Рет қаралды 2,281
“Қалбатау” асыл тұқымды мал зауыты. Абай облысы Жарма ауданы, Жарық ауылында орналасқан . Қазақтың ақбас тұқымын асылдандыру және өсірумен айналысады.
Қазақтың ақбас сиыры - сиырдың етті тұқымы. Қазақ және қалмақсиырларын герефорд бұқасымен будандастыру арқылы 1932 - 50 ж. Қазақстан мен Ресейде шығарылған.
Бұл тұқым республиканың далалы және шөлейт аудандарының табиғи жағдайына бейімделген. Түсі қызыл, басы, құйрығының ұшы, әукесі, бауыры мен сирағы ақ болады. Етті малға тән белгілері өте айқын, тез жетіледі. Кеудесі кең, етті, аяқтары қысқа, берік келеді.
Өткен ғасырдың сексенінші жылдары «Қалбатау» шаруа қожалығының «Пани 132» сиыры 1036 келі, «Бруска 258» бұқасы 1400 келі болды. Бұл жетістіктер қазақтың ақбас тұқымының зор мүмкіндігін көрсетеді.