Рет қаралды 349
"As ouers weet ons dat ons kinders se tienerjare seker ons laaste kans is om inspraak te hê in hulle lewens en besluite. Ons weet ook dat daar nie 'n handboek is wat ons leer hoe om met ons tieners te werk nie."
As deel van ProjekVRIEND loods DF Malan 'n geleentheid vir ouers om bemagtig te word en 'n diep, waardevolle impak op hulle tieners se lewens te hê.
Daar is twee geleenthede waarby DF-ouers betrokke kan raak:
1) Vir Graad 8-leerders en hulle ouers is daar die ‘Op Reis’-program, wat 27 Februarie 2022 afskop.
2) Vir Graad 9 tot 12-leerders word die OOP-kop Ouerskap-program aangebied. Dit skop aan die einde van die tweede kwartaal af. Verdere inligting sal nog verskaf word.
As jy meer wil weet: skandeer die QR-kode aan die einde van die video of besoek die skool se webtuiste onder "DF Gee Om".