“Nuk e kemi besuar që ai do vdesë”, Besnik Çinari rrëfen kujtimet më të bukura me Zef Dedën

Рет қаралды 3,090

Күн бұрын

#AldoMorningShow Emision mëngjesi nga #AldonLipe në #TvKlan.{
“Sot ka qenë dhe do të jetë një ditë e trishtë”
Me këto fjalë e ka nisur intervistën “Mjeshtri i Madh”, Besnik Çinari, në emisionin “Aldo Morning Show” në Tv Klan, për humbjen e mikut e tij më të mirë, aktorit të mirënjohur të humorit, Zef Deda.
Gjatë programit, ai shprehet se Deda “ka vdekur si burrat” e se ai e ka ditur që jetës së tij ishte duke i ardhur fundi.
Besnik Çinari: Ka qenë me shumë kurajë, është një shprehje “ka vdekur si burrat”. Ai e ka ditur që po vdes dhe kur vjen fundi e ka shprehur vetë që është hera e fundit që vini për të më parë. E çuditshme për ne shqiptarët, mirëpo kur e ke shok dhe kur e ke të dashur, njerëzit e familjes, kjo i ndodh çdo shqiptarit, nuk e beson edhe pse të thotë mjeku që “nuk dha jetë”, prapë ai familjari nuk e beson. Edhe ne nuk e kemi besuar që ai po vdes.
Aldo: Ju vërtet, ju vajtët e takuat, bëtë biseda normale si të ishte një ditë e zakonshme?
Besnik Çinari: Po mendjen e ka pasur top, mendjen e ka pasur qiqër dhe prapë vazhdonte, si me thënë, si çdo njeri me pasur ëndrra. Megjithëse thoshte që nuk jam mirë, se ka ditë edhe ka qenë problem, hall me dit gjuhë, hall mos me dit, ai ka ditur edhe gjuhë dhe i ka njohur ilaçet dhe e ka ditur çfarë ilaçesh po pinë. E ka ditur që nuk ka jetë më.
Më pas, aktori ndalet në një kujtim që e ka ruajtur thellë në memorie me Zef Dedën. Shoqëria e tyre është ngjizur nga pasioni për aktrimin dhe humorin, por edhe momentet e tyre më të bukura kanë qenë po të tilla.
Besnik Çinari: Më kujtohet një, ishim me shfaqjen “Bushat” të Shkodrës, një repart ushtarak atje. Atëherë ka qenë një fukarallëk i madh. Unë me Zefin aty duke ngrënë kos. Futet Tano Banushi, Zefi gjithmonë shoqërisht kupton, i ka ardhur hakut Tanos, me humor, me kështu gjërash.
Edhe i thotë: “Hajde Tano, se ke dhe një kos të paarritshëm. Një e ke meravilje kos, një kos fenomenal, një kos fantazia, një kos fantastik”.
I thotë Tanoja nja dy fshatarëve që ishin aty “a i njihni këta të dy”, për mua dhe Zefin. “Nuk ka djem më të trash në teatër të “Migjenit” se këta të dy. I thonë kosit i paarritshëm, fenomenal, por kur i thua kosit fenomenal, çfarë do i thuash bakllavasë?”
E ndër të gjitha, “Mjeshtri i Madh” shprehet se Zef Deda ka qenë shumë i dashur, sidomos me fëmijët.
Besnik Çinari: Unë e kam pasur shok të ngushtë, ne kemi shkuar, kemi ardhur familjarisht. A i ka qenë shumë i dashur edhe me fëmijët. Për shembull, fëmijët e fëmije të mi, ai sa herë i ka parë rrugës, s’ka pasur mundësi mos me i falur dyqind lekë pesëqind lekë. Boll zemra, e bën shpirti, nuk ka rëndësi vlera. /tvklan.al
SUBSCRIBE to “RTV KLAN” on KZbin for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog...