نصيحة بلاش تتجوزوا !!

Рет қаралды 154

Күн бұрын

من كتاب لأ بطعم الفلامنكو
للدكتور محمد طة
*****
نصائح للمقبلين علي الزواج
#نصائح
#نصائح_هامة
#الزواج
#السعادة
#الاستقرار
ماتتجوزش لمجرد انك خلصت تعليم وجيش واشتغلت وان اوان الجواز بئا
لانك كدة بتعتبر الجواز مجرد قطعة دومينوز بتكمل بيها اللعبة وهتيجي ف يوم تزهق وتمل وتحب تغير الدور
ماتتجوزش لمجرد ان سنك كبر واغلبية صحابك واصدقائك اتجوزوا
لان الجواز علاقة انسانية مالهاش اي دعوة بالسن
ماتتجوزش لمجرد انك عاوز تطفي شهوة عندك
ماتتجوزش علشان ابوك وامك قالوا لك اتجوز او المجتمع بشكل عام قال لك اتجوز
انت كدة بتتجوز لحساب ابوك وامك ولحساب المجتمع مش لحساب نفسك
بالمناسبة مافيش حاجة اسمها اتجوز علشان تكمل نص دينك .
كمالة دينك هتيجي بعد الجواز نتيجة لحسن الاختيار وحسن المعاملة
لكنها ابدا مش مبرر للتسرع والاندفاع ويالابينا نتجوز
ماتتجوزش وانت عندك تحفظات اوملاحظات علي ال هتتجوزها
وتقول انا هغيرها بعد الجواز وتبدأ بعد كدة تضغط عليها وعلي اعصابها
يا تقبلها زي م هي بكل تفاصيلها يا بلاش تفصل الناس علي مقاسك
ماتتجوزش واحدة صغيرة وتقول انك هتربيها علي ايدك من كتر لفك ودورانك طبعا اكيد انت فاهمني
الجواز مش تبني ولا تربية ولا انك عاوز تحط نفسك في وضع امان بعد الصياعة واللف والدوران
فكك بئا من الجو ده
ماتتجوزش وانت شايف الست اقل منك وانقص منك وانها المفروض تركع لك وتؤدي ليك فروض الولاء والطاعة ليل نهار
للاسف ده مش بيجيب غير التسلط والافتراء وسوء المعاملة
وعلي فكرة كتير جدا من الستات احكم واحسن في التصرف من رجالتهم
ماتتجوزش لمجرد انك عاوز تجيب عيال قبل م تكبر
ماتتجوزش وانت في مخيلتك صور شهر يار ال قاعد علي ريش نعام وبيتفرج علي التلفزيون
ماتتجوزش لمجرد انك شوفت واحدة عجبك جسمها او شكلها وانها حلوه وخسارة تضيغ منك
وانتي كمان ماتتجوزيش
ماتتجوزيش لمجرد انك عاوزة تلبسي فستان الفرح
بصرف النظر عن الشخص ال هيكون واقف جنبك.
#الزواج
#الارتباط
#أساسيات_الحياة
الموسيقي
Music track: Careful by Pufino
Source: freetouse.com/...
Free Vlog Music Without Copyright
ماتتجوزيش لمجرد انك عاوزة تخرجي من بيت اهلك وتحسي بحريتك وتشمي نفسك
اختاري انتي رايحة فين ومع مين
ماتتجوزيش لمجرد انك معظم صحابك اتجوزوا وشكلك قدامهم ايه ونظراتهم ليكي عاملة ازاي
ماتتجوزيش لمجرد ان سنك كبر واهلك بدؤا يقلقوا وقطر الجواز بيفوت والكلام الفارغ ده
ماحدش ف دول هينفعك وانتي دمعتك علي خدك كل ليلة نتيجة سوء الاختيار
ماتتجوزيش واحد في حاجات مش عجباكي وتقولي انا هغيره بعد الجواز
لان ده كلام فارغ ومش هيحصل
ماتتجوزيش واحد تدوري فيه علي اب لان ده اكبر ظلم لنفسك ولجوزك وانتي كدة هتحمليه فوق طاقته
وهتطلبي منه حاجات مش بتاعته وهتلبسيه دور مش دورة ولما ما يقدرش يلعب هتطلعي عينه وعين ال خلفوه
ماتتجوزيش حد بيدور علي ام تتبناه مش زوجة تعيش معاه
ال عاوز خدامة يدور علي خدامة وال عاوز مربية يدور علي مربية وال عاوز شريكة حياة اهلا وسهلا بيه
***
بالمناسبة اقل من شريكة حياة ماينفعش
شريكة في القرارات وشريكة في المسؤليات
ف اعمال البيت وف تربية الاولاد وف كل شيء تقريبا
*****
لكل المتجوزين وال عاوزين يتجوزوا
الجواز علاقة انسانية بين اتنين قرروا يحيوا مش بس يعيشوا مع بعض
يكبروا مع بعض ويفرحوا مع بعض ويتألموا مع بعض
الجواز قرار محتاج وعي ومحتاج مسؤلية مش شروة وبيعه
ونكتشف بعض بعد م يتقفل علينا الباب
اتجوزا وقت م تحسوا ان دة الوقت المناسب بصرف النظر عن العمر
اتجوزوا وقت م تلاقوا الوقت المناسب
واتجوزوا انتوا ناويين تحترموا بعض وتساعدوا بعض
غير كدة ماتتجوزوش