Pa T Pauson Suunna Leh Vuina Programme

Рет қаралды 323

Күн бұрын

PAUSON TOMBING TANCHIN TOMKIM
(19th June, 1982 - 8th November, 2024)
Pauson Tombing, 19th June, 1982 in Singngat khua ah Pa (L) T. Nengthang leh Nu Ningdouning te nupa kal a Ta 7 na dingin Singngat khua ah piang hi. Nu leh Pa leh Ute hawmthoh leh duat mahmah in hong khangkhia a, siamsinna Singngat Hill Model High School a pan in 1997 tan kaia, New Lamka St. Paul's Institute ah Class X kum 2000 in zoukhia hi. Huan, BA (General) Rayburn College apan in zou khia in Chennai a sepna neukhat nei in kum 10 vel na khosa hi. Insung lam a poimohna a letluat man inkuan un Lamka hong kik in Inpi a nu leh pa toh kihon in Mualkawi ah khosa uhi.
Azi Mrs. Ngainemkim D/o Pa L. Kamlian toh December 30, 2007 in kiteng ua, Pathian apan goutan piak a omte:
1. Thangmuanding Tombing
2. Hoihthianbiak
3. Donkhannem
4. Nianglun
A tuailai hun in saptuam a kizat theihna ama hihtheih natan in kizang a, la lunglut mi ahih ziakmah in lapawl leh lam tuamtuam a kizat theihnate ah panmun tuamtuam len hi.
A Pianpih Sanggamte:
1. Mrs. Niangzadon W/o L. Thangkhanlal
2. (L) Mr. Khamzalam Tombing
3. Ginlianthang Tombing H/o Chingzalam
4. Thangzamuan Tombing H/o Esther Ching
5. Douthanlun Tombing H/o (L) Manngaihlian
6. (L) Ngaizamoi
7. (L) Pauson Tombing (i suun uh)
8. Mrs. Vungliankim W/o G. Khenmang
Kum 2018 lak vel a pan in sinna leh sunglam hoihlou thuah in tamveitak Doctor naih a, hong halhkhiak deuh chiang in tanau leh sanggam te inn vehkual in Unau leh tanau te kal kinaisaktu in pang hi. Mi awlmoh na haumi, lawm polhsiam leh ngaihhuai ahih banah, mi kiphaltak ahi. Khalam toh kisai in lungmuan huai mahmah ahi. A Pason (Upa Velson) in Pathian thu a houlimpihna tawlngalou a a neihpihna tungtawn in khamuanna kichian mu hi. Kum 2018 apan kumteng a damlouhna a neih hong puangkhe zel in 2024 kum bul apan in hong uang deuhdeuh a damdawi inn te ah ki enkol in lut mun mahmah a, November 2024 khabul pan in hong uang diak hi. Hun bangtan hiam Lamka Damdawi Inn a ki etkol nung, amah mah in Inn a lunggulh ziak in innlum a kikem ding in kal khat nung in Damdawi Inn ki potsan hi. Hong halh zodueh a theih a lungnop kipiak laitak in, November ni 8, zinglam in hong buaisia in a hinna mihing hihtheihna a hotkhiak zoh hitalou nitaklam dak 1:57 in amuan Toupa kiang hon zotsan hi.