Рет қаралды 1,516
13-may kuni Qozog'iston Oliy sudi mamlakatning sobiq iqtisod vaziri 44 yoshli Quvandiq Bishimbayevni 31 yoshli rafiqasi Saltanat Nukenovaning o'limida aybdor deb topib, qotillik jinoyati uchun 24 yillik qamoqqa hukm qildi. Mart oyida boshlangan sud jarayonlari ilk bor jonli efirda berib borildi, millionlab qozog'istonliklar, MDH davlatlari va xorijdagi fuqarolar sud ishini onlayn kuzatib bordi. Qotillik 9-noyabr kuni Bishimbayevning qarindoshiga tegishli bo'lgan Ostona shahridagi restoranda amalga oshirilgan. Jinoyatni yashirishda aybdor deb topilgan Bishimbayevning qarindoshi Baxitjan Bayjanov ham to'rt yilga ozodlik mahrum qilingan. Aybdorlarga apellatsiya uchun 15 kunlik muxlat berilgan. Bishimbayev 2017-yilga qadar Qozog'istonning ilk prezidenti Nursultan Nazarboyevning yordamchisi bo'lgan. 2018-yil martida korrupsiya ishida aybdor deb topilib, 10 yilga qamalgan. 2019-yil shartli ravishda muddatidan oldin qamoqdan ozod etilgan edi.