Рет қаралды 57
Нэһилиэкпит Эр дьонун,
күүстээх санаалаах, кэтит көҕүстээх,
дуулаҕа дьулуурдаах, киэн туттар Боотурдарбытын
Аҕа дойдуну Көмүскээччилэр күннэринэн эҕэрдэлиибит!
Бүгүн олунньу 23 күнүгэр ыытыллыбыт,
”ЭР КИҺИ ЭРГИЧЧИ ЭРИЭККЭС" диэн,түөлбэлэринэн күөс күрэскэ көхтөөх кыттыыны ылбыт күүстээх аҥардарбытыгар, түөлбэбит салайааччыларыгар махтанабыт. Күрэхтэһээччилэрбит араас боппуруостарга эппиэттээн, бултка сылдьыбыт мүччүргэннээх сырыыларын кэпсээн, укдуобалаан, сыал ытан, сүүрэн, салаат астаан, ыллаан-туойын күрэхтэстилэр. Эр киһи аҕыс кырыылаах диэн мээнэҕэ эппэттэр, биһиги күрэхтэһээччилэрбит аҕыс моһолу ааһан кыайыы биэтэгэр тиийдилэр. Күрэх түмүгүнэн 1 миэстэ "Хомус" түөлбэ, салайааччы Анна Кимовна Баишева. 2 миэстэ "Аргыс" түөлбэ, салайааччы Сардаана Семеновна Сазонова. 3 миэстэ "Ытык Көлүйэ" түөлбэ, салайааччы Марианна Семеновна Ксенофонтова. Күрэх сүрдээх тыҥааһыннаахтык, интириэһинэйдик ааста. "Ытык-Көлүйэ" түөлбэ ыалдьааччылара эрдэттэн бэлэмнэнэн плакаттаах, шариктаах кэлэн кыттааччыларыгар бастыҥ күүс-көмө буоллулар. Бырааһынньыктааҕы эҕэрдэни ырыа куттаах ырыаһыттарбыт Юлиан Матвеев, Яна Максимова, Мичийэ Матвеева киэргэттилэр.