🍺傾吓古惑仔電影系列 ｜HEY! Chill 1 Chill｜一齊回味｜細節位逐個睇｜不解的情節？｜陳浩南太傻豬？｜戲痴HeyChill

🎊各位新年快樂！
🧧牛年最緊要繼續身體健康！平安快樂👊🏻
放假又係時候煲吓戲做吓戲痴啦🥳
希望同大家回味一吓整個古惑仔系列
深度分享我哋對6集嘅好壞觀感、
角色分析、細節位etcccc
大家都可以去Netflix煲翻哂1~5集啊～
希望大家喜歡！
📮HeyChill電影金句節錄+電影資訊:
Instagram: heychillhk
Facebook: heychillhk
💋課金支持HeyChill:
payme.hsbc/heychillhk
------(我是分隔線)------
《🗡古惑仔之人在江湖 Young and Dangerous》
導演: 劉偉強
監製: 文雋
編劇: 文雋
故事: 瑞新, 牛佬
《🗡古惑仔2之猛龍過江 Young and Dangerous 2》
導演: 劉偉強
監製: 文雋
編劇: 文雋
統籌: 牛佬
《🗡古惑仔3之隻手遮天 Young and Dangerous 3》
導演: 劉偉強
監製: 文雋
編劇: 文雋
故事: 瑞新, 牛佬
《🗡97古惑仔：戰無不勝 Young and Dangerous 4》
導演: 劉偉強
監製: 文雋
編劇: 文雋
《🗡98古惑仔：龍爭虎鬥 Young and Dangerous V》
導演: 劉偉強
監製: 文雋, 牛佬, 廖鳳平
編劇: 文雋, 秋婷
《🗡勝者為王 Born to Be King》
導演: 劉偉強
監製: 文雋, 牛佬, 廖鳳平
編劇: 文雋
#古惑仔 #廣東話影評 #影評 #歌詞意思 #歌詞分析 #廣東歌 #電視劇 #香港電影 #香港音樂 #HKPOP #戲痴heychill

[@j62093]

古惑仔1同5之間其實只係相差兩年，所以陳浩南個老態係透過造型同對白演技等刻意營造出黎，好正

[@user-qs8yh1iy2v]

所以真實既伊健睇落係後生過陳浩南🤣

[@silentrevolver4600]

最鍾意就係大飛要刮陳浩南，係橋度撞到應一應，跟住大飛撩住鼻屎同班𡃁講我地繼續去搵𡃁仔南。英雄本色風采四射。

[@CaloriesPapa]

其實古惑仔系列東南亞好出名，但好少人講，可能好多人有潔癖，好欣賞你哋熱誠。我都認同第三集最精采，導演可能是攝影出身對鏡頭捕捉特別敏感，好多場口都有香港電影獨有嘅電影感。屋村劈友、啟德機場殺細細粒，已經係絕跡。多謝你哋做得非常之好；繼續努力！

[@Sicksickdog]

因為在處理屍體的過程中會「打包」，即是將屍體加上防腐劑之後，再白色麻布包裹著屍體，包得緊緊的以免屍體接觸空氣和水氣。 這個形象和廣東人曬鹹魚的過程差不多：曬鹹魚前用鹽醃好魚類再掛在露天曬乾，當魚類曬乾風乾之後，再用乾的白紙包裹鹹魚魚身，也會包得緊緊的來減少魚身和空氣水氣接觸。 這兩個形象相近的東西，被廣東人將屍體稱作「鹹魚」了

[@heychillhk]

係嘅長知識了🙈🙈

[@SungHinTse]

@@heychillhk 如果唔知道鹹魚係指死屍，咁即係你之前一直唔明白周星馳金句“做人如果冇夢想，同條鹹魚有咩分別呀”嘅意思

[@user-uz2oq99]

牙材 多謝你的講解及補充。😊

[@piedaising0112]

細細粒真係好靚❤️ 笑得好甜

[@user-io2sp1ik5t]

@kp kp 不是黎姿嗎

[@ThisIsLabeL]

依然高汁分析 細個睇果陣都冇睇到咁多小細節！ 大b哥,烏鴉無限翻生呢個位我第一次睇真係勁出戲 R晒頭😂

[@hildatsang6795]

因為覺得入型入格好睇好多觀眾中意睇烏鴉多過主角咪翻多一次囉

[@MCKT08]

古惑仔漫畫作者講過，因為張耀揚做烏鴉太出色，所以漫畫先再出左一個叫耀揚既角色

[@Anik_i]

原來如此

[@krungburinam]

豈止呀，伊健小春都有份寫入去呀

[@marjorietang6245]

呢個真係港產史上一大經典 我最鍾意第三輯 你哋條分析片咁長好開心 未睇先like 初三晚無嘢做慢慢睇 版主們新年快樂❤️❤️

[@heychillhk]

新年快樂！❤️🧧2021祝福繼續平安健康快樂！

[@dragonhebehaven2036]

選舉那一幕的對白:「你仲惡過共產黨！」

[@pwc3717]

大陸肯定cut啦。。

[@user-kx3oc6xp6x]

當時香港還沒被大陸拿走，台詞可以開放

[@pakson29]

​@@user-kx3oc6xp6x❤❤❤

[@pakson29]

😊

[@user-kg5cw1zz2k]

第一集龍頭大會靚坤都講過呢句！

[@user-vz7vd7qh3i]

細細粒到而家都好正😘😘😘😘😘

[@yoshikiryan]

正,有段咁正既片講番兒時回憶,真係好開心 即刻LIKE左加訂閱,加油!

[@nik_2024_w]

3:08我話事係風火海唱個喎 4:05因為申請唔到係街拍攝,所以香港街景大場面/打交戲都只可以快閃式拍一次,劉偉強先用呢個手法 7:15因第六集係只買左人物版權黎拍(只要鄭伊健叫陳浩南.陳小春叫山雞,就要比版權華納)，當年嘉禾賣左1－5（3除外,傳聞有員工出錯令到無賣）同古惑仔版權比華納,所以除左3同6外，其他古惑仔集數一直無出過藍光碟，netflix可能因中英文名都同古惑仔無關聯,唔覺勝者為王係第六集,加上當年好唔收得,所以無買 11:17劉偉強想佢演繹到係心目中最吸引男人既台妹 23:28正常都唔會覺得有人敢做個龍頭啦，龍頭有咩hi親都成個字頭打你，陳浩南如果咁樣就驚，點做高層，再講好多華人龍頭都唔會出國個陣帶成村人塝住，佢咁拍好現實，呢點係你唔熟多過陳浩南蠢 26:19唔同字頭唔等如講野唔會信，因龍頭條女出黎講，證據直接，加上同字頭都可以唔妥陳浩南，係呢個時侯煮死佢唔出奇 30:23個時觀眾收貨既標準點可以同宜家比，2－5集都係純粹商業向，宜家睇番我都覺結局太簡單 41:00唔講佢最柒個句風神腿既? 43:34其實當個角色成長到管理層，已經好難再寫落去，零江湖味

[@anonymous.9896]

不過我話事，我哋一定聽起肥媽版 🤣

[@yantinlong]

烏鴉做到一種一見到佢就驚既感覺, 有小小似dark knight既joker feel

[@TheDirectorWong]

見到佢就覺得討厭，但佢討厭得黎亦有趣⋯⋯

[@nbachung]

耀揚哥演得入型入格

[@hildatsang6795]

@@TheDirectorWong 見到佢唔係討厭係驚就真，出嚟個氣勢咁惡咁.......又高大又大隻......

[@sk9091]

直頭係古惑仔入面既JOKER

[@duckduck121]

如果2024仲可以有第七集古惑仔就真係非常開心❤❤❤

[@anonymous.9896]

其實《古惑仔少年激鬥篇》係古惑仔一部好巔峰嘅作品。 故事線好寫實好貼地，好有時代味道，97前後大量中產移民，黑社滲入校園，操控屋邨裝修，殖民地主權移交，64事件等等社會問題都放咗入劇本，超有時代脈搏，雖然睇戲，但每個橋段都好似係身邊發生緊，觀眾好有代入感。 而霆鋒演浩南，最初覺得佢太細個，加上當年對佢印象差，以為衰硬，點知演技超出色，前半段有自己風格，但到佢老母死咗之後，眼神，神態，動作都有明顯改變，變到同古惑仔系列嘅鄭依健超似，呢個係導演功力。 霆鋒演到少年陳浩南，而非壯年陳浩南嘅翻版。 再加上呢篇補篇好多系列中嘅盲點，例如點解浩南深愛細細粒都會同舒琪一齊，點解浩南咁忠於大佬B，佢同大頭仔嘅關係等等... 如果認真啲去睇就會知，呢套絕對係整部古惑仔系列中嘅最出色之一。 如果因為角色轉咗人而忽略其他戲劇要素，証明你仲睇緊演員，而唔係睇緊部戲。講電影，始終導演先係靈魂！

[@hildatsang6795]

講寫實不如睇「學校風雲好過」......

[@heychillhk]

為免各位再留言問隻錶，我哋係呢到留個言一次過回啦！ 有關錶嗰部份，我哋係知道第二集山雞係有當到隻錶， 但之後應該贖翻，所以才可成就第一集最後山雞將錶拋到浩南手上， 在以上片中我哋只直接講個結果（真係冇當「走」到隻錶） 而冇講清楚個過程（真係曾經有當過） 係會引起大家誤會嘅，所以係呢到講翻清楚先！ 另外，糾正翻《我話事》係風火海唱嘅 唔係鄭伊健主唱嘅，我哋比Google呃咗😵 多謝觀眾提點翻！ 好多謝各位資料提供補充，其實HeyChill就係最想做到呢個效果 大家發表大家意見＋交流，就係呢個channel的其中一個目的呀！ Enjoy and Chill~

[@kenchan7494]

條女唔得，睇到一半就無睇，邱淑貞係需要去演一個咁嘅角色，和服女唔係港女，關佢現實中咩事？你唔慣姐都唔洗同人拗？嘥觀眾時間，好唔明乜你連鹹魚都唔明係咩黎？直頭9唔答8咁滯，換人啦

[@heychillhk]

ken chan 演和服女同講嘢陰聲細氣好似係兩回事😂同埋唔好意思呢度冇得換人/換走條女，只能換走你自己啦🤤

[@kenchan7494]

戲痴HeyChill 咁同佢現實中份人都係兩回事？好明顯個戲中角色係需要陰聲細氣啲，佢自己無知卻硬係要雞蛋裡面挑竃頭，唔換人都無所謂，反正我已經無興趣睇

[@raymond901kkable]

@@kenchan7494 首先呢樣野冇對錯 純欣賞角色設計係一個角度 包括埋觀眾對演員同角色既違和感都係一個角度 唔同影評適合唔同觀眾，佢講既，其實都會係某一群觀眾既看法

[@user-ow2ib6hz9u]

87…… 第三集點解陳浩南在荷蘭見到烏鴉佢哋覺得唔會有嘢 係因為最有道義嘅駱駝以東星龍頭身份代表烏鴉笑面虎兩條靚親自打電話向蔣天生道歉再叫在荷蘭起家嘅烏鴉同笑面虎兩條靚去荷蘭幫蔣天生做導遊地主之言陪罪呀， 駱駝親自打電話向蔣天生道歉再罰兩條靚去荷蘭幫蔣天生做導遊陪罪呢段在陳浩南同烏鴉在酒吧嘈完之後在蔣天生寫字樓有講㗎， 陳浩南先至會在荷蘭機場放心呀 唔係因為唔醒目呀 換走條女啦 影衰男子漢的觀音兵

[@skylarho789]

第4集南哥開車差撞到李嘉欣，嚇到佢漏口，所以勾起左南哥既注意（諗起細細粒）

[@CharlChau86]

我個人覺得第三集陳浩南要接小小粒來一起住是因為陳浩南需要人照顧同時也方便保護小小粒。

[@MrChithei]

阿肥佬黎 今鋪我就撐你啦

[@CS89478]

我反而覺得烏鴉監生畀火燒死已經夠，第一集坤畀差佬一槍打瓜先真正便宜咗佢。

[@whereaspa]

鄭伊健伊麵當年扮的陳浩南真可說是現象級的文化符號呢

[@barryjohnlcs9829]

漫画里也有一个叫伊健的角色。不过听说郑伊健其实对于这部制作以及里面的一系列角色感到很反感。

[@everfreeeeee]

絕對同意 李嘉欣 嘅出現超級勉強... 仲記得當年我喺戲院睇呢齣戲 , 播道李嘉欣 嘅除衫嗰下 , 全世界wah一聲， 話有冇搞錯! 會唔會夾硬嚟咗啲。。。🤣

[@mikechan4689]

為做而做

[@hoiwangkwan8088]

side story 係唔錯, 仲有2000年既啊 係勝者為王前出的 一開波交代左淑芬去日本學日文, 同山雞分左手 山雞係單身呢個設定都幾好, 可以繼續用風流 唏噓 浪子呢個FEEL去講佢個故事 佢同淑芬一齊既話, 就會有D 從良既感覺~~~~

[@yc4529]

的確頭三集係最好睇，就算我重溫都係頭三集。

[@user-kx3oc6xp6x]

喜歡古惑仔的臺灣朋友給個讚❤

[@raymondyeung2791]

想當年90 年代的日子，都算開心嘅！只是個人的感受 ！

[@youngw9270]

其實在謝霆鋒演的古惑仔裡面也是8964事件貫穿整部電影 勝者為王也是關於台灣政治和兩岸話題 古惑仔系列其實也說明了黑幫和政治是魚和水的關係

[@anonymous.9896]

我哋對呢啲話題比較敏感，但新香港人對呢啲事件就已經無乜感覺

[@user-yf5xp3pv7o]

古惑仔後期變左旅遊特輯

[@joe3223]

烏鴉個髮型到今時今日都潮!

[@sk9091]

undercut

[@dannierooney112]

𡃁坤：B仔，你仲惡過×××😂😂

[@ngfai9506]

最好睇係第一同第三集，睇得出鄭伊健在去到第四集開始已經唔想拍呢類型嘅片，好明顯佢冇咗頭三集演陳浩南時嘅光茫，後期幾集演得帶點保留

[@user-jk5es5wr5f]

我覺得係因為嗰陣陳浩南已經攰了 失去太多人 仲要連一生最愛嘅細細粒都因為幫派鬥爭而犧牲 佢到後期都話已經唔想做渣fit人

[@yanmingxu8]

阿叔演牧師都好撚正

[@astina88]

我成個農暦年係Netflix 睇晒5集古惑仔

[@roychan2989]

我覺得1，3集最好睇。

[@ipkinhung888]

好多謝你哋咁有心機同咁詳細嘅電影分析, 繼續努力

[@emeraldj7212]

講返第3集 我諗導演有意描繪烏鴉係幾咁處心積累，不擇手段咁對付陳浩南 所以就俾陳浩南演繹上表現得相對比較無機心 大安旨意嘅感覺 咁嚟到俾烏鴉嗰種邪惡可以順暢地滲透入去成套戲入面 仲起到帶動整套戲嘅脈絡嘅力量 同埋就正正因為陳浩南喺呢集入面 仲未失去細細粒前嘅呢種無機心同輕漫 就成就左佢喺之後集數開始變得沉著同機智 咁就印証左佢嘅成長 亦同時帶俾觀眾一份共鳴 而當其時 細細粒雖然係失憶 但基本上全世界都知佢係浩南嫂 如果烏鴉對付得陳浩南 陳浩南就算搵唔搵細細粒一齊都好 邏輯上細細粒都會係高危 走唔甩 所以寧願一齊

[@emeraldj7212]

第6集入面陳浩南嘅感情戲一邊 的確係收尾收得幾靚嘅 亦都成功表達到人係必須move on 否則唔單止會沉溺過去 而且仲連原來擁有嘅人同事 都有可能失去 結尾meiling 離開陳浩南 就正係一個完美嘅message 順帶一提係 meiling 同陳浩南嘅感情線有一個好細緻又微妙嘅位 就係喺第5集尾嗰時meiling有表示過 佢之所以揀陳浩南 係因為陳浩南好似佢嘅前度 到第六集時 meiling見過端木若愚 亦知道左陳浩南背住自己搵佢 所以meiling知道呢段感情已經係到左緣盡嘅timing 於是用一句「有時分手都係一種浪漫」離開陳浩南 成為佢地故事嘅句號 值得一讚係 舒淇喺戲入面嘅高超演技 特別係佢喺臨離開陳浩南之前嘅一幕 舒淇好入戲地用「哭笑」嘅方式 成功咁演活meiling當刻嘅內心同emotion 相信好記性嘅觀眾都留意到

[@nbachung]

洪興十三妹好好睇...好深刻舒琪演出..演技very good..當年拎女配角實至名歸🥳

[@heychillhk]

呢個認同 佢一出場個時真係覺得佢好滄桑

[@anonymous.9896]

其實舒琪演得好好，轉變太快係剪接問題，但演技喺古惑仔入面真係一流，完全演活到角色嗰種性格，同細細粒一樣係蒲女但又演到不同性格。稍一不慎，會變咗細細粒翻版

[@nbachung]

@@anonymous.9896 舒琪殺佢條負心漢果場..播彭羚夜風鈴..真係夾到極

[@FuckXiJinping]

24:16 I like how no one cares in the back how they’re trying to kill someone with a shotgun, and even theres a cop there 😂

[@Chan-ff3kl]

其實第五集黎講何勇都做得唔錯，黃子揚做到奸角個種濕鳩事，但又唔會搶到佢阿大鄭浩南司徒浩南嘅風頭。不過講真古惑仔真係得第一集同第三集夠味道，第四集都叫摱車邊，之後已經搞唔掂。

[@Tenkelvin]

最印象係無啦啦up 句，風神腿🙄

[@user-he7yd2xg6z]

古惑仔電影出咗六集, 根本好難好似陰陽路系列, 長寫長有, 但發覺古惑仔每集嗰個編劇, 似勸人唔好入黑社會, 仲要描寫黑社會成員結局非常悲慘, 往往會累及親朋戚友, 似一個反面教材

[@yenchow3965]

頂唔順舒淇，巴聲加嗎潤腸嘴🤦‍♀️

[@meiyitam4194]

點解第四集KiKi角色要易角呢！係因為第四集升咗上三級，鑑於譚小環係香港小姐冠軍身份唔適合，當年TVB唔放人，最終要易角，就係咁!

[@Prado2889]

邱淑貞的配音原因: 丁瑤的角色設定是雷公的情婦. 雷公是社團大老又係台灣國會議員正所謂黑同白都有頭又有Face. 雷公的情婦,她的格局不可能是細細粒果隻大癲大肺又不是美玲果隻敢愛敢恨. 所以發音語氣一定是非常音柔.加上一出場一身和服,就已經lebel佐佢係日系熟女格局. 我都好同意角色重復出現係系列電影的敗筆. (大B哥=笑面虎; 大天二=Micheal; 張耀揚; 最離譜係 朱永棠 (死而不僵))

[@samwongyt]

今日再返睇古惑仔1，先至留意到第一集配細細粒把聲好熟，聽真啲，原來係林珊珊 細細粒個大佬飛鴻，把聲係劉丹

[@user-jn2tv5sy8p]

你唔講我真係唔知.

[@manlau9907]

97古惑仔戰無不勝係1997年復活節三月尾嗰陣公映， 當時正式嚟講都算係英治時期， 套戲都有調侃返97年頭真實特首選舉嘅流程。 98古惑仔龍爭虎鬥系賀歲片， 因為要配合返新正頭所以刀光劍影係明顯少咗好多， 洪興十三妹就係跟住嘅賀歲第二檔。 秦沛係冇參演過賭神， 佢只有係賭聖出現過，賭神嗰個陳金城係由已經過咗身嘅鮑漢琳飾演。 第1集鄭伊健同陳小春反面嗌交嗰場， 就係喺澳門一個叫爛鬼樓嘅地方取景依家仲喺度㗎。 第三站用電話襲擊人嗰度， 其實係根據當時黃毓民有單牽涉嘅官司改編。 頭三集係半年內拍完即係上映， 所以拍得好快好趕好急， 早前古惑仔主創人文雋接受過訪問關於呢個系列: kzbin.info/www/bejne/sHasn3-Yr92UgLs

[@stink]

陳浩南同欣欣嗰場「床上戲」，估計係想對應返原著漫畫入面，一個叫釆妮嘅角色。沿着裏面，彩妮呢個角色就係類似嘅情況之下「餵」左自己俾陳浩南，然後仲有買陳浩南嘅骨肉……（漫畫嘅結局篇，就係由陳浩南個仔開始揭開最後一章）。相信如果仲有得拍落去，好有可能會向住呢個方向發展⋯

[@yesaton]

還有一部『友情歲月之山雞故事』 這個side stroy很莫名 但也可以看一看唷 是陳小春 梁詠琪 演的 所以山雞除了 丁瑤 淑芬 中間還有差個梁詠琪這角色才是到日本老婆 😂😂

[@samhui900]

太經典！以前睇完日日幻想自己係古惑仔👍🏻

[@goodthing1188]

我看完就直到这条路不好走 所以从来不打架

[@duckduck121]

您哋講得非常好 多謝晒您哋 現今2024已經係不同世界 真係好令人富有感獨🙏🙏🙏

[@kelvincheng33kk]

漫畫版陳浩南在拍劇當年仍是一個有情有義的角色，只是近幾年才變質，不能拿來比較。而且球場的一場爆樽戲，主要係交待陳浩南係被逼加入黑社會

[@leochen6695]

古惑仔正是我當年個年代，每一套我都係戲院睇晒（曝露年齡系列）當時同d fd睇完出左戲院真係會不期然個個係度撻火機扮浩南哥😂

[@elsac4433]

1 of the Hong Kong very usual scene. Always kidnap scene, bad people always request the money to put in dustbin. In movie and drama also.

[@Samantha19871]

心想事成 第一幕 叮噹 畀阿靚坤蝦 鄭中基 及時講道 救咗谷德昭

[@nbachung]

古惑仔電影系列..戲痴HeyChill 你地講得好詳細..完全唔feel悶...長d冇問題😂

[@Fat.fato.o]

長氣片好ok ar !😄

[@anonymous.9896]

女主持係咪00後？香港人叫死人做咸魚係本土特色喎，同埋身為80後的我，一啲都唔覺係舊香港😂😂😂 BTW，其實電影唔係每個位都講邏輯，否則就會無晒觀賞價值。好多情節係要營造氣氛，突顯角色性格，絕對比劇情邏輯重要，係戲劇元素。

[@homechoicehk]

正。把聲好正 用乜嘢咪😽

[@heychillhk]

今次用Zoom H6呀～

[@wah866sky7]

如果排次序 : 我比較喜歡 312645

[@duomaxwell7229]

丁瑤的聲音就是標準的台灣社會的女生的說話 輕輕的嗲嗲的 至於欣欣這個腳色在漫畫裡面就是采妮...所以覺得還好 而且陳浩南其實每一個階段身邊都有一個女人 後面幾集會覺得比較沒起伏純粹是因為當老大之後就不會天天打打殺殺而且劇情也開始希望能由黑轉白

[@vwwlau]

好少咁長嘅片一口氣睇哂，正！

[@leealex3692]

有時真係好怕呢啲所謂電影分析片, 雖然的確好多大級作品有好多心思,但相信大部分嘅所謂分析,連原導演都莫名奇妙. 如果你真要分析嘅話, 唔可以單係戲本身幾十分鐘嘅影像, 仲要知道戲嘅製作背景,否則隨時貽笑大方 當時只係王晶拍大量低成本電影嘅其中一個PROJECT而已, 因而俾劉偉強一個機會, 所以BUDGET同時間都非常少 1)殘影打鬥並唔係刻意減少暴力嘅風格, 而係偷雞嘅方法, 因為可以省卻動作設計同拍攝嘅時間同難度, 而所謂唔想拍得咁暴力,其實都係成本考慮. 迫真都要錢同時間嘅 2)所謂舊香港,因為嗰時真係舊香港嘛 3) 暗巷光暗好BASIC咋喎 4) 以前一年係拍三百套,唔係百幾套 本來想再打落去, 但你哋講嘅大部分都係好基本嘅嘢,冇心情再同你哋糾結.......

[@terrybogard7825]

想聽師兄再講多d

[@kaying219]

講得好好

[@heychillhk]

Wowow! Kaying駕到~~多謝❤️😙

[@user-zg7cd3vk7x]

耀楊投長紅.糸致敬我在黑社會的日子

[@j62093]

唔知有冇人發現第三集入面”東星”原本其實跟返漫畫叫”東英”, 但上畫時所有東英嘅位就另外加插配音改返做東星。hey chill可否查一下呢個不解之謎？haha

[@samwongyt]

因為N年前有個真實社團真係叫「東英」，過唔到電檢

[@kevinho1263]

係因為一開始講錯咗,後來可能剪接關系,所以之後一路會講東星,某D訪問已經講過原因

[@j62093]

Kevin Ho 講錯係指講左做東”星”?

[@kamwailee2128]

正，我都覺得第三集系最正！張耀揚將烏鴉ga角色完全演繹到出來。 第三集系可以比外國人睇，都唔會覺得系失禮...我都覺得烏鴉死得太容易 第四集如果你住屯門會好有共鳴。 第五集，其實秦沛以前都演好多奸角，例如劉華套 新哥傳奇，其實佢可以做到好奸，可能拍的TBB 多，做慣好人。

[@fukoola6385]

漫畫版既陳浩南似返個現實既人，有血有汗有陰暗一面

[@samwongyt]

拿督一角係影射當年佳寧案嘅陳松青

[@anonymous.9896]

秦沛不復當年雷樂傳演顏同

[@nbachung]

古惑仔4.5.6...已經爛爛地...😂

[@user-uz2sk9yl5g]

張耀揚(烏鴉) 帥！！ 不管他重生幾次都帥都愛！！

[@user-jf2ft9vk2d]

你也是姓張

[@anonymous.9896]

耀揚真係超搶戲

[@moniquelai5601]

好適合做大佬，不過看佢做情深戲，去看白玫瑰張曼玉這套。

[@cracklover3133]

古惑仔系列創造左好多機會 又大飛 又十三妹🤣 不過我唔記得左旺角揸fit人（𡃁坤）既角色係咪同古惑仔入面係同一人

[@AsukaWong]

漫畫中的陳浩南是殺伐果斷的人，因為他曾經有一剎那的猶疑導致情同手足的細杰慘死

[@user-oz3qg8kv5z]

第四集或者有少少無聊，但是製作水平和內涵最好的一部。

[@leoja9413]

蠱惑仔第一集，大部份演員都做得非常出色，尤其是一班綠葉配角，靚坤、巴閉、細細粒、長樂飛鴻、大佬B、蔣天生、陳耀、重炮牧師、傻強、基哥，各自有鮮明性格，演員都做得入型入格。 而鄭伊健飾演的陳浩南，更加有型有款，將忠義、有勇有謀、冷靜有膽識的灣仔之虎演得活靈活現，魅力十足。 另外，有些細節又不得不讚編劇和導演的功力：例如在澳門，追殺浩南的打手，見到司警的時候，竟然叫『差佬』而不是叫『司警』，突顯了那班是靚坤由香港帶去的人馬，而不是澳門喪標的跎地蠱惑仔。 然而，因為導演、編劇的失誤，加上一班新雋演員沒有如之前讚揚過的資深演員那樣強化角色的經驗，浩南的好兄弟的演出很令人失望： 1) 大天二的漫畫出場定格，不是說他『衝動』、『擅打拳』嗎？為何收到風知道山雞個新女友是官涌大佬威爺的女兒時，要表現得那麼驚青？要驚青的話，為何不是由『懦弱、怕事』的包皮通風報訊？ 2) 又是官涌威爺見女婿那段，威爺又只帶一名手下，又未吹雞曬馬，又無帶傢撐，山雞作為本片2號男主角，為何裏裏外外都表現得那麼驚青？山雞作為陳浩南最得力的助手，作為黑幫洪興社的新雋紅人之一，浩南見洪興龍頭蔣天生只帶他一人陪同，但是他就連一些英雄風範都無，一見威爺就收皮、驚青、胡言亂語。蠱惑仔不是應該蠱蠱惑惑，為了面子要想盡方法死充、撐到盡嗎？一點大將之風都無。最小，都要好似雷洛傳那樣，就算雷洛被高層打壓，調到鄉郊無權無勢無心機，見到身為江湖大佬的未來岳父，都要表現得不卑不亢，臨危不亂，這才叫做有大將之風。更何況，見威爺的時候，浩南跟他的兄弟都已經是洪興當時最出位的人馬，為何山雞還要驚青？不是說『講打交，洪興未驚過』嗎？大佬B還盛讚他們：『跟左我十幾年，做嘢無問題喎。』威爺，就算洪興仔不失禮，但你有這樣的女婿，怎會不失禮？山雞的表現，完全失禮了整個洪興！ 3) 山雞吃了蔣天生想吃的那塊西瓜的一幕，簡直顯示了大佬B及浩南無家教，山雞做人做事無分寸、無大無細、不懂尊師重道。就算要反映蔣天生有器量，作為有勇有謀、有膽識又機智的當紅蠱惑仔，怎可以尷尷尬尬的無言以對？只識得傻笑的山雞，跟白痴仔無異。 4) 還是山雞。整套戲裏面，除了殺巴閉、打西貢大傻和報復靚坤那三幕型小小之外，都反映了他成事不足敗事有餘的特質。殺巴閉前在升降機的那一幕，反映了他無聊當有趣的口吻。到升降機壞了就立即不知所措，白痴至極。到澳門辦事時，又只記得玩女而缺席。玩女中途有人拍門就以為是公安查房，驚到第一時間逃走，白痴一名。知道大家出事，不幫忙想辦法應對，只識得為了一個自己毫不在乎的女仔被人搞而跟兄弟反睦。逃跑去台灣時，又無計劃無打算。他除了好運，逃到台灣不知名的發蹟之外，就是一個無膽、無料、無腦、無大無細、輕重不分、自私自利的廢柴。這樣的人物設定，扮『懦弱、怕事』的包皮還可以，浩南與這樣的廢柴做好兄弟，找他做得力助手，難怪浩南要被靚坤暗算。 5) 再說性格『衝動』的大天二，設定他是『擅打拳』，坐船去澳門辦事時又只記著刷獎券。全班兄弟在澳門準備坐車辦事之前，又忙著談電話。澳門辦事那段，浩南要不停地鬧自己的兄弟。在澳門貨車中伏時，除了浩南之外，連性格『衝動』、『擅打拳』的大天二都驚惶失措。我只覺得，導演塑造的浩南兄弟，全部都和山雞一樣，都是成事不足的廢柴，欺善怕惡、貪威識食、遇事慌亂，真的演活了現實中蠱惑仔的仆街無賴特質，充滿教育意義。有這樣出色的兄弟，跟了大佬B十幾年，去到澳門才出事，浩南真是一夫擋千的無雙大英雄。 6) 靚坤爭做黑幫龍頭的一幕，稱聲性格『衝動』的大天二，竟然乖乖地坐在一旁，任靚坤奚落自己阿公和大佬浩南。反而『懦弱、怕事』的包皮，竟然第一個衝出來和靚坤理論。嘩，真的充滿戲劇性。 7) 片頭漫畫形容巢皮冷靜、有責任心？那幕表現到他的冷靜和責任心？去澳門幫阿公辦事時，又是其中一個只掛著玩，要被浩南痛斥的廢青。

[@kevinskchan96]

長啲都唔緊要啦, 最緊要係講到你哋想講嘅嘢啫

[@colinng6865]

有內容就唔怕長，Thank you

[@MrShermanboi]

一至四都係回歸前。好好睇

[@MrShermanboi]

但唔知點解第四集陳浩南啲頭髮長得好突兀

[@manlau9907]

@@MrShermanboi 因為留咁長要拍風雲， 風雲係九七年四五月開拍。 kzbin.info/www/bejne/sHasn3-Yr92UgLs

[@ewww2238]

希望你地可以講多d星爺嘅戲🙏

[@holamwong]

錶嗰part 第二集有講山雞喺台灣有當咗隻錶 係之後贖返 同埋第四集山雞選屯門揸fit人時 山雞嬲陳浩南冇喺蔣天養面前撐佢 之後陳浩南喺同志吧買咗對Rolex Daytona 送咗隻黑面俾佢 白面自己戴 結尾時仲好型咁碰錶

[@user-fx4iw4ic1l]

仲有「山雞故事之友情歲月」 都有補完返早期嘅故仔

[@kcalb3180]

仲有, 每一集都唔係原汁原味的電影版, 因爲我每一集都有入戲院睇, 所以我可以好肯定每一集都有好多鏡頭DVD版係完全冇既....

[@kim27438915]

睇到一定要提細粒粒笑左🤣

[@michaelkong4586]

Wish they have young and dangerous on netflix in america.....

[@foonchan6880]

其實第5集陳浩南同反黑組大sir既戲份係幾有趣。特別係茶樓個場戲，反映依位大sir係幾公道。

[@tzekitding1110]

當時點解譚小環要辭演KK就係因為戰無不勝裡面一幕強姦戲 佢覺得會影響形象所以先轉左張文慈去做 加上慾望之城係唔列入古惑仔系列 因為佢除左用十三妹嘅角色之外就無任何關係

[@charleskclam]

最近subscribe, 好好睇～完全唔介意片長 d 呀

[@jasperlnt]

接近50分鐘睇哂,你嬴! CLSS

[@ivanchan2330]

係晒 唔係哂 係贏 唔係嬴 有無讀書㗎

[@Siumings]

較快1.25聽得舒服啲

[@marjorietang6245]

頭先留言話今晚無嘢做慢慢睇，啱啱睇完。細個真係就咁睇劇情，無留意咁多details，因為呢條片先知原來手錶、火機、鳥聲全部有意象。 角色翻生呢樣嘢，頭嗰次睇真係人都癲，我仲以為笑面虎真係大佬B，心諗點解依家咁衰嘅？！可能一開始拍第1輯都無expect過會有6集咁多，所以演員係咁重用，但最離譜真係KK！😵😵你話大佬B/笑面虎、烏鴉/耀揚、大天二/Michael⋯⋯起碼都叫角色名唔同，但KK係兩個人飾演同一個角色，真心好荒謬😂 個人最鍾意第三輯，細細粒嘅死亦係港產片上我最鍾意嘅場口之一，仲要佢話佢終於都記得返啲嘢喇，點知個結局都係要咁殘忍，hurt到我唔係好敢翻睇，連唱K唱到《甘心替代你》睇到個MV都會sad。😢 亦基於呢段真係好帶到觀眾入戲，所以之後搵邊個女演員嚟同陳浩南pair up都好，正如阿絲所講，都唔會接受到。即使我覺得李嘉欣好靚，個角色又好似好純、默默付出咁，心入面都會藐，心諗：「行開啦，唔好姣陳浩南呀，佢係同細細粒㗎！」唔需要為加而加啲女角落去囉，因為細細粒真係無可替代。 仲有謝霆鋒嗰套，基本上都唔係好啦更，但我細個好鍾意謝霆鋒，屋企有呢套戲嘅VCD！好記得套戲係謝霆鋒出道第一套戲，佢拍同埋上畫嗰時未夠18歲，但套戲係三級片，佢接受記者訪問嗰時話，自己拍完都無得入場睇。（記得呢件事好無聊） 其實我個人係覺得出咁長嘅片無問題，只要鍾意呢個系列就自然想睇多啲長啲，但如果係本身對套戲無興趣，當然就未必會睇啦。 知你哋上字幕上得好辛苦，發現唔少錯字，但都情有可原，辛苦晒你哋喇！第一次留咁長嘅言，因為唔想成日淨係叫你哋下套講咩戲、下首講咩歌，我諗你哋做咗條片出嚟應該都會想睇下觀眾有咩feedback㗎嘛。😛 古惑仔真係好紅好經典，喺亞洲知名度勁過好多大片，就算幾年前同台灣人傾計，佢哋都會以為銅鑼灣好多黑社會😂😂😂同埋好多台灣人到依家都係叫黃秋生做大飛哥！ 仲有，你片尾話佢哋成日強調香港係法治社會，我反而覺得，越唔守法啲人，越鍾意攞呢樣嘢嚟大人（只限於對自己有利嘅情況）。香港呢兩年最講「嚴正執法」、「犯法就係犯法」嘅人，往往先係最破壞法治，摧毀晒成個司法系統嗰班人。 （未睇過啲side story，想睇洪興十三妹好耐，搵日睇返先。）

[@winnielam1968]

洪興十三妹好好睇！

[@heychillhk]

正！好詳盡嘅回應！多謝你～好鍾意你最後講法治個段，你講完之後，我開始越嚟越覺得劇本真係好人性化，有趣

[@joecheung2113]

鹹🐟魚=死☠️屍, 有啲old-school;但係好正!!🤪

[@engelsyip]

不嬲咁叫架啦

[@anonymous.9896]

@@engelsyip 我們老了

[@royfung2283]

搞錯呀，死屍=咸魚都唔知

[@Typerex187]

I hope you guys watch chickens side story "those were the days"

[@boyyan2862]

第5集最寫實 冇話下拎槍拎刀 咁誇張

[@manlau9907]

98古惑仔龍爭虎鬥係賀歲片嚟嘅， 所以相對冇咁多刀光血影。

[@sk9091]

第三集最正

[@hildatsang6795]

因為有演得入型入格嘅烏鴉

[@jasonchanhk1]

第六集正式嚟講唔係叫古惑仔，因為當年發生咗秀茂坪燒屍案，犯人直指參考古惑仔漫畫，社區組織強烈抗議之下電影改咗名，並聲稱係最後一集。但最後都拍咗羅仲謙果一集新古惑仔。

[@hongkonger7227]

記得中一放學去爸爸鋪頭拎零用錢睇 好有回憶

[@MrSamsonSo]

正呀，長片都睇哂

[@hinbasketball]

0:25 喂！何君堯！

[@German8964]

童年回憶啊啊啊啊！！！！～我本人最中意第三集同第四集

[@user-he7yd2xg6z]

第一集山雞臨尾開槍射殺𡃁坤手下, 過份脫離現實, 喺香港點可以隨街開槍, 仲殺人, 但山鷄都可以無比差人拉

[@siukchan7183]

side story 黎講最好睇係十三妹 佢個套最連結到主系列 又可以多D 講下十三妹既事跡 同韓賓既係兄弟亦係鬥氣冤家 呢套通常會跟番時間序咁睇 即係3集之後 4集之前 個人覺得睇 1 >2 > 3 >十三妹 > 4 > 友情歲月 咁睇已經好好

[@anonymous.9896]

十三妹同少年古惑仔都超正，其他就麻麻了。 山雞友情歲月仲睇到好鬼尷尬🙈唔知搞乜