Oʻzsanoatqurilishbank tomonidan “Aziya metall prof” korxonasiga press tur tashkil etildi.

Bugun tom yopgich ustalar ham, panjarayu zina yasovchi hunarmandlar ham, jimjimador darvozayu eshik ishlab chiqarib, oʻnlab odamlarni ish bilan taʼminlab kelayotgan katta-kichik tadbirkorlar ham “Aziya Metall Prof” nomini yaxshi bilishadi.
Chunki oʻzining hamyonbopligi va sifati bilan allaqachon metall buyumlar ishlab chiqaruvchilar oʻrtasida ishonch qozongan ushbu korxona bugun eksport geografiyasini ham kengaytirmoqda.
Qisqa davr ichida qurilish materiallari sanoatida oʻzining mustahkam oʻrniga ega boʻlgan “Aziya Metall Prof” korxonasi faoliyati Oʻzsanoatqurilishbank tomonidan Samarqand viloyatiga tashkil etilgan press-turning navbatdagi obyekti boʻldi.