Рет қаралды 150
#किल्ल्याचा प्रकार : गिरीदुर्ग डोंगररांग: अजंठा
जिल्हा : छत्रपती संभाजीनगर श्रेणी : सोपी
छत्रपती संभाजीनगर - देवगिरी रस्त्यावर, छत्रपती संभाजीनगर शहरापासून १६ किमी अंतरावर अजिंठा डोंगर रांगेपासून वेगळा झालेला एक छोटा डोंगर आहे. आजूबाजूच्या सपाट परीसरामुळे हा डोंगर उठून दिसतो. या डोंगरावर कातळात कोरलेला सुंदर किल्ला आहे, तोच भांगसी गड. या किल्ल्यावरील कातळात कोरून काढलेल्या भूयारात असलेल्या भांगसाई देवी मंदिरामुळे छत्रपती संभाजी नगर परिसरातील लोक या गडाला "भांगसाई गड" या नावाने ओळखतात. भांगसाई देवी ट्रस्टने भूयारी मंदिरावर नविन मंदिर व गडावर जाण्यासाठी पायर्या बांधल्यामुळे गडावर छत्रपती संभाजी नगर परिसरातील लोकांचा वावर वाढलेला आहे. परंतू छत्रपती संभाजीनगरला येणार्या पर्यटकांना मात्र या किल्ल्याची फारशी माहिती नाही.
भांगसीमाता गड, छत्रपती संभाजी नगर- देवगिरी रस्त्यावर आहे. देवगिरी किल्ला पुरातत्व खात्याच्या ताब्यात असल्याने सकाळी ७.०० वाजल्यानंतर त्याचे दरवाजे उघडतात. त्यामुळे छत्रपती संभाजी नगर हून सकाळी ६.०० वाजता निघून प्रथम भांगसी गड पहावा. तो पहाण्यासाठी साधारणपणे १ तास लागतो.