Рет қаралды 29,940
യു.എസ്, യു.കെ, ഇസ്രഈൽ ബന്ധമുള്ള കപ്പലുകളെ ലക്ഷ്യമിട്ട് നാല് സൈനിക ഓപ്പറേഷനുകൾ നടത്തിയെന്ന വെളിപ്പെടുത്തലുമായി ഹൂത്തികൾ. ചെങ്കടൽ , അറേബ്യൻ, മെഡിറ്ററേനിയൻ കടലുകളിലും ഇന്ത്യൻ മഹാസമുദ്രത്തിലുമാണ് ഇസ്രഈലുമായി ബന്ധമുള്ള നാല് കപ്പലുകളെ ലക്ഷ്യമിട്ട് സൈനിക ഓപ്പറേഷനുകൾ നടത്തിയതെന്ന് ഹൂത്തികൾ പറഞ്ഞു. 'ആദ്യ ഓപ്പറേഷനിൽ ഇസ്രഈൽ കപ്പലായ എം.എസ്.സി യൂണിഫിക്കിനെ അറബിക്കടലിൽ വെച്ച് ഞങ്ങൾ ലക്ഷ്യം വെച്ചു. രണ്ടാം ഒപ്പേറഷനിൽ ചെങ്കടലിൽ ഒരു യു.എസ് ഓയിൽ ടാങ്കർ ഡെലോണിക്സും മൂന്നാം ഓപ്പറേഷനിൽ ഇന്ത്യൻ മഹാ സമുദ്രത്തിലെ യു.കെ ലാൻഡിങ് കപ്പൽ അൻവിൽ പോയന്റിനെ ലക്ഷ്യമാക്കി. നാലാമത്തെ ഓപ്പറേഷനിൽ മെഡിറ്ററേനിയൻ കടലിലെ ലക്കി സെയിലറുമായിരുന്നു ഞങ്ങൾ ലക്ഷ്യം വെച്ചത്,' യമനിലെ ഹൂത്തി നേതാവായ യഹ്യ സരിയ പറഞ്ഞു. ഇതാദ്യമായല്ല ഹൂത്തികൾ കപ്പലുകൾക്ക് നേരെ ആക്രമണങ്ങൾ നടത്തുന്നത്. ജൂൺ 26 ന് അറബിക്കടലിൽ ഇസ്രഈൽ കപ്പലിന് നേരെ മിസൈൽ ആക്രമണം നടത്തിയതിന്റെ ഉത്തരവാദിത്തം ഹൂത്തികൾ ഏറ്റെടുത്തിരുന്നു. ഗസയിൽ ഇസ്രഈൽ നടത്തിവരുന്ന ആക്രമങ്ങളിൽ പ്രതഷേധിച്ചാണ് കപ്പലുകൾക്ക് നേരെ ഹൂത്തികൾ ആക്രമണം ആരംഭിക്കുന്നത്.
#israel #houthi #houthiattack