Рет қаралды 13,695
အရှေ့မြောက်တိုင်းစစ်ဌာနချုပ်ကို ဦးတည်လာတဲ့ ၁၀၂၇ ဒုတိယလှိုင်း
-ဇင်နွေ /People's Spring
စစ်ကောင်စီရဲ့ အရှေ့မြောက်ပိုင်းတိုင်းစစ်ဌာနချုပ်(ရမခ) အခြေစိုက်ရာလားရှိုးမြို့ကိုကိုးကန့်တပ်မတော်( MNDAA) ဦးဆောင်တဲ့ တိုင်းရင်းသား မဟာမိတ်တပ်ပေါင်းစုက ထိုးစစ်ဆင် တိုက်ခိုက်ခဲ့တဲ့ အကြောင်းကို ဒီတစ်ပါတ်မှာ ပြောပြပါမယ်။
လွန်ခဲ့တဲ့ လအနည်းငယ်ကတည်းက ရမခ အခြေစိုက်တဲ့ လားရှိုးကို တိုင်းရင်းသားတပ်ပေါင်းစုတွေက တိုက်ခိုက်ဖို့ ပြင်ဆင်နေတဲ့ သတင်းတွေ ထွက်ပေါ်နေသလို စစ်ကောင်စီကလည်း လားရှိုးကို စစ်အင်အားဖြည့်တာ၊ လားရှိုးမြို့အဝင်လမ်းတွေ ဖြတ်တောက်တာတွေ ဆက်တိုက်လုပ်ခဲ့ပါတယ် ။ ဇန်နဝါရီလ တုန်းက ၁၀၂၇ စစ်ဆင်ရေးနဲ့ ညီနောင်မဟာသုံးဖော်က ရမခ ကို ထိုးစစ်ဆင်သိမ်းပိုက်တာမလုပ်ဖို့ စစ်ကောင်စီက တရုတ်အကူအညီနဲ့ ရပ်တန့်နိုင်ခဲ့ပေမယ့် ဒီတစ်ကြိမ်မှာတော့ မလုပ်နိုင်တော့ပါဘူး ။
၁၀၂၇ စစ်ဆင်ရေးအပိုင်း (၂ )ကို ဇွန်လ ၂၅ရက် မနက်အစောမှာ တအာင်းတပ်မတော်(TNLA)နဲ့ မဟာမိတ်တပ်တွေက ကျောက်မဲ၊ နောင်ချို၊ မိုးမိတ်၊ မိုးကုတ် မြို့နယ်တွေက စစ်ကောင်စီတပ်စခန်းတွေ တစ်ချိန်တည်းထိုးစစ်ဆင်တိုက်ခိုက်ခဲ့ပါတယ် ။ စစ်ဆင်ရေးဟာပိုမိုကျယ်ပြန့်လာပြီး ကိုးကန့်တပ်မတော်(MNDAA) ဦးဆောင်တဲ့ မဟာမိတ်တပ်တွေကလည်း အများမျှော်လင့်ထားသလို ဇူလိုင် ၃ရက်မှာ လားရှိုးမြို့က စစ်ကောင်စီတပ်စခန်းတွေကို စတင် ထိုးစစ်ဆင်ခဲ့တာပါ။
လားရှိုးမြို့နယ်က စစ်တပ်စခန်းတွေကို ထိုးစစ်မဆင်မီ ရက်ပိုင်းအလို ဇွန်လ ၂၉ရက်မှာ လားရှိုး မြို့နယ် နမ့်ဟူးဒေသမှာ စစ်ကောင်စီနဲ့ MNDAA တို့ နာရီ အနည်းငယ်ကြာ တိုက်ပွဲဖြစ်ခဲ့ပါတယ်။ အဲဒီ တိုက်ပွဲဖြစ်ပွားမှုဟာ စစ်ကောင်စီတပ်က MNDAAတပ်စခန်းကို စတင်ထိုးစစ်ဆင်တိုက်ခိုက်လာတာဖြစ်တယ်လို့ MNDAAက ထုတ်ပြန်ခဲ့ပါတယ် ။ အာဏာသိမ်း စစ်ကောင်စီဟာ အပစ်ရပ်စဲရေးတောင်းဆိုချက်တွေကို လျစ်လျူရှုထားတာကြောင့် ရှမ်းမြောက်ဒေသမှာ တိုက်ပွဲများ ပိုမိုပြင်းထန်လာနိုင်ကြောင်း ကြိုတင်အသိပေးပါတယ် ။
#ludunwayoo #လူထုနွေဦး #NewsUpdate
𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 - / @peoplespring
𝗙𝗮𝗰𝗲𝗯𝗼𝗼𝗸 - / ludunwayoo
𝗪𝗲𝗯𝘀𝗶𝘁𝗲 - www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 - / ludunwayoo
𝗧𝗲𝗹𝗲𝗴𝗿𝗮𝗺 - t.me/peoplespring