Рет қаралды 112,076
နေပြည်တော်အတွက် နောက်ကျောလုံစေမယ့် ခံစစ်စည်း
********************
ဇွန် ၁၄၊ ၂၀၂၄။
ကောင်းချစ်အောင်
စစ်ကောင်စီ ခေါင်းဆောင်ပိုင်းတွေ ရုံးစိုက်ရာ နေပြည်တော်ကို အနီးဆုံးခြိမ်းခြောက်နေတဲ့ ကရင်နီပြည်နယ်ဘက်ကို ပြန်လည်စိုးမိုးရေးအတွက် စစ်ကောင်စီဟာ ပြီးခဲ့တဲ့လပိုင်းကတည်းက စစ်ဆင်ရေးဆင်နွှဲနေပါတယ်။ အခုဆိုရင် အင်အား ၅၀၀ ဝန်းကျင်ရှိတဲ စစ်ကြောင်းဟာ လွိုင်ကော်မြို့ပေါ် ကိုရောက်ရှိလာပြီး တော်လှန်ရေးတပ်တွေ သိမ်းပိုက်ထားတဲ့ မိုးဗြဲမြို့နယ်ကို စစ်ကြောင်းထိုးနေပါတယ်။
တစ်ဘက်မှာလည်း မြန်မာပြည်ဗဟိုချက်လို့ ဆိုနိုင်တဲ့ မိတ္ထီလာလွင်ပြင်ဒေသမှာလည်း တော်လှန်ရေးအင်အားစုတွေ မစိမ့်ဝင်နိုင်အောင် ရှင်းလင်းရေးတွေ ဆောင်ရွက်ဖို့ လျှို့ဝှက်ညွှန်ကြားမှုတွေ ရှိနေပါတယ်။
နေပြည်တော်ကို နောက်ကျောလုံစေနိုင်ဖို့ မိတ္ထီလာလွင်ပြင်ဟာ စစ်ရေးဗျုဟာအရ အရေးကြီးဆုံး အခန်း ကဏ္ဍမှာ ပါဝင်နေပြီး စစ်ကောင်စီတပ်တွေဟာ ခေတ်အဆက်ဆက် ထုထည်ကြီးမားစွာ တည်ရှိနေပါတယ်။