Рет қаралды 30,248
Quannu ti guardu - Zingari Felici
Testo di Emanuele Grispino
Quannu ti guardu si stringi lu cori
E li bellizzi tua sannu parrari
Raccontanu la storia di s'amuri
E notti e jornu mi fannu ‘nsonnari
Ti vitti e persi tuttu lu riggettu
E la mia menti cchiù non trova paci
Iu ti vulissa stringiri a stu pettu
Pi t'addurmiri dintra li me baci
Ti vitti stari a lumi di lumera
Di na finestra ‘nta la notti scura
Gigliu di rosa natu a primavera
Regina si di tutta la natura
Ed iu da terra ti vogliu cogliri
E finu a ‘ncielu ti vogliu purtari
Vogliu campari di li tua suspiri
E po muriri dintra li to mani