Рет қаралды 1,081
Lajme arkiva 2006
Agim Çeku kryeministri i ri i Kosovës është një ish-komandant i UÇK-së. Me një karrierë ushtarake mbi vetë që në kohën e ish-Jugosllavisë Çeku do të shndërrohej në një nga drejtuesit kryesor të Ushtrisë Çlirimtare të Kosovës ndërsa konflikti i viteve '90 do ta kthente në një prej figurave më të preferuara për kosovarët. 46-vjeçari u largua nga radhët e ushtrisë jugosllave për të luftuar serbët në Kroaci përpara se të niste përpjekjet për organizim in e luftëtarëve kosovar dhe shndërrimin e tyre në një forcë efektive.
Çeku ka një histori të gjatë bashkëpunimi të ngushtë me Shtetet e Bashkuara të Amerikës. Në fakt caktimi i tij në majin e ‘99 si shef i shtabit të Ushtrisë Çlirimtare të Kosovës duke zëvendësuar kështu Sulejman Selinin u konsiderua atëherë gjerësisht pjesë e riorganizimit të lidershipit të UÇK-së për një mbështetje më të madhe të strategjisë amerikane në rajon.
Ndryshimet në qeverinë kosovare erdhën më pak se dy javë nga mbajtja e bisedimeve dypalëshe në Vjenë dhe mbi statusin e ardhshëm të Kosovës. Analisti i BBC për Ballkanin Gabriel Partosh thotë se Çeku është shumë popullor në radhët e shqiptarëve dhe shihet prej shumicës së tyre si një lider dinamik çka i mungonte nga ana tjetër Kosumit të dorëhequr.
Përcaktimi i gjeneralit 46 vjeçar rrezikon te frenojë angazhimin e Serbisë në procesin e negociatave të statusit. Në fakt emërimi i njeriut që ai e konsideron përgjegjës për krime lufte ndaj serbëve gjatë konfliktit të Kosovës ka qenë një goditje e fortë për Beogradin e shqetësuar nga sinjalet e forta të komunitetit ndërkombëtarë të cilat nuk lejnë të kuptohet gjë tjetër përveç faktit se Serbia po e humbet Kosovën./tvklan.al
Gazetare: Mimoza Koçiu
SUBSCRIBE to “RTV KLAN” on KZbin for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow rtvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog...