段，「我的朋友不是會計師就是律師，或是銀行高級經理，大樣同年紀又同一間學校畢業，有時也覺得為甚麼好像走慢了。30歲好像是一個由男生變成男人的一個歲數，如果讓我再做決定的話，我不會衝得那麼快，但我100%不會後悔，因為沒有那五年經歷，我就不會有現在的我。
截稿前收到Max消息，他在旁邊商場物色到租金合適的新鋪位，距離現址30秒路程，未來將會50％經營實體店，50％經營網店。
策劃：Phoebe王秋婷
拍攝：張志孟 許先煜 潘志恆 麥志豪
剪接：黃君麗
監製：林京賢
編審：黃碧珊
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 KZbin APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung

[@phoebewong1462]

Max實現咗開店夢想，但成個過程都充滿波瀾，呢間店好似見證住佢嘅人生高峰同低潮，同每個破斧沉舟嘅時刻。老闆係個冷靜理性嘅人，唔會將肉麻嘢掛咀邊，但都睇得出佢放咗好多心機喺間鋪度，亦成日因為身體問題開唔到店令客人失望而苦惱。好開心係出片前知道Max搵到附近一個新鋪位，撳pause回一回氣之後，又係一個新開始。希望佢轉型成功，工作同生活都可以平衡返～～🤓

[@chenry6835]

但係標題寫離場會唔會有啲誤導？但其實係轉場入商場內舖啫

[@carcamrecords]

phoebe 好耐無見你，希望你做多啲幕前

[@ikemeao6608]

我係前誠品/ 三聯嘅文具採購嘅負責人，所以高端同平價文具我都賣過。 文具宜家最大問題係冇新叫好又叫座嘅產品。呢十幾年講得出口受歡迎嘅產品就只有mt紙膠帶。 其中一個原因係文具生產商全部都變得保守，唔放$做新產品。 所以宜家反而啲基礎文具/ 學生文具賣返多咗(d長賣款)，令文具仲有得做👍🏼 加油! 同好多供應商行家傾開，都有提起你，話你好有heart😎 但點都好，要先好好保重自己身體及多花時間陪陪老婆，因為要做好文具真係煩到爆(共勉之🤣)

[@Step724]

點解同行&商家都唔搵d方法幫下佢捱過難關？

[@ikemeao6608]

@@Step724 其實供應商可以keep住繼續供貨已經算幫到手了。當然可能有增加數期我地都唔會知~ 宜家賣文具其中一個最大嘅兩難問題係賣嗰幾間大牌子嘅日本筆。好嘅地方當然係呢d牌子出名，有d款係長賣款。雖然毛利不高，但可為舖頭帶來穩定嘅收入。 但另一方面，呢d供應商出新款會比其他類別嘅供應商快好多。正如之前咁講，呢10年8年d新款文具大部分唔好賣，宜呢d筆供應商幾乎每個月都會有1~2款新款筆推出。 問題在於訂新筆係要成set訂，通常1set最少有12色(多則36色up)，每隻色10支。放出嚟好colorful好靚但好賣嘅永遠只有藍色同黑色。其他色又唔賣得但又佔用好多陳列空間，所以一頭半個月後又要減價促銷。問題係文具係好個人化的，你唔鐘意嘅顏色即使減價你都唔會買。成set筆做折但黑色/藍色唔減價d客又會嘈。。。 唔賣得都算，最慘係呢d死貨佔咗貨塲好多位，如果呢d位放其他貨會更有貢獻。 但作為文具店，d客就永遠希望見到新貨(買唔買另一回事)，所以好多時除非真係好唔掂嘅款，如果唔係店家都會盡量選擇不斷入新貨，然後死貨就越嚟越多。。。

[@chenry6835]

連中南都做唔掂就知前景有幾好

[@ikemeao6608]

@@chenry6835 幾年前一個日本筆品牌嘅春茗，放咗好多日本啱啱出而香港未有嘅款 (for在座各retailer嚟緊落單 )。d筆係display&試用only, not for sale的。 有人夾硬要供應商賣d display筆比佢，話唔會攞出嚟賣。點知第二日就po FB, 話佢哋有全港獨家首賣xx筆🤣😏

[@gustavewill]

@@ikemeao6608 食相可以做到咁難睇既，唔係好老海鮮就係好young行業初哥

[@dennisleung852]

佢有個好好既太太, 既支持佢追夢,又係低谷時陪伴

[@benkwongcw]

是,最重要

[@jovylo]

Max 好幸福，有個咁好嘅太太❤

[@lavenxilee]

係我最愛嘅文具店呀！每次去銅鑼灣都會專登行過去兜個圈先返屋企～最鍾意舖頭入面有好多世界各地品牌嘅筆同紙品，每次去都好似尋寶咁！ 最近知道店主已經成功喺附近租到新舖，希望之後返香港有機會再去行下啦！ PS 致店主：Max你其實已經好叻，做咗好多我一直夢寐以求嘅事，祝福你之後順利、平安！

[@Teddy1010.]

@@lavenxilee 想問吓有冇地址

[@testb4292]

加油！老街坊老顧客

[@gustavewill]

@@Teddy1010. 摩頓臺

[@miapoon1]

個人睇法 Max係一年內由虧轉盈已經好犀利，仲要堅持咁耐。 可能收入比唔上會計師律師嗰啲。但係諗法同眼光上面都無輸過，因為出咗自家製墨水仲賣到國際。 反而多啲學識欣賞自己。 加油🫶🏻市場低迷係真，轉型對於自己好啲都好重要❤

[@waicheongho2445]

幸福男人有個賢妻❤。

[@jovylo]

絕對係！Max 文具舖可以建立自己嘅品牌衝出國際俾起你啲同學什麼會計師律師 你將來的前景一定比起他們更加豐盛

[@brosproducts9508]

睇完呢集好有感觸，2位老闆都有遇過，接手嘅老闆我哋睇得出佢求變嘅决心好大同好肯入貨而且平至貴都有。以前同朋友都會带晒d女兒從學校行去舖頭，每星期去都好似有d唔同。依間舖開始有d名，我哋都好為店主高興🎉。希望店主轉online shop 做埋海外市場。我哋case係全家已在纽约生活了，呢邊文具精品非常有市場，不過選擇超少，款式比香港日本倒退3-4年。尤其大部人對日本筆都好鍾情，我囡對文具勁有情意结，如果有online, 可以介绍俾多d朋友，祝福老闆，齊齊加油！

[@Becca852]

最欣賞佢不論結果都唔後悔，無過去嘅佢點會有呢五年嘅經驗同得著 亦好欣賞佢堅持用質素嚟對抗速食 太太亦係好好嘅partner 祝福佢哋兩夫妻❤️

[@vanlou1356]

幾年前係摩頓台住過一排，好鍾意行呢間文具小店，每次行都好似尋寶咁。老闆好熱心咁講解產品，去嘅多數都係熟客。 希望大家唔好忘記支持本地有特色嘅小店 🙏🏼

[@aotoletterpress9413]

合作多年，由第一代店主到第二代店主，香港最好嘅文具店❤

[@JC12_HK]

用愛發電都要食飯，轉個經營方法都好。店長仲係好後生我覺得要嘗試要拼搏都好正常，不過真係要睇住盤數唔好真係攪到山窮水盡。 祝新舖順利開張，要保重身體！

[@mayleung1209]

2019年接手，經歷社運及幾年Covid 至今，已經好唔容易，希望大家繼續支持Max的文具店。

[@gracec1260]

30歲之前做到自家品牌外銷，巳經係人生上好大嘅成就，但要好好平衡生活同工作啊，期間見到你嘅網店🙌🏻

[@nia898]

好犀利 好有勇氣 明明咁高學靈咁有能力 自己都有份stable收入唔錯既工 但每日返工都無滿足感 所以好respect你

[@davidkwan9153]

今日特登去支持下，買左800幾蚊文具。坦白講，我覺得無得做。年輕人試過、堅持過，很好；但如果無前景，也要懂得 cut loss 斬纜，或轉型，不要讓自己被拖垮。30歲，正值盛年，要好好 reflect 一下是否繼續、如何繼續、止損點在哪裡。要是不做這個，休息一會，重新開始，完全可以。祝願你能做冷靜有智慧的決定。

[@hochiusam]

30歲(我地應該同年haha)真係好似一個分水嶺，我成日都覺得自己行得比其他人慢，身邊朋友有專業人士，或者已經係個行升職到咁上下。但我今年先準備轉跑道，過去十年幾乎只係打滾過日神。不過我成日都同自己講，自己既道路可以按照自己既步伐。快定慢都唔需要太刻意同人比較。有人30歲已經一家四口，而我仲係單身狗…有人買樓投資，而我仲摸索緊。最緊要自己開心！番香港我都會撐你！

[@lunleung1686]

為何要比較？看透一點吧

[@hochiusam]

@@lunleung1686 有比較先有動力進步，同時可以檢視自己！不過太執著比較高低反而會拖慢自己

[@jeffreycheng-qt2wr]

有人30歲跳摟，你吾跳，講呢d 多余

[@wahwah1119]

睇留言見到好多人酸到死, 人地咪講左讀psycho唔想讀master, 仲估係咪大學畢業. 同埋返緊學唔俾打工架? 同埋咪講左出來做左幾年先儲到舊錢, 香港人唔該正面D啦 😆

[@cheukkwanmaychan]

2年儲到30呢個能力都唔係人人得啦⋯⋯！超勁呀根本！

[@user-tc3bl3yf2d]

💚🙏 衷心祝福 Max 夫婦身心健康，生活及工作順利‧今年，我有入過去兩次「文具簿社」，同時亦都行吓好耐冇行嘅灣景商場‧ N年後嘅灣景商場，的確慘同其他商場嘅命運一樣，成為死場‧阿 Max 揀到灣景商場嘅吉鋪做新鋪，都勉強叫天無絶人之路，令「文具簿社」得以生存，希望新鋪嘅租金，會平過摩頓臺舊鋪多啲‧香港人情緒病之所以普及，除咗工作、經濟、生活及人際關係壓力所致之外，制度變化、社會科技化、社區環境嘅萎縮，都比起以前年代，縮減咗人與人之間溝通嘅機會........就正如香港越嚟越少街鋪，已經係變成大勢所趨‧

[@arnoldtse6548]

能捱十年，真是了不起。生意就是赢和輸兩样可能性，但人生能有信仰，有堅持，能走过，也留下故事，便是生活，而不止是生存。 虧本與否是老板个人的事，我们不应批评，我選擇看到他光辉和勇气的一面，因為这些对其他人，才有意议。 有人说是父幹，我觉得他爸爸也一样的勇气和看透。谁不知道开文具店的命运，但仍支持，因为爸爸看到一般人看不到的。店一直漂亮的经營，反映爸爸希望兒子有信念，已经是達到。 經营十年后结束，是好句号。祝往下顺利，平安。

[@karenleung1294]

Max 你好勇敢，有一位好好嘅太太，情緒同快樂最緊要，希望你喺事業新嘅一頁繼續揾到你嘅滿足感！

[@forestpage7483]

我都係文具迷，以前一年幾次台灣就係想買文具，人大左就愈放愈輕無再沉迷買文具，但係佢哋真係香港少見的高質店。 不過經歷完呢幾年，照顧自己心情更重要，希望你和太太一切順利平安❤

[@joetam1138]

揾到一個支持自己追夢既另一半, 已經好幸福, 係最危難既時間做最簡單既支持, 有係另一種幸福! 加油!

[@nooB-di5so]

恭喜阿max keep 到做實體店! 加油💪

[@mimi-yan]

我知這店在那裡，原來轉過手，我見到他們沒開舖，心想：唉！開了那麼多年，疫情捱得到，終於佢哋都捱不住了，可惜。

[@blackneedle1]

佢有時唔舒服會唔開.

[@wind3012]

佢會在原店附近開過間鋪a, 得閒去支持下佢！

[@mimi-yan]

@@wind3012 一定會👌

[@yuleungchen3948]

我有一天去max店舖買文具 見到他同顧客有傾有講 最後我走時见到那顧客本身已經走咗 之後再折返 原來她是買飲品給Max 那種感覺好窩心 希望Max繼續努力 😊

[@-Preak]

多謝您們. 你地買發票紙的華生文具店都係好耐歷史, 應該係70年代已經响百德新街大丸對面開業. 香港的文具店都承載了我們好多代人的過去, 希望您們都安好...

[@angusxb]

佢對自己有期望，所以就好大壓力，情緒問題真係好影響身體，加油，慢慢就會搵到自己的路，唔好放棄自己呀！

[@cknm3100]

加油！繼續做喜歡的事、做美好的事，律師會計師已經有很多了！只是剛好這個社會結構讓做其他事的人沒有相應的金錢回報，但我相信人真的要走自己的路，這樣才會幸福。

[@mslau4842]

這5年艱苦的經歷不會是白費的，它必定成為你日後一個重要的人生基礎。Max也很幸運娶得如此賢妻，支持丈夫追夢。加油年青人。

[@jovylo]

Max 將來回頭再望你一定唔會後悔開這間文具店這個人生經歷非常寶貴！有高有低！ 但最欣賞係你背後有這個太太！非常幸福有個咁好太太支持著您！ 加油！

[@caseymok1718]

我覺得他是一個叻仔，最緊要養返好身體，他絕對有腦的！我見好多人生意差都只賴經濟，他提及的就是關鍵字，e-commerce-其實covid後全世界商舖都面對緊這個問題，但大部份人只會怪經濟差，香港有錢人多的是看銀行儲備便知

[@user-lh4xf3kp6e]

好欣賞佢有夢想也去實淺。我有夢想但沒勇氣離開 comfort zone. 我們應該多多支持這些 local stores

[@yyyhhhhhhh]

十分支持你,以前和另一半到訪你的店舖,覺得當中的文具很有特色,很喜歡你的眼光,加油.

[@Step724]

香港真係一個幾諷刺嘅地方，個個撐佢，讚佢好有heart，但事實上個個平時都唔會幫襯佢所以先搞到佢無生意執笠。 以前係外國果陣，隔籬鄰舍真係每個月會揸車去某個city嘅一家老店，掃定一兩個月貨。但我發現香港人都得個講字，最鍾意係人地宣布執笠果陣衝出黎講加油，話執之前要幫襯。

[@wildcharm911]

店主已經好幸運, 有一個咁體諒支持你的伴侶

[@chnavy4823]

佢太太真係好好👍陪伴同支持真係好重要

[@su4773]

我而家都係为屋企人生活，不敢追求，所以我覺得佢好有勇气🌟

[@kitlinglau294]

好鍾意呢間文具舖，加油Max！

[@chingmychan3875]

除咗叫口號，最實際都係要幫襯先得嘅。。。

[@bonnielee8734]

thanks share 香港文具小店越嚟越少 有心人做事 值得欣賞

[@donb_fishing]

又有個好老婆支持你❤❤祝福你🙏🏻🙏🏻一切安好，休息放鬆下再加油

[@LynnelynneStory]

呢間文簿具社 一向佢的文具都勁高質 勁過台灣大間過江龍架

[@leeyinlee8607]

💪最緊要唔好同朋友計較自己佢地得到幾多～只係大家要嘅野唔同，你有嘅野佢地唔代表有，好似滿足感，同做自己。

[@kayeelaw1212]

鋪租貴係主要至命傷，不防雙向發展，實體店網店同步進行，辛苦你了！加油呀！

[@dywan271]

很喜歡以前有入的德國鉛筆,以前放工行過都會入看有沒有特別的文具，雖然有點小貴,但質素都很好，謝謝你讓我們有更多文具選擇（用手寫的介紹牌令人印象深刻）

[@melodyyeung2134]

祝福新鋪發展得更好，努力加油一定更美好

[@maytong9388]

多謝MM報導！ 好感動Max嘅堅持同熱誠，追夢的確唔容易，亦好喜歡解憂信箱嘅idea！加油！新店再見！

[@hehehahahoho227]

我都有去過，佢哋係做精緻文具，其實望下週圍，大型書店嘅文具部已經細左好多，有時想買本靚d嘅記事薄（唔想買Muji )，已經諗唔起邊度有。值得支持👍🏻

[@scachan331]

超鍾意呢啲特別嘅主題，加油MM 👍🏻

[@jessieyau2331]

圓夢，人生就是經歷，年輕就是本錢

[@RosannaLee-vn6jc]

一定係好男仔，先有咁好既伴侶❤ 呢個方式令自己辛苦就搵另外一個會令自己開心啲既方式，一定搞得掂~加油！

[@jennchy]

仍然記得知道銅鑼灣有呢一間文具鋪嗰快樂！疫情開始後都好少再去行，多謝MM介紹再一次令我記返起，一定趁佢搬鋪前再去！ Support Max，人生真係無咩好後悔，相信實現咗嘅唔至你嘅夢想，亦係好多人嘅文具夢，攰嘅時候就停低休息再走更長嘅路，希望你為人解憂嘅同時都身心健康啊～

[@swanchung1479]

你的一句"行慢左"，亦是很多做生意人的諗法，堅持自己的理念，但見到身邊人按步就的一群行得很順很快，不想諗不想理都會變得焦慮，經常給自己打打氣，每一步都是鋪排好的，沒有絕對的對，亦沒有絕對的錯。順心而行，人生只有一次，不只是單一的生活模式，活出自己想要的吧。以上的話，好像是打給自己看一樣，打打氣，做自己

[@MilesNgai]

雖然在網站購物是很便利，但是我更加喜歡實體店，因為如果當你遇上一間很有個人特色的商店，會有一種無法解釋的吸引力，而且我很喜歡接觸過實物才決定購入那件商品。所以希望多些支持實體店，因為一個城市要有多些不同類型的店舖，不同類型的多元文化產業，多些趣味性.....這是我希望見到的香港。（ P.S.很喜歡mm，影片水準一流，AA+!亦希望本集影片主角Max繼續加油努力，支持你！！！

[@annosho]

支持，十年前已經知呢度，係呢十年黎最有特色既地舖，沒之一

[@daybyday490]

你慶幸身邊有老婆支持，我嘅小店雖然有盈利，但係做到自己屈係度喊，好困身，當初屋企人話夾份開，但係佢地無落過嚟幫手1次，焗住自己係度做，好慘。

[@someernie6179]

加油啊

[@THIS.isJAZNG]

希望將來見到文具佬多啲笑容

[@ngjimmy1062]

有人能聆聽你，與你同行，好重要，朋友！你有福了😃

[@ericsiu2007]

很欣賞Max的passion，dynamic的marketing strategy 同 retail sense。而且他做生意之如不忘社會責任，希望Max的生意愈做愈好，改變香港被大集團壟斷的生意模式。 支持小店。

[@imtallsowhat]

幾年前行行下無意中發現journalize, 買左本journal 來做記錄我 d solo travel experiences 佢地d文具真係好靚!! ❤ 係時候去入返d文具 😢

[@florencechan277]

Max, 在香港追夢真不容易， 為你年青日子追尋過， 深信你對自己， 對人， 對世界都有一番更深邃的体會。 是時候要照顧多些自己的身體和心靈， 去接近大自然， 去做運動， 去和太太拍拖， 減慢自己的腳步， 好好慢活一下！

[@edge8912020]

追夢係香港係好難實見，很欣賞他們努力去拼搏，路上一定會有人打擊或冷嘲熱諷，但夫妻同心最難得，十分佩服他們的努力❤ 呢個年代好少人拿起紙筆，希望藉着呢條片會更多人幫襯😊 還有祝福他們身體健康

[@gamblerlife8666]

好多所謂揾得多既都係行屍走過日子, 無咩特別, 人最緊要揾到可以發揮倒自己既地方.

[@ngosuetyu9659]

縱然生活很難，望望旁邊的支持，重新再得力！ 願身心健康！ 一切順利！加油！

[@erikokelly]

10:48 我都有買呢本筆記本呀, 紙質好好唔易透, 仲要香港製造, 絕對不輸MD 呀呢啲日牌. 其實我有Follow 香港某幾間文具店, 呢一間真係有好多獨家的產品!

[@TheAda464]

Max, 看到最後，知道你仍會經營落去，感動到⋯⋯哭了～請繼續加油，文簿具社，是另類的香港人心靈雞湯，亦是最美好的銅鑼灣景點，只要行過銅鑼灣，都一定會去支持你～期待你的新店（但舊店也是我的最愛），也期待你的網店！！！

[@yychan6928]

Max加油！香港租金高到離譜，我覺得做網店壓力小d，可能會開心d。祝你找到新方向！

[@sardonna1215]

好羨慕有夢想 又有勇氣追夢嘅人 希望你可以順順利利～

[@ngjacky2922]

喺2016年，我嗰陣時喺依間舖頭買過一本Travelers notebook 和一支墨水筆用到而家❤

[@user-ei3cp5nx9f]

當初呢間鋪頭揀呢個位根本係錯。我估上手揀呢個位租以為自中央圖書館好多文青或者有文化嘅人會成日去嘅地方，但係入去行吓就知一般都係畀啲長者去hea下或者學生溫書嘅地方，根本唔會有類似文青嘅人去。港島區應該揀返中環PMQ，貼近HKU或者灣仔附近舊區會更適合。

[@hhhh997]

咪咁，話人錯， 文具，本係小众市場，即， 好日不開市，客就要買， 就几遠都找你， 失敗？ Art shop 都咁難做，旺角果間，鞋 文具鋪， 打個提議， 叫 新鋪業主，聯絡一吓旁邊的，會否平d，租多間鋪比你，永遠，在港，賣服務係好過做實業，只係有客，你做 agent，賣出文化服務員才是打敗某地的正路

[@MrTommyckl]

按自己心意、喜好而行，第一，總算試過、做過，否則到死時真係後悔‼ 第二，已經盡咗力，有些地方確實唔係你控制到，所謂天時/ 地利/ 人和。 最難嗰開你已經經歷咗，好相信，嚟緊會係較順利和輕鬆 祝幸福快樂

[@BECC721]

每位創業嘅人都應該經歷過抑鬱，好得返就繼續，好唔返就放棄

[@billykool1]

Max 加油，冇錯，唔需要後悔任何嘢，每個人人生體驗都唔同，自己創業嘅努力同埋所得嘅經驗絕對唔會白費。

[@vvnvn8385]

not really! 你比會計師律師更快過上自己想過的生活，大家搵錢都係想咁姐，你比佢地行得快，唔係慢！鋪頭由虧轉盈更加係勁，祝你新鋪都客似雲來！

[@someernie6179]

Exactly 做會計師律師都好辛苦 只係人地唔講出口啫 自己做老闆成功感大好多

[@yanwong4823]

知道深水埗有間叫小島文具堂都開左好多年好有質素

[@somihuang]

有个无条件支持自己噶人系身边真系好重要。

[@kwankwan1587]

有抑鬱症試吓抽時間跑步，堅持跑吓跑吓身體同精神健康都會好轉我有朋友都係咁，加油

[@yukyili1186]

Max揾投資者，堅持下去，做生意和打工仔分別之處是人生經驗多十倍，加油

[@Gary-iz8re]

小朋友，做到自己想做既事唔系幸福系幸运，做自己唔想做既事都学识点样开心生活先叫幸福，我觉得你两样都有，加油

[@n0066996]

佢好好人，我幾年間都去了十次以上

[@noelchanx]

呢間係我以前學校附近嘅文具店，成日搭車經過，原來有一個咁勵志嘅故事。老闆加油！你已經做得好好 ！好好睇住身體同太太 spend time也很重要

[@cianwong3473]

祝願Max開的新店順利平安！身體健康！生意興隆！❤

[@lixiaojing9508]

謝謝介紹😊深水埗也有一家文具店小島堂，值得介紹

[@kawaiso4688]

點都好，保重身體，見你要睇醫生食藥果下其實好擔心。 Btw, 你賣既日本墨水筆好好寫 =)

[@carmelo7477]

24歲有勇氣同決心創業真係好犀利!! 加油!!

[@bidbus4597]

欣賞👍依個心態一定承受左好多壓力 加油

[@yl2319]

會嚟消費支持 加油Max!

[@baby93628]

Max 有個好好既老婆支持 👍🏻 😍

[@jasonwong9514]

好佩服港人生存意念，绝处逢生需要好大勇气和坚持。👍👏

[@tamamy5054]

Max你己好叻，好多人一定捱5住。加油呀！

[@vilolo8704]

可以有勇氣追夢又有支持，你都算是上天眷故，加油👏🏻

[@hikaru1619]

佩服你有實踐夢想既勇氣

[@simontsui115]

有錢去洩😂

[@1314crystalwish]

加油，移民之前你地間舖係我曾經嘅愛店嚟，希望搬舖再加網店可以令到你地搵到新嘅突破點～

[@disciple4023]

如果問我點解要行入呢個店,我覺得店面嘅佈置係比較重要咯,雖然滴嘢真系好多,但如果睇起身唔亂,就顯得店主要好有心思好落力,其實好多人都唔知自己想要買咩嘢噶,但人都系中意有滴設計滴嘢,而好多文具本身就系精細工藝品啦,我都已經可以感受到呢間小店嘅魅力啦,店主要加油啊

[@etsui9899]

我覺得做網站是不是比較沒有咁大壓力，你有自己的理想都不錯，一定支持😊

[@cocacola99]

個大勢係O2O ，無乜行業可以完全逃避，希望你可以繼續走下去，創出新嘅一頁，加油！

[@wingrassgrass]

祝MAX生活愉快, 順利, 希望你開左online shop,會支持, 你啲文具好靚好精緻, 等海外朋友都可以到,祝福你同太太幸福,健康

[@faichi4929]

現實歸現實, 今時今日係香港開實體文具店,仲要係銅鑼灣,真係死得, 時代已經唔同, 自求多福.

[@sanctuary-kb8pt]

5:49 其實佢賣d嘢咁靚咁獨特, 應該行高級格路線,例如穿套靚西裝,戴白手套, 簡單講係著到賣高級名錶咁款, d客至會好似朝聖咁入嚟買d幾百蚊枝筆 大家代入下, 見個老板著T 裇短褲咁街坊,都唔會谂入去買成千蚊枝筆 衰d講：形象同價格唔夾嘅話, 玩下手懷疑你d嘢平嘢扮貴嘢添

[@mimi-yan]

我最讚同後生有時間，如果周邊都許可的話，去試做自己想做的事。

[@sofiec2577]

Max 你已經比好多人勇敢, 努力過,搏盡無悔. 加油!

[@teenytinyT]

我超鍾意文具，以前仲會收藏。但出嚟做嘢之後就好少寫字啦，同埋大多數時間都係用D cheap原子筆因為多數jot down完D野就會掉或scan。我諗而家最多買D 靚筆用黎簽下名