Абайдың қара сөздері. Қырық бірінші сөз (1897) ● Аудиокітап ●

Абайдың қара сөздері. Қырық бірінші сөз (1897) ● Аудиокітап ●
ҚЫРЫҚ БІРІНШІ СӨЗ
Қазаққа ақыл берем, түзеймін деп қам жеген адамға екі нәрсе керек.
Әуелі - бек зор өкімет, жарлық қолында бар кісі керек. Үлкендерін қорқытып, жас балаларын еріксіз қолдарынан алып, медреселерге беріп, бірін ол жол, бірін бұл жолға салу керек, дүниеде көп есепсіз ғылымның жолдары бар, әрбір жолда үйретушілерге беріп сен бұл жолды үйрен, сен ол жолды үйрен деп жолға салып, мұндағы халыққа шығынын төлетіп жіберсе, хәтта қыздарды да ең болмаса мұсылман ғылымына жіберсе, жақсы дін танырлық қылып үйретсе, сонда сол жастар жетіп, бұл аталары қартайып сөзден қалғанда түзелсе болар еді.
Екінші - ол адам есепсіз бай боларға керек. Аталарын паралап, балаларын алып, бастапқы айтқандай жолға салып, тағлым берсе, сонда түзелер еді.
Енді мұндай халықты еріксіз қорқытып көндірерлік күш-қуат ешкімге бітпейді. Ол баланы қазақтың бәрін паралап көндірерлік дәулет бір кісіге бітуге мүмкін де емес.
Қазақты я қорқытпай, я параламай, ақылменен не жырлап, не сырлап айтқанменен ешнәрсеге көндіру мүмкін де емес. Етінен өткен, сүйегіне жеткен, атадан мирас алған, ананың сүтіменен біткен надандық әлдеқашан адамшылықтан кетірген. Өздерінің ырбаңы бар ма, пыш-пышы бар ма, гуілдегі бар ма, дүрілдегі бар ма - сонысынан дүниеде ешбір қызықты нәрсе бар деп ойламайды, ойласа да бұрыла алмайды, егер сөз айтсаң, түгел тыңдап тұра алмайды, не көңілі, не көзі алаңдап отырады. Енді не қылдық, не болдық!
Абай Кунанбаев
Абай Құнанбаев
Абайдын кара создери

[@АльфияБаймухамбетова-з7к]

Е ақымақ мынаиақта жарты сөз жоқо. Маған адибетен осыны үиғе беғен

[@АружанТемирбек-в3н]

Өте керемет айтылған

[@КалжанДаулетбаева]

Қара сөзі

[@АзаматМусагали]

☝️👍❤

[@ЖанболатСақып]

Біз ғана сондаймызба?? 😟 Солай жалғасаберсе ештеңе шықпайды! 👈

[@УмиткульУакпаева]

Менің Əкем де медреседе оқыған екен

[@tileuzhanbodaukhan9021]

Қазақтың анасының сүтіменен біткен надандық, деп айтқаны артық емес ба?