ટ્રમ્પ સત્તા પર આવતા USમાં કઈ-કઈ વસ્તુઓ બની શકે છે મોંઘી?

અમેરિકાના પ્રેસિડેન્ટ તરીકે ચૂંટાયેલા ડોનાલ્ડ ટ્રમ્પ હજી સત્તાવાર રીતે વ્હાઈટ હાઉસમાં પ્રવેશ્યા નથી પરંતુ તેમણે તેમના આકરા તેવર ચૂંટણી જીત્યા ત્યારથી દેખાડવાનું શરૂ કરી દીધું છે. ટ્રમ્પે અત્યારથી જ કેટલાક દેશોને ધમકીઓ આપવાનું શરૂ કરી દીધું છે. તેમણે મેક્સિકો, કેનેડા, ચીન તથા ભારતને ટેરિફની ધમકી આપી છે તો પનામા પાસેથી પનામા કેનાલ લઈ લેવાની ધમકી આપી છે. જોકે, ટ્રમ્પની ટેરિફની ધમકીથી યુએસના એક્સપર્ટ્સ પણ ચિંતિત બન્યા છે અને તેમનું કહેવું છે કે ટેરિફથી અમેરિકામાં મોંઘવારી વધી શકે છે. ટ્રમ્પે ચૂંટણી પ્રચારમાં ઈલીગલ ઈમિગ્રેશનની બહુ વાતો કરી હતી અને દેશમાંથી અનડોક્યુમેન્ટેડ માઈગ્રન્ટ્સને હાંકી કાઢવાનું વચન આપ્યું હતું. આ માટે તેમણે માસ ડિપોર્ટેશન અભિયાન હાથ ધરાવનું પણ કહ્યું હતું. જોકે, ટ્રમ્પનો ટેરિફ પ્લાન લોકો માટે ચિંતાનો વિષય છે. જો, ટ્રમ્પે જે પ્રમાણે કહ્યું છે તે પ્રમાણે ટેરિફ લાદશે તો અમેરિકામાં ઘણી વસ્તુઓ મોંઘી બની શકે છે.