Рет қаралды 101
МОЦАРЕЛЛА РЕЦЕПТІСІ
1. Моцареллаға арналған сүт сауылған соң 10-12 сағаттан кейін ғана жасалу керек, себебі 10 сағаттан соң Моцареллаға қажетті қышқыл бөлінеді.
2. 10 сағаттан соң сүттің температурасын 10-13°-қа келтіреміз.
3. 10-13° сүтке лимон қышқылын қосу қажет. 1 литр сүтке 1.5 г лимон қышқылы салынады. Мысалы, 5 литр сүтке 7 г. лимон қышқылын саламыз. Ол үшін лимон қышқылын 100 мл суға араластырып, сүтке құямыз. Сүтті араластырамыз
4. Сүтті 32°-қа дейін жылытамыз. 32-33° болып тұрғанда Фермент Пепсин Мейто саламыз. 5 секунд араластырамыз.
5. 20-40 минутқа жылы жерге бетін жауып қоямыз
6. 20-40 минуттан соң сүттің ақ массасы сары судан бөлініп, бетіне колье секілді қалқып тұрады. Сол ақ массаны пышақпен 5*5 см қылып квадраттарға бөліп шығамыз. Сұйықтықты 36-40°-қа дейін жылытамыз. 5-10 минуттан соң квадраттарды ортасынан бөліп, екі есе кіші квадраттар жасаймыз. Қиғашынан төрт жағынан кесеміз. Квадраттар ысылып, кішірею керек.
7. Бөлшектенген ақ массаны сары судан сүзіп, дуршлагқа саламыз.
8. Дуршлагта ақ масса 1.5 сағаттай суы ағып біткенше тұрады. Жарты сағат сайын ақ сырды аударып отырамыз. Ал мен көбіне 1 сағат күтпей, қолмен сығып суын ағызып аламын бірден.
9. Кейін бөлек суды немеме сары суды 60-70°-қа дейін қыздырып, сүзілген ақ сырды саламыз да, қолмен Суға бір батырып, бір шығарып, масса созылмалы болғанша қамыр илегендей созғылаймыз. Видеода көрсетілген. Соңында дөңгелектер жасап, мұздай суға саламыз. 1 литр мұздай суға 1-2 ас қасық тұз қосу керек.
10. 1-2 сағат моцарелла мұздай суда тұзы сіңгенше тұрады. Кейін бөлек контейнерге немесе салафанға салып тоңазытқышта сақтаймыз
11. Тоңазытқышта сақталу мерзімі 2 күн, мұздатқышта 1 аптаға дейін тұрады.