Рет қаралды 305
Ėy göŋül şol mey ki dėrler bâde-i tevhîd aŋa
Ne anı Cem gördi mâlik oldı ne Cemşîd aŋa
Dest-i sâkîden şu kim nûş eyledi ol bâdeyi
Hızrveş oldı müyesser devlet-i câvîd aŋa
Uymayınca ehl-i ‘ışka olmaz îmânuŋ dürüst
Ėy mukallid ėdemezsin vâz gel taklîd aŋa
Ol mehüŋ hüsnini gördi yüz sürüp ayağına
Dėdi el arkası yėrde pençe-i hurşîd aŋa
Ölse ėtmezdi VUSÛLÎ dehr-i dûna ser-fürû
Şöyle istiğnâ vėrüpdür ‘âlem-i tecrîd aŋa
''İnsan Kainatın Kalbidir''