Ramiz Rövşən - Özümə bir Vətən düzəldəm gərək

Рет қаралды 6,069

4 жыл бұрын

Şeir: Ramiz Rövşən - Özümə bir Vətən düzəldəm gərək
Səsləndirmə: Ramiz Rövşən
Musiqi: Aqşin Əlizadə - Hüzn valsı
Biraddımla'ya KZbinda abunə olmaq: bit.ly/3gsJpm1
Biraddımla'nın sosial şəbəkə ünvanları:
Instagram: bit.ly/3gsKkms
Facebook: bit.ly/3GoODKl
TikTok: bit.ly/3r3sAHt
Telegram: bit.ly/3unQMn8
E-poçt: biraddimlayol@gmail.com
RAMİZ RÖVŞƏN - ÖZÜMƏ BİR VƏTƏN DÜZƏLDƏM GƏRƏK
Özümə bir Vətən düzəldəm gərək,
Bundan da mehriban, bundan da qəşəng.
Qoy, onun nə nefti, nə qazı olsun,
Nə aradan axan Arazı olsun.
Heç Muğan düzü də olmur, olmasın,
Xəzər dənizi də olmur, olmasın.
Dənizə dəyməyin, yox, dəniz olsun.
Amma bundan bir az qoy təmiz olsun.
Onun balıqları zəhərlənməsin,
Onun qıraqları çəpərlənməsin.
Özümə bir Vətən düzəldəm gərək,
Bir üzü daş olsun, bir üzü ipək
Daş olsun pislərin başını əzsin.
Yaxşılar qoy ipək üzündə gəzsin.
Gəzsin çəmənləri yaşıllıqları
Artsın gündən-günə yaxşılıqları.
Özümə bir Vətən düzəldəm gərək,
Qapısı ağzında iri bir köpək
Bura pis niyyətlə gələnə hürsün,
Bizə lap uzaqdan hürənə hürsün.
Heç bir kəsə quyruq bulamasın qoy
Heç bir vaxt qab dibi yalamasın qoy.
Özümə bir Vətən düzəldəm gərək,
O Vətən tək olsun gözəllikdə tək.
Bütün yer üzünə sorağı düşsün.
Onu görənlərin tamahı düşsün.
Bu Vətən həm anam, həm balam
Yəqin o Vətəndə qərib olmaram.
Ramiz Rövşən:
“... Tolstoy deyir ki, həqiqət vətəndən də ucadır. İnsan öz sevdiyindən qorxa bilməz. Əgər qorxursa, yaltaqlanırsa deməli, onu sevmir. Mən öz şeirlərimdə Vətən sözünü heç vaxt tərənnüm xətrinə işlətməmişəm. “Lal” şeirimdə dediyim kimi:
Mənim də bəxtimə bu vətən düşüb,
Havayı açılmır çiçəkləri də…
Bu misralarda tərənnüm yoxdu, ağrı var. Bizim ənənəvi düşüncəmiz tərənnümə öyrəşib. Ancaq tərənnüm, ancaq tərif… Evimizi yıxan da elə budur...”
#ramizrövşən #ozumebirvetenduzeldemgerek #huznvalsi #aqsinalizade #biraddimla #biraddimlayol