Рет қаралды 1,277
Қыркүйектің 25-і мен қазанның 30-ы аралығында Алматы қаласында PFL Junior атты күзгі чемпионат өз мәресіне жетті. Бұл бәйгеге жас өрендер үш жас мөлшері бойынша сынға түсті. 7-9 жасқа дейінгі балалар арасындағы бәсекеде "Атлетик" командасы 18 ұпаймен чемпион атанды. Олар финалдық кезеңде №99 мектеп құрамасын тізерлеткен еді. Нәтижесінде, турнирлік кестені өзара бөлісті. Қос тараптың ұпай сандары бірдей, бірақ жеке кездесулердегі жеңістер саны бойынша жеңімпаз анықталды.
Ал, 11-12 жасқа дейінгі жас мөлшерінде "Достар" командасы алдына жан салмады. Ұйымдастырушылар тарапынан бірнеше номинациялар бойынша қатысушыларға сыйлықтар табысталып, үздік ойыншылар да анықталды. Турнирдің "үздік сұрмергені" болып 8 ойында 22 гол соққан Алдияр Ержанов танылды.
Сондай ақ, 2007-2008 жылдары дүниеге келген жасөспірімдер арасында да додалар өтті. 2 айға жуық уақытқа созылған бұл турнирге Алматының 12 үздік ұжымдары қатысып, чемпионның есімін анықтады. Нәтижесінде, "Арыстан" командасы оза шауып, бас жүлдені қанжығаларына жазды. Аталған команда сапында өнер көрсететін Яковлев Вадим 11 матчта 22 гол соғып, мергендігімен танылды.