Niyazi Bayramov. Gəncə "İmamzadə ziyarətgah" kompleksində şəhidlərin Anım günü

Bu kiçik videodakı şəxslər Gəncədə yaşayan şəhid analarıdır. Gəncədə İmamzadədə şəhidlərin xatirəsinə ehsan süfrəsi açılıb. Şəhid anaları qazilərə, müharibə veteranlarına, şəhid ailələrinə göstərilən diqqət və qayğıya görə ölkə rəhbərliyinə və Gəncə şəhər İcra Hakimiyyətinin başçısı Niyazi Bayramova öz minnətdarlıqlarını bildirirlər. Şəhid anaları Gəncə Şəhər İcra Hakimiyyətinin Başçısı Niyazi Bayramovun haqqında görün necə xoş sözlər deyirlər. Qayğı göstərilir ki, bu analar bunu deyir. Heç bir şəhid anası övladının qanı üzərindən yalan söyləməz. Bəli, həqiqət budur. Mən Gəncədə yaşayıram. Ziyalıyam, aliməm, elm adamıyam. Niyazi Bayramovun mənim müdafiəmə ehtiyacı da yoxdur. Amma gəlin vicdanımızı itirməyək, həqiqətləri yazmaq lazımdır. Niyazi Bayramov müsbət insani keyfiyyətlərə malik rəhbərdir. Bütün günü şəhərin müxtəlif məhəllələrində səyyar qəbullar keçirir. Vətəndaşların problemlərinin həllinə çalışır. Bu şəxs azsaylı icra başçılarındandır ki, şəhərdə mühafizəsiz gəzir. İstənilən vətəndaş yaxınlaşıb ona problemini deyə bilir. Mənim yaxın qohumum da şəhid olub. Mən onun timsalında görmüşəm ki, Niyazi müəllim qazilərə, müharibə veteranlarına, şəhid ailələrinə necə qayğı ilə yanaşır. Bir dəfə tədbir zamanı ona yaşlı qoca bir qadın yaxınlaşdı. Niyazi müəllim onun əlindən tutdu, yanında saxladı və çıxışını bitirən kimi həmin qadının problemlərini dinləyərək problemin həll olunması üçün elə yerindəcə lazımi adamlara tapşırıq verdi. Bu hadisə heç vaxt yadımdan çıxmır. Başçı belə olar. Amma elə başçı var ki, onun həndəvərinə belə yaxınlaşa bilməzsən. Niyazi müəllim heç bir sahibkara, heç bir mağazaya başqaları kimi haqq qoymayıb, sərbəstlik verib. Ölkə Prezidentinin bütün tapşırıqlarına çox ləyaqətlə əməl edir. Bütün Gəncə Niyazi müəllimi sevir və ona hörmətlə yanaşır. Niyazi müəllim Gəncədə işləyən yaxşı icra başçılarından biridir. Gəncə əhalisi bu adamdan çox razıdır. Allah dövlətçiliyimizə xidmət edən, yüksək insani keyfiyyətlərə malik Niyazi Bayramov kimi məmurlara cansağlığı versin.