Рет қаралды 31,669
ချက်ရတာ ရိုးရှင်းပြီး စားလို့လည်း ကောင်းတဲ့ နံရိုးမဆလာဆီပြန်ဟင်းလေးပါ။
အသားများတဲ့ ဝက်နံရိုး ၅၀ ကျပ်သားကို ဆား (လက်ဖက်ရည်ဇွန်း ၁ ဇွန်း) နနွင်း (လက်ဖက်ရည်ဇွန်း၁ ဇွန်း) အချိုမှုန့်စားရင် အနည်းငယ်ထည့်ပြီး နယ်ကာ မိနစ် ၃၀ လောက်နှပ်ထားပေးပါ။
ကြက်သွန်နီ ၃ လုံးနဲ့ ကြက်သွန်ဖြူ လက် ၁ ဆုပ်လောက်ကို ညက်နေအောင် ထောင်းထား သို့ ကြိတ်ထားပေးပါ။
ဒယ်အိုးထဲမှာ ဆီထည့်ပြီး ထောင်းထားတဲ့ ကြက်သွန်ဖြူနီ ကို ထည့်ပေးပါမယ်။ ဆီသတ်တာ ကြည်ပြီးမွှေးလာပြီဆိုမှ နနွင်းမှုန့်အနည်းငယ်.ငရုတ်သီးမှုန့် ၁ ဇွန်း (စားပွဲတင်ဇွန်း) ထည့်ပေးပါ။ ခဏ မွှေပေးပြီးသွားရင်
ဟင်းခတ်အမွှေးအကြိုင် အနေနဲ့ ငရုတ်သီးခြောက်။ ကရဝေးရွက်။ သစ်ကြပိုးခေါက် လက်တဆစ် လောက်ထည့်မယ်။ ခဏ လေး မွှေပေးပြီးရင် အရသာနှပ်ထားတဲ့ ၀က်နံရိုးတွေကိုထည့်ပါမယ်။ ၅ မိနစ်လောက် မီးအလယ်အလတ်နဲ့ မွှေပေးပြီးသွားရင် အသားတွေ မြှုပ်ရုံရေထည့်ပေးပါမယ်။ အဖုံးပိတ်ပြီး မီးအေးအေးနဲ့ မိနစ် ၄၀ လောက် ချက်ပေးပါ။
အသားတွေက နူးတဲ့အနေအထားရောက်ပြီဆိုရင် မီးအားပြင်းလိုက်ပြီး ရေခမ်းဆီပြန်လာတဲ့အထိ ချက်ပေးပါ။ ဆီပြန်ခါနီးမှ အသားမဆလာကို ထမင်းစားဇွန်း ၁ ဇွန်းလောက်ထည့်ပေးရင် မွှေးပြီးစားကောင်းတဲ့ ဝက်နံရိုးမဆလာဆီပြန်ဟင်းလေးကို သုံးဆောင်နိုင်ပြီဖြစ်ပါတယ်ခင်ဗျာ….