Рет қаралды 3,137,143
Falënderimet dhe nderimet i takojnë, Zotit të Gjithmbarshëm dhe të Plotfuqishëm, Atij që çdo gjëje i jep shkas, shpirt dhe orientim. Përshëndetjet tona i shkojnë Muhammedit paqja dhe bekimet qofshin mbi të, mbi familjen e tij, dhe mbi të gjithë ata zemra që besimit që gjallojnë për Vërtetën e ndritshme!
Të nderuar miq!
Për sa i përket tekstit metaforik dhe kuptimlartë i shkruar nga albanologu shqiptar, njëkohësisht edhe interpretuesi i ilahijeve Fidush Aliu, përgjithësisht, ky tekst i ngjason një karvani këshillash gjysma e përcjellur me fjalë dhe këndim e gjysma tjetër me pamje.
Fillimisht, Shpendi i përmendur brenda këtij këndimi ngërthen në vete një seri virtytesh dhe cilësi të larta morale si p.sh.:
Të jesh paqësor, i buzëqeshur, i këndshëm, i vyeshëm, i sjellshëm, të shpërndash dashuri, të dhurosh lule, të mos urresh etj.
E më këshillprurëse është ajo që na paraqitet me këtë personalitet të bukur në video, një njeri i shurdhër dhe që nuk flet.
I nevojshëm për vetveten, për familjen, për shoqërin, si dhe i nevojshëm për botën në përgjithësi!
I Dërguari ynë i dashur, Muhamedi, lavdërimi dhe paqja Allahut qoftë mbi të, na urdhëron për buzëqeshje duke thënë: “Buzëqeshja jote e drejtuar në fytyrën e vëllait tënd është sadakë.” Kjo është një nxitje nga Profeti i Allahut për të gjithë njerëzit që të mësojnë “artin e buzëqeshjes” si dhe të përhapin lumturinë dhe gëzimin ndërmjet tyre në mënyrë që të jetojnë një jetë më të bukur.
Kush thellohet në biografinë e Profetit, do të gjejë se jeta e tij ka qenë e mbushur me optimizëm, buzëqeshje dhe gëzim për mëshirën e Allahut. Ai nuk zemërohej për ndonjë çështje të kësaj bote, nuk mërzitej për ndonjë gjë në këtë botë kalimtare, nuk ishte i ashpër ose dashamirës i hakmarrjes, por ka qenë tolerant, i durueshëm, ua donte të gjithë njerëzve të mirën.
Kërkojmë ndjesë për lëshimet e bëra, Zoti ynë na bëftë paqësor, të dashur dhe mos na bëft çrregullues dhe krijesa që shpërndajnë urrejte ndërvllazërore...
Faleminderit!