Рет қаралды 25,066
Mudofaa sanoati davlat qo‘mitasida Qo‘mita tashkil topganligining besh yilligi munosabati bilan bayram tadbiri tashkil etildi.
Tadbirda ijro apparati xodimlari, mudofaa sanoati kompleksi tarkibidagi korxonalarning ishchi-xizmatchilari hamda taklif etilgan mehmonlar ishtirok etdilar.
Tantanali tadbir avvalida Qo‘mita raisi Oybek Ismoilov tizimda faoliyat yuritayotgan barcha xodimlarga yo‘llangan bayram tabrigini o‘qib eshittirdi.
Qo‘mita tashkil etilganining besh yilligi munosabati bilan tizimda namunali mehnat qilayotgan xodimlardan bir guruhi Qo‘mita raisining maxsus buyrug‘i bilan munosib tarzda rag‘batlantirilib, Qo‘mita rahbariyati tomonidan taqdirlangan xodimlarga faxriy yorliq va qimmatbaho sovg‘alar tantanli vaziyatda topshirildi.
Bayram tadbiri davomida tizimda faoliyat olib borayotgan xodimlardan bir guruhi so‘zga chiqib, yig‘ilganlarni bayram bilan muborakbod etdilar hamda Qo‘mita tomonidan iqtisodiyotning harbiy sektorida amalga oshirilayotgan samarali islohotlar, mudofaa sanoati kompleksini bosqichma-bosqich rivojlantirish va takomillashtirish, sohada erishilayotgan yutuqlar va istiqboldagi vazifalar to‘g‘risida o‘z fikrlari bilan o‘rtoqlashdilar.
Tadbirning badiiy qismida respublikamizning taniqli xonandalari va estrada guruhi vakillari tomonidan ijro etilgan kuy-qo‘shiq va raqslar davraga o‘zgacha shukuh hamda joziba kiritib, ishtirokchilarga bayramona kayfiyat taqdim etdi.
Mudofaa sanoati davlat qo‘mitasi matbuot xizmati