#米紙

[@fionaholovefood]

一年多前搵到澳牛太子爺成哥，知道佢冇接手家族生意，反而自己一個人往日本闖蕩，已經好欣賞佢呢份勇氣，嗰時日本啱啱開關冇耐，即刻走去同佢做個專訪，此後一直keep住有聯絡。成哥雖然係日本居住多年，每次同佢講電話都好開心，毫無保留有嗰句講嗰句，雞啄唔斷。今次佢返嚟香港，帶咗佢試常餐，再試試求佢帶我去澳牛，點知佢竟然一口答應，原本計劃只係當一個小花絮，拍完之後覺得實在太精彩，所以改為製作呢條片。多謝攝影Henry 旁白米米 剪片澎 幫手睇片俾意見嘅ash kay ,完成咗我其中一個心願，呢條亦成為其中一條我好鍾意嘅片。 最後再次多謝成哥，下次等你返嚟再帶你食好嘢 ❤

[@fionaholovefood]

kzbin.info/www/bejne/apu6pWR9o8yeZqMsi=36l5wzQjUA0MhGS3 大家有時間重溫埋之前成哥在東京生活的報導～

[@zeroing-soul_workshop]

呢排覺得Fiona 好靚好正。因為近排既片做得好正。好好辭睇

[@Ghost_Li0716]

相信呢條 會係米紙最有迴響的片 之一

[@jl2000doramail]

如果肥佬見到你哋咁成功, 一定好開心.

[@leel-y5s]

Fiona,好似前線sales,一定搵到客簽單

[@chocochocolei]

我次次去親都好好禮貌呀，認同fiona「什麼人就會遇上什麼服務態度」🙌🏻普遍都通用

[@fionaholovefood]

🙌🏻🙌🏻🙌🏻

[@lms928]

前2年大肚產檢完食澳牛，澳牛哥哥仔好好招呼，安排咗我坐角落位唔會俾人出入撞到，仲提醒我大肚婆要食熟蛋唔好飲咖啡奶茶😂好caring❤

[@fionaholovefood]

好細心❤

[@JimmyYuen-n1r]

感動😢！

[@life0113]

係⋯我成日都見到，佢地好好人

[@河口湖-b4c]

暖❤

[@matthewchung6884]

澳牛一直出名對大肚婆好友善

[@yuming5052]

之前去澳牛食嘢，食完想走嘅時候落大雨，澳牛哥哥即刻叫我坐返低唔好走住，慢慢坐，坐到細雨先走，其實佢地真係好sweet

[@MosBurgerGoldVIP]

澳牛哥哥鐵漢柔情 入面食野由點餐到上餐，都快靚正，好有效率 亦都用盡每串空間😂 認同澳牛展現到香港個文化～ 好開心睇到澳牛嘅訪問！

[@fionaholovefood]

多謝支持

[@DorisWong-rd5pi]

證明澳牛對員工好，抵佢哋發達，生意好.

[@fionaholovefood]

喺飲食界嚟講真係算多假期

[@JimmyYuen-n1r]

​@@fionaholovefood全港應該只此一家。

[@夏桃-q3p]

細個嗰陣阿爺舖頭喺吳松街，嗰啲年代我哋都係通街玩，成條街啲舖頭都會識。嗰陣阿爺帶我哋食西式早餐係好架勢，啲叔叔伯伯都好好人，雖然粗聲粗氣，但係都好錫細蚊仔，每次放低食物都會叫我哋小心熱，慢慢食。7,80年代嘅香港，大家都好純樸好直接。

[@fionaholovefood]

好多人嘅集體回憶

[@JimmyYuen-n1r]

做生意最直接就係想賺到錢，但賺到錢之餘又對伙記好，分享成果的話就寥寥可數！表面上睇澳牛老闆對伙記的福利絕對好，尤其在飲食業，無出其右。人心肉做，有時候至怕你對我好！可能這樣關係，睇到啲伙記做嘢好勤力，仆心仆命去做，又有默契。否則條流水帶不能這麼流暢，澳牛亦沒有這麼成功。說到尾，任何嘢都要靠［人］去做，所以澳牛老闆既有智慧又好心，抵佢發！！！

[@helenalim3600]

人工都百多萬，自己鋪才有得做！

[@蕭瞬]

​@@helenalim3600岩 完全同意 自己鋪先有得做 所以條片問會唔會諗住開多間？開多間個模式就做唔到落去家啦咪玩 香港鋪租咁Q貴

[@ricezi2hk]

👍🏻 老闆對人好 自然賣力

[@siuyungyeung4053]

系呀⋯⋯多數類型的餐廳我都基本上做過哂(從茶餐廳、日、韓、法等)甚至中式酒樓、拉麵鋪… 我從來未見過有任何餐廳可以在8號風球、黑雨可以全體人員放假，大酒店都做唔到，仲要逢年過節放咁多日假，仲要茶餐廳級數已經有成$90每小時，我真係做過咁多餐廳只有中高級至酒店在大時節先有咁多人工，普遍餐廳只有50-75人工，酒店好少少嘅人工都只系75-80，仲要逢年過節先會見到$90起至$120左右，過咗大時大節會跌返落75左右或樓下

[@kenk3381]

我係澳牛熟客，門口嗰位冇戴眼鏡嘅哥哥叫做菠蘿，每次只要我係一個人去，我都享有特權唔需要排隊😂但有其他人同行就唔係咁講啦 澳牛係最能夠代表到香港飲食業特色嘅餐廳，快靚正就係香港人嘅生活態度❤

[@CT-lh7ml]

當年產檢前必會到澳牛食早餐，伙記好快比位我，而且坐位多數係冇咁易比人撞倒。非常窩心，謝謝你們!❤

[@fionaholovefood]

大肚婆可以唔使排隊🎉

[@tc21h]

我老婆都系咁講

[@teresachan9572]

超級開心有依個訪問🥹 我以前係佐敦讀書同住，好鍾意澳牛，佢嘅炒蛋都令我一直念念不忘。而且啲哥哥根本鐵漢柔情🥹 係得個樣惡啲姐，我食咁多次都唔會比人鬧。好開心佢咁成功，絕對值得👍🏻

[@tomlee5709]

澳牛都被你哋訪問到..勁 👍

[@fionaholovefood]

💪🏻💪🏻💪🏻開心仔

[@Henryychannn]

繼上次順香園，今次就係澳牛

[@SesstraV]

認同Fiona片尾講「你係咩客人，就會收有咩服務態度」，尤其喺澳牛絕對真👍🏽

[@fionaholovefood]

真！

[@yorkhunt1251]

主觀D噃，幫人洗地。

[@MosBurgerGoldVIP]

認同～

[@SesstraV]

@@yorkhunt1251 大師，我憑自身體驗講我感受，點樣可以唔主觀？唔通要代入d西客講佢地感受？

[@octagon97]

一定唔係, 食咗有廿幾三十年, 啲伙記大部分都好好, 但都遇過啲西伙記, 其他伙記見到都有講唔好意思. 太子爺日本生活條片都有講佢地有因為啲伙記態度唔好炒人

[@doratam1261]

幫趁咗幾十年，雖然不是經常(因不在那區住/工作)。從來未受過冷對待，可能我好彩😅。呢間有潛規則~入到去快點餐食完就走。反而伙記快食物乾淨(起碼眼看乾淨)。味道okay. 見過伙記對老人家孕婦及帶小孩的媽媽都好照顧及友善🎉🎉

[@fionaholovefood]

鐵漢柔情

[@shongsusanna1741]

係落單要快啫，食得慢係完全冇問題㗎！

[@teresaho6359]

其實都係得嗰3個餐，伙記expect落單快都正常嘅😂😂

[@JimmyYuen-n1r]

@1261我鍾意你果句（潛規則）😂！亦講到重點。但無奈未去過的人不知這個潛規則就覺得啲伙記冇禮貌，好急好chur! 但去到尾其實都要伙記就客人嘅！

[@anthonyjohnson2172]

点餐要慢慢想，趕住去投胎咩

[@KC-hf6sh]

😊呢條係我睇過近幾年最好睇嘅餐廳採訪片，好欣賞肥豪哥哥一句：全民皆兵，真係一針見血😮

[@fionaholovefood]

🎉🎉🎉

[@mslau4842]

好開心米紙訪問到澳牛，他們真是有點神秘，更有傳聞他們的伙記很多是釋囚... 無論是真是假，澳牛一直不開分店才能維持他們的獨有文化和高品質。我初出茅廬在佐敦工作，他們的茶餐是18蚊(應該沒有記錯)，現在已加了好幾倍。不過茶餐(炒蛋多士叉燒意加奶茶)的味道大致維持得到，有時為了找回回憶，也會獨自去幫襯一下。

[@bongbong4971]

終於睇到澳牛嘅訪問我都覺得好感動。我食澳牛唔密，一年幾次吧，但都係由細食到大。我每一次去澳牛都受到好禮貌嘅對待，其中有兩次我攞住比較多嘢，侍應哥哥仲特登攞多張櫈放我隔離叫我擺嘢用。另外有次我本來叫左意粉但即時又後悔，想食通粉多啲，即刻同佢講唔好意思我想轉通粉，佢都好禮貌話冇問題。所以我從來都唔明點解話佢地串。我唔係成日去，但如果要我揀最能代表香港或者邊一間餐廳消失我會最唔開心嘅話，一定係澳牛。我覺得澳牛真係好代表香港人特色：醒字派。我每次叫嘢食其實不知幾爽，大家快來快往，融入左佢地嘅默契咁😂 雖然佢地好神秘咁，但真係好有情懷。

[@fionaholovefood]

🙌🏻🙌🏻我做到訪問都好開心 真係香港情懷

[@stefok62]

連都市傳說都搞掂，呢集真係里程碑啊，恭喜米紙~~~🤩🤩🤩

[@fionaholovefood]

我都好開心呀，等咗成年終於做到訪問啦🎉

[@doraemon007]

見到Fiona個樣咁興奮，攪到我都好想再去食澳牛😋😋😋

[@fionaholovefood]

真興奮 ❤ 完成里程碑 🎉

[@Henryychannn]

燉奶OK😂😂

[@JimmyYuen-n1r]

呢排人流可能又多了

[@hkrailwaymodel]

高質既訪問，恭喜Fiona 完成心願🎉

[@incrcolt]

食過澳牛嘅人，除非你自己入去攪事，否則一定知道班伙記係好nice嘅，而成日話澳牛好惡態度好差嗰班人，我懷疑佢哋根本冇去過，人云亦云！

[@fionaholovefood]

除咗試過好口渴佢唔肯上嘢飲之外，其他我覺得都冇乜問題😂

[@incrcolt]

@@fionaholovefood冇奶油喎，光嘅速度啵🤩

[@crazyyungfan6729]

@@fionaholovefood張格太細又要逼住搭枱所以唔上野飲

[@crazyyungfan6729]

你唔適應人地個節奏會比佢地屌😂 嘆世界叫餐又慢咪會

[@fionaholovefood]

@@crazyyungfan6729我第一次食極唔慣，因為真係好口渴 佢唔肯俾嘢飲我

[@aM-ic5jx]

1- 我住港島，根本唔知咩澳牛，以前又無咁出名，一次係附近做暑期工中午入咗去食光速餐，因為好熱，食咗一半多左右拎紙巾出嚟抹咀/汗，侍應哥哥即刻問食完未？我﹕未，佢話﹕啊！食完嗱，我﹕未食完，佢話﹕哦，食完咁我收喇？！？就咁收走我未食完既通粉，坐對面個搭枱食客都笑咗出嚟，我相信因為環境太嘈又一心覺得我真係食完，所以就覺得我答"食完"，無嬲無激氣，每次諗起都覺得好笑 2- 仍然住港島，雖然鍾意食澳牛，根本好少過九龍，難得同朋友去食，我叫光速餐，朋友叫鮮油多，朋友食完覺得唔夠喉想再食，同我share再叫一份，然後再叫一份，又再叫一份，叫到第4份，侍應哥哥講笑(可能認真)咁話，如果你哋再叫我就請你哋食，但4份鮮油多+一份常餐真係極限，我哋無再叫，無機會比佢請，所以一直覺得澳牛員工好funny，未比佢哋惡過

[@fionaholovefood]

4份鮮油多 真心勁

[@fionaholovefood]

2個人食？

[@chunmt0806]

港式令人回心微笑的幽默

[@laplee]

多謝分享～ 好正！！！😁

[@acer323ben]

总之這店一個字“差”👎

[@evashum3282]

我記得疫情期間去澳牛吃， 當時要探熱才可，佢在我用探熱計額頭前做個樣， 發出聲嘟嘟，之後就當探完，入得去，笑死我，佢哋好有人情味， 轉數又快，正呀

[@ricezi2hk]

笑 心照

[@ericchan2414]

個個話唔惡既好明顯係新一代 當年: 1.叫餐就唔可以諗,唔可以唔順序 會鬧 2.野飲叫先 會鬧 3.食得慢 會"關心"你 4.問佢借餐具 即刻回你一句幾時還 所以依家澳牛就唔係以前果間 但禮貌好左當然係好事

[@KWW9999]

而家唔一樣，以前係真係閪d😂😂😂

[@fancylizzielove]

#1#2. 超有共鳴 之後有禮貌咗, 同我講"唔該"

[@JimmyYuen-n1r]

@2414 我肯定你講句句事實！因我食咗幾十年確實遇過和見過你講的情況。大陸自由行生意最巔峰的時候最吋，唔憂做迷失晒！但人誰無錯，錯而能改，善莫大焉！

[@JimmyYuen-n1r]

​​@@fancylizzielove［我反而有啲驚］呢句我笑咗😂😂😂😂😂

[@JimmyYuen-n1r]

​@@KWW9999對😂😂😂

[@TC-ch4ee]

唔錯，雖然睇左好似無睇咁，但都叫有睇過澳牛唯一受訪片段😂

[@5e20]

咁都訪問到澳牛，點都要留言支持！ 團隊好叻呀！👍

[@fionaholovefood]

🎉🎉🎉

[@gracegrace1111]

一直是家人最愛的茶餐廳；真的感謝您們的善良、愛心、幽默、靈活快捷、俠義精神🙏🏻繼續發揚光大這些香港人的優點🙏🏻

[@hkmhkmhkmhkmhkm]

身為一名八十後，以家每次去食澳牛都有一種失望、歡愉又感嘆嘅情緒，失望係因為以家所有樓面都好有善、歡愉係呢喥嘅味道百年不變、而感嘆係每次去都會諗返由小學食到以家，澳牛係呢個香港碩果僅存無變過(地點、人、裝潢等)嘅地方。【最深刻回憶：睇住細個幫襯開嘅樓面伯伯消失咗(R.I.P.)，小學食嘅時候佢成日同我/媽咪傾計，feel到佢好似見到孫仔咁開心，細個都覺得伯伯好親切。】非常感謝米紙成功拍到呢條片，正如成哥話齋，點解你哋可以做澳牛呢條片，就係因為你哋實力嘅累積，無得呃，加油！

[@河口湖-b4c]

今日重操故業，批你九十分

[@W_W76]

快啲去睇吓十年前嘅潮文-澳牛的黃昏，真係令人好感觸

[@i0oOOo0i]

送完小朋友返學，7:45 泊低架車，食完光速早餐，8:00 前可以開車走人，非常有效率 👍👍👍

[@河口湖-b4c]

我在上水澳牛都是十分钟妥妥的

[@bonniewyp]

上次你預告咗之後，日日等你出片，但仲要等聽晚先有得睇 😂😂

[@fionaholovefood]

今晚我Channel有片睇住先 🤣🤣🤣

[@katietsang8]

恭喜Fiona成就解鎖🎉 好多謝你哋製作呢個訪問, 食咗澳牛20幾年, 回憶滿滿 ❤

[@fionaholovefood]

❤❤❤ yeah開心

[@ricezi2hk]

fiona 尋日開心到瞓唔着

[@shumeva1705]

Fiona係入到澳牛顛咗😂

[@katietsang8]

@@shumeva1705 跟住成哥入澳牛咁有型, 如果係我都會癲咗😂

[@hckenlam]

恭喜米總同Fiona終於做到澳牛訪問❤ 入鋪頭時Fiona 個笑聲笑容真係睇我出佢勁興奮😂

[@fionaholovefood]

個心囉囉攣又有初戀嘅感覺😂

[@limandy3292]

好開心見到澳牛訪問，其實澳牛哥哥們好細心，見客拿住好多嘢，會比張圓櫈你放低。試過好多次都係咁幫人，記得90年代，有個侍應好似金城武咁靚仔，亦有一個六隻手指既叔叔都係好有禮貌，真係冇試過被黑面。

[@fionaholovefood]

真熟客👍🏻

[@chipangLui]

六指叔叔真係澳牛代表人物，以前去過一定記得佢

[@victorkam_vlog]

恭喜米紙 , 恭喜Fiona終於達成心願 , 見到你成集由心笑出嚟咁開心 , 真係好靚~~

[@fionaholovefood]

真係好開心，我忍唔住

[@Henryychannn]

😆😆

[@我是個罪人蒙主恩]

91年幫襯到依家，服務態度非常之好，冇一次不愉快經驗。 做事快而準，食物梗系冇得彈，廿三拾年保持水準，真系正。 杯茶又好飲，蛋熱嘅，多士又厚又脆，叉燒通粉好味特別是湯底👍👍👍

[@fionaholovefood]

少有一間老店保持到質素

[@fionaholovefood]

少有一間老店保持到質素 滿滿的情懷

[@acer323ben]

可以買六合彩😂👍👍👍👍

[@JimmyYuen-n1r]

澳牛杯熱奶茶確實好飲，咁多年都keep到水準真係唔容易，環顧香港現今茶記十間九間啲熱奶茶都好唔掂😢 ［ 註：熱奶茶雖正，但我最欣賞還是澳牛杯凍奶茶，十年如一日都係咁正 , 冇得頂 ］

[@熊貓四大二小]

做茶記首要保持水準

[@AndyYeung-m4k]

為香港人的急速步伐，工作實際，上下一心的配合精神而驕傲！也為米紙的訪問鮎讃，Like like like!

[@cheukcp2003]

訪問到勁😂😂

[@ricezi2hk]

💪🏻💪🏻💪🏻

[@ageha427]

話說前幾年取消疫苗通行證後，我有認真諗過去邊間餐廳食第一餐嘅堂食（因為我由頭到尾都係堅持只食外賣 ），由於無食過澳牛，當時我就去咗澳牛食堂食嘅第一餐。 入到去落單後嘅幾秒鐘，注意，係幾。秒。鐘！！！侍應哥哥已經飛咗兩碟野食上枱，因為真係被個速度嚇親，我全程都係心不在焉咁食，咁我一路食一路都係主要集中觀察啲樓面，發覺佢哋都真係一眼關七，我食完一碟野已經有人黎極速收碟，我食到一半又有樓面黎問我洗唔洗嗌野飲，食食下野要答佢飲咩我都差啲骾親🤩 然後佢哋寫漏咗我埋單嘅個張單，我隨機同其中一個樓面講未寫單，佢又真係可以係啲碟收晒嘅情況下，寫返我個餐個價錢出黎，感覺上成個場嘅樓面係互相合作地補位，成餐我都專心唔到食野，變咗集中觀察澳牛哥哥有幾有效率😆

[@fionaholovefood]

全民皆兵互相補位真係講得啱

[@JimmyYuen-n1r]

我一直評澳牛為［茶餐廳少林寺］！我（極少極少）見到伙記倒瀉食物失手！其實在咁窄空間，咁多伙記之下真係絕對唔容易！佢哋完全做到快狠準呢個功力！我個人真心稱讚佢哋，好堅！

[@nokia5jacque567]

我習慣慢速食嘢. 每次跟澳牛伙計交流都係用手語. 點頭或呤頭, 他們都領會到.

[@ageha427]

@@nokia5jacque567 🤣

[@nokia5jacque567]

@@ageha427 "炒蛋定太陽蛋?" 右手搓著意粉入口, 左手就 dull 兩吓囉! " 咖啡定茶?" 幢起一隻手指, 即係前著; 咖啡. OK !!

[@mystephanieleung]

同意！我自己去過好幾次，都無遇到所謂服務唔好，反而哥哥見我拿得野多，比個角落頭位，不用那麼迫。也親眼見倒侍應大哥見到孕婦，即刻招呼，並叫拿行李箱擋路的遊客讓路和騰出位置保護孕婦入座。真係溫柔鐵漢啊！😊

[@camanKL]

我人生第一次去澳牛嘅經驗，當年十七八歲同當時女朋友去，新界牛少出九龍，一入到去坐底勁快問食咩，我話我第一次黎可唔可以比小小時間我（唔係串嘅口吻），然後哥哥黑口黑面但好溫柔咁講梗係得啦，慢慢睇，轉頭再過黎落單，之後我好快食完佢好快收哂啲野，我仲有杯野未飲完，哥哥見我好驚咁款就話唔洗急，慢慢飲啦，出面好多人排緊但佢哋從來無催過人，但餐廳氣氛就係快餐，出邊咁長人龍，你自己都唔好意思坐咁耐，嗱嗱聲食完就嗱嗱聲出去，其實唔係澳牛員工吹你，係香港人慣咗唔好阻人搵食嘅文化。

[@ricezi2hk]

佢反而安慰返你轉頭～ 好得意。

[@河口湖-b4c]

怕你被掟煲

[@evaevakam]

我覺得澳牛嘅侍應好有禮貌，又細心，我帶小朋友去，佢哋會搵卡位俾我，又唔會催我。 有香港精神！ 快靚正！

[@ricezi2hk]

真係香港先有嘅獨特茶記

[@ricezi2hk]

快靚正

[@littlehse]

澳牛必吃，隔離麥文記也非常好味！一句到尾，香港精神，快/靚/正出品！名符其實的「世一」。

[@hihellochris]

30年前喺佐敦做嘢已經幫襯,食物質素咁多年都保持到.澳牛哥哥不嬲都有性格,不過,咁多年來都無試過被唔禮貌對待.相反,班靚仔見我孭住背囊,會主動擔張櫈俾我放袋.

[@fionaholovefood]

鐵漢柔情

[@zumikoo9723]

Fiona訪問到澳牛好開心，我哋睇到呢條片都好開心。 以往都有食過澳牛，唔覺得啲員工特別惡死。其實香港好多茶記服務態度都係差不多，不過係有啲人有過分期望，才會覺得佢哋服務唔好。講真，去茶記食嘢，你點會期望有乜嘢服務呢？求期啲食物同地方乾淨，快快醫好個肚就算。想享受服務，就唔會揀去茶記！

[@JimmyYuen-n1r]

@9723 你講得十分好，十分到point又中肯，超讚！👍👏

[@Henryychannn]

真👍

[@KubeiiTa]

我見過伙記對一個(極度龜速又撞聾)點早餐的婆婆,非常有愛❤,叫她慢慢諗,唔使急㗎,嗰種溫柔嚇親我😂

[@ki1128bolbdt]

傳聞成日話態度差,我自己幫襯過幾次我完全無呢D感覺,其中有2次係我大肚果陣,佢地突登搵卡位俾我,仲提我小心唔好撞度,我覺得佢地好EFFICIENT..有禮...對大肚婆好好

[@chrislai6817]

多謝！

[@01lsw]

#我愛澳牛 鍾意主持人最後尾講果句。服務態度根本係同客人相關。

[@Alice-dt9yo]

好開心米紙幫忙解開澳牛神秘之謎，香港人嘅餐廳，我食左超過40年😂😂😂

[@isabellashum9170]

見到主持真係打從心底咁開心做到呢條片，我都好開心終於有一條澳牛「官方endorse」嘅片，解答咗咁多迷思可以留存於歷史中，呢條片真係對香港飲食文化歷史意義重大😂佢解答咗好多迷思之餘又留有一點神秘，例如係通常人多手腳亂但澳牛唔會，咩叫「一個聽order後面個個拎」？😂諗深一層好似唔係好make sense但就由佢保留神秘感吧😂同埋都好開心聽到佢哋個工作環境咁高速之餘侍應無話做到隻狗咁，福利都唔錯，唔係黑心企業😂希望澳牛可以繼續屹立不倒繼續陪伴大家❤

[@user-tt9gn3by4w]

各有喜好啦，顧客唔啱食唔啱節奏，都唔好話人係西客。我自己就好喜歡食澳牛。我開始幫襯澳牛嘅年代，早餐可坐兩個鐘慢慢傾偈慢慢食。佢地當年以茶記嚟講，衛生做得好好，食物又唔錯。我下一代已長大成人，都一樣喜歡去澳牛。

[@yawenliu6648]

第一次去澳牛撞正人地休息摸門釘，其實飲食業能做到一星期有一全店休息，大日子有幾日長假期真心人性化。吃個快餐就係要求食物快，靚，正就得啦

[@JimmyYuen-n1r]

@6648 你講果句人性化確實鳳毛麟角！因絕大部份老闆都係要賺到盡，不理下面死活的人！

[@河口湖-b4c]

四日假

[@beezeeoink]

講得啱，你用怎樣的心態或方式對人，好大可能會影響到人哋以乜嘢心情或態度對待你。

[@mm7c162]

記得同我阿媽去，坐卡位，對面搭枱。坐低咗之後夥計哥哥就嚟問食乜，我媽咪叫咗跟住到我，然後我話ehhhh, 然後夥計哥哥走咗😂😂 過咗一陣佢就返嚟take我order😂 啲嘢食嚟到之後我想將碟嘢拉近啲，佢話鬼我，話啲碟係要咁放，如果放第二度張枱就會唔夠位放晒所有嘢食😂嗰陣時都細個，俾阿哥哥嚇親，但係其實都食得好開心！呢件事都十幾20年前lu 😂

[@xxyyzz-u5q]

最鐘意門口帶位哥哥！次次叫我"阿妹"，我四捨五入都35歲啦，全世界得佢叫我"阿妹"🤣

[@JimmyYuen-n1r]

讚美的說話永遠冇得輸🤣🤣🤣

[@familypowerbusiness552]

澳牛光速餐代表住本土文化，快、靚、正！質素又唔差，唔怪得咁出名！講起都掛住佢個炒蛋，正~

[@chrisC1014]

最有香港風味又最代表到香港既茶餐廳👍

[@fionaholovefood]

香港人嘅集體回憶

[@JimmyYuen-n1r]

係土生土長的香港人的集體回憶

[@kadyfung8566]

多謝你哋🙏 澳牛真係香港老茶的代表! 炒蛋世一❤ 有一日移民一定最掛住佢, 真香港的味道🥺

[@fionaholovefood]

香港人味逳

[@nokia5jacque567]

唔使移民啦! 我入院做手術, 床頭掛著"嚴禁飲食", 足足十日. 然後係啫哩餐. 我唯有自我安慰, 寫定出院後的餐單. 澳牛早餐就係第一餐. 其次才到虾餃, 燒賣, 差燒包.

[@kitwaitang1733]

你哋好犀利，咁都訪問到，我移居左日本見到你哋呢個訪問都想飛返香港食返次，支持你哋米紙

[@ThomasW0026]

今次解構澳牛的迷思，學到好多野同埋對佢地成間餐廳的運作模式同埋團隊構做，多謝成哥願意分享！ 多謝Fiona發揮到戰狼精神帶來今集的筆記紙！

[@fionaholovefood]

😆💪🏻💪🏻💪🏻多謝米鬼馬旁白

[@fionaholovefood]

仲有henry 神拍 澎 神剪

[@KPI-lb9sb]

由細到大都鍾意食佢，冇其他茶餐廳可以代替，品質冇邊，茶餐做法彈性又多，以前一家四口帶著兩個2-4歲小朋友，我地唔係熟客，佢地一定俾張卡位檯我地，又唔會催你走，D同事又快又醒目，服務完全冇問題！好犀利！

[@sunnyliu4920]

呢集真係要睇like 下佢 👍🏻👍🏻👍🏻

[@fionaholovefood]

🙌🏻🙌🏻🙌🏻

[@ricezi2hk]

💪🏻💪🏻😆群策群力

[@leegrace5326]

真！由細食到大，每次去服務態度都好好，有時見我哋拎得多袋仲會比俾多張凳我哋擺野。食物更多係快靚正！每次去都一定叫燉蛋！

[@laplee]

Fiona～ 香港人愛你！！！《米紙》，多謝你！🙏😊 見到你發自內心嘅開心，我都真係睇得特別開心～🤣 澳牛，好嘢！ 有夢，達成！恭喜你～～～ 🥳🥳🥳😊✌你真不愧為戰狼！！！使命必達～ 而且仲可以令同你講嘢嘅人好放鬆，好真，好自己。SALUTE !!!!!! 😁

[@fionaholovefood]

我都愛你地❤ 多謝支持

[@millabooth5494]

我都試過好多次大住個肚去食野，員工每次都好客氣 特別照顧叫我慢慢食唔好急，生完之後帶小朋友去都一樣咁親切！

[@sandynngai1819]

96年已經幫襯， 入去得一個動作食完就走， 冇空間畀你吹水， 樓面更加唔會吹水， 個個忙到隻蟹咁。 嗰時夥記應該冇而家咁多， 當年令我最驚訝嘅係~ 冇樓面會揸住紙同筆記單， 全部都係千裡傳音，發出啲好低音嘅音頻密碼( 唔知佢噏乜)， 就咁水吧就出餐喇! 我冇作大， 裏面水踐不通， 食完你都唔好意思留耐啲， 阻住地球轉。 總之入去食嘢見啲樓面 全部都打波斯密碼咁落單， 得佢哋當年做到❤， 後無來者!

[@JimmyYuen-n1r]

打波斯密碼笑咗😂😂😂😂😂

[@中山政-w5z]

以前中午食茶記，食完個飯，攞住杯嘢出門口飲，騰張檯快啲畀人坐底 而家？個個食完重響度磨，又要出面人繼續等位，都無咗以前啲習慣

[@河口湖-b4c]

睇过埸景都抵啦

[@shirleytangsukping]

睇得出你好開心，證明你做採訪有眼光，有水準

[@fionaholovefood]

真開心🎉

[@Henryychannn]

FIONA真係開心，做完咗兩日拍攝後第一時間同我講好開心做到澳牛

[@fionaholovefood]

@@Henryychannn 我哋嗰日連續走幾單訪問 約成哥入澳牛係當日第三單 拍完嘅時候我哋完全唔覺得攰仲好開心㖭

[@河口湖-b4c]

成哥回港日食四介常歺，下次唔返來

[@Legeh.]

拍得好好睇！

[@ricezi2hk]

💪🏻💪🏻💪🏻

[@Henryychannn]

謝謝，我又變咗開心仔😁😁

[@josaphatchan]

Thanks

[@fionaholovefood]

🙌🏻🙌🏻🙌🏻🥺多謝你嘅支持

[@teresaslam4506]

Thanks!

[@fionaholovefood]

多謝你❤🎉

[@gentleman4882]

終於等到訪問澳牛，呢集真係值得紀念

[@chingwong3404]

分享一個食澳牛的經歷，嗰次好想飲純紅茶(唔想加奶/檸檬)，跟住伙記叔叔同我再三確認咗幾次「你真係要咁?好苦澀喎，驚你飲唔到，你係未叫錯想要檸茶/奶茶?」可見澳牛伙記非常關心食客🤣最後澳牛純紅茶真係幾濃😂

[@ricezi2hk]

佢都算幾關心你預先提咗你

[@河口湖-b4c]

医生都冇咁好

[@dukduk4999]

我澳門人年頭同台灣朋友第一次去. 其實我覺得服務好好，見我背囊擺地都特登拉多張櫈黎畀我擺，係表情可能畀人覺得唔好🤣🤣

[@chrislau7007]

Fiona, 今集做到嘢，叻女👍👍👍

[@fionaholovefood]

🙌🏻🙌🏻🤣

[@Fahw8om]

從鏡頭完全感受到Fiona嘅興奮！😆🤣 訪問到澳牛確係勁👍🏻👍🏻 米紙繼續加油💪🏻💪🏻

[@christinayip1782]

我又唔覺澳牛D哥哥惡，已幫襯咗二十幾年，佢哋對老人家、大肚婆、小朋友都好架！學Fiona 話你係乜客人就會遇上乜待遇😂

[@SNYeung2011]

我曾經係佐敦區工作左好多年，都成日幫襯澳牛，覺得成班伙記都好好呀，未試過比人鬧，佢地都係外冷內熱手，炒旦真係好好食👍🏻👍🏻👏🏻👏🏻

[@十萬伏特]

澳牛訪問，大成功🎉

[@fionaholovefood]

🎉🎉🎉🎉🎉

[@ckwong5741]

我覺得係澳牛坐得唔算迫，侍應都會俾張凳我擺背囊，四個人坐埋一張檯，食得好和諧，同埋環境叫乾淨，高汁！

[@wa910701]

Fiona真係好勁

[@ricezi2hk]

🙌🏻🙌🏻

[@hilda7431]

澳牛啲哥哥其實好有愛🫶🏻

[@ginatsui7194]

澳牛真係頂流 👍以前D叔叔好有氣埸 但無不禮貌 ： 唔知自己要叫乜 走入先唸係你嘅錯 ， 上飲品時叔叔已經安排幾個客企正係你隔離 飲慢少少都有壓力 😂 真係學前嘢 平時food court 等位我都係用呢招 ！

[@wangw7250]

真係好有passion 既記者，所有訪問都好睇，有香港味

[@fionaholovefood]

💪🏻💪🏻好開心 🎉多謝你呀

[@wangw7250]

加油👍🏻👍🏻

[@MrLeewailimwilliam]

Fiona 你真正贏了一仗。👍 恭喜恭喜。

[@anncw204]

我同家人舊年返香港食過幾次澳牛，又或者佢知我哋係外國返嚟，員工態度非常之友善，其中一位員工仲幫我哋影相太開心啦👍👍🩷😋😋

[@Bobo-ww9tg]

我細個時食，$19蚊－個餐，食到而家，以前有撙裝鮮奶添！ 人哋點似都無用，食物最重要保持水準。

[@jackychui8464]

第一次見澳牛接受訪問 fiona勁呀嚇！👍

[@ChipmunkRyan]

一間茶餐廳 養既員工人數重多過酒樓 確係利害😊

[@Henryychannn]

一間茶餐廳咁多個員工都算勁

[@ricezi2hk]

真 我哋有認真去數過

[@cpcheung66]

佢流量高，出餐快，一張四人枱，若十五分鐘一個客，一個鐘就做十六個客。人均消費六十元。一張四人枱一個鐘可以做一千蚊生意。間舖據聞佢地老豆時代自己買落，唔使捱貴舖租，風險低，淨利潤估計五到六成。自己計下，係幾和味。呢啲先係搵真銀。

[@河口湖-b4c]

服字

[@ywl4838]

咁都訪問到澳牛，要留言支持！ 團隊好叻呀

[@sharonhappymum29]

非常高效率，完全是香港人的急性子，千祈唔好慢慢食。餐廳氣氛一流！

[@Henryychannn]

多樓面員工，氣氛好好🙂

[@河口湖-b4c]

食得开心就世一

[@ettachan8404]

澳牛哥哥叔叔們好好人👍，好照顧孕婦和小朋友😊

[@韻姿-e1x]

呢集等左好耐下，正😊

[@fionaholovefood]

💪🏻💪🏻💪🏻 我都好鍾意

[@Henryychannn]

因為順香園要趕快出，所以遲咗，SORRY

[@babi-xl3og]

90年代食到宜家，一直好好禮貌，又有櫈放袋。食物質素保持水平尤其係杯奶茶。若果個叉燒可以好食啲就正。但但但燉蛋真係麻麻，奶好味啲，其他朋友都有同感

[@TimothyYNWA]

一返香港即追片～ 終於有澳牛既片💪🏻多謝成哥，多謝戰狼，多謝Henry，今集好多唔同場景去組成，辛苦晒～ 仲有後期配音💪🏻 細個去澳牛真係會有少驚，但自從大個左就覺得入去好自在同好香港，係難得可以留得低既傳統痕跡～ 而且每次服務都好直接同得體，絕對無咩鬧人果類，試過我著住某隊英超球隊波衫入去，服務態度更會更好👍YNWA ，仲會有時講兩句波～ 衣d咪應該要有既人情味❤️ 辛苦晒你地！ 仲認識左肥豪哥～ 米紙加油！

[@fionaholovefood]

多謝支持❤💪🏻💪🏻

[@crazyray5969]

感謝米紙介紹了解左澳牛既背後故事

[@plam7255]

多謝分享❣️澳牛👍香港精神［有效率］~無得輸💯💯💯

[@fionaholovefood]

香港精神

[@wongjoanne6258]

澳牛我由細食到大(80s開始），以前都係跟我媽媽來吃燉蛋燉奶。如果無記錯以前係得半間舖，係後來先變成現在的孖舖。90s有次遇到方逸華小姐來食，當時員工真的對佢特別恭敬！以前我來食嘢覺得都有小小壓力，一定要很清楚知道自己要食mud,講得好快，同埋唔可以把刀叉放入杯茶度洗，如果唔係會被侍應話會倒瀉！十幾年前我大住肚來食，侍應哥哥又真係好好，特別安排單座或柱後兩人座位給我，好似王后咁！從此我就知道佢哋都係外冷內熱型，學發哥話齋「大聲唔代表我冇禮貌」！其實大家唔知道，以前香港真係不是周街隨便食到D 咁滑嘅炒蛋，依家大家見識多左，先覺得澳牛嘅食物很普通。但我夠膽講我食左30年，佢哋從來無變過，同埋佢哋嘅出品真的一直非常穩定！

[@ricezi2hk]

穩定真係好重要

[@fionaholovefood]

我仲知好多名人都會去

[@mokendy6277]

澳牛炒蛋暫時係我心目中都仲係全港第一 其他嗰啲真係可以抖抖先

[@河口湖-b4c]

成四百字!我都俾面睇晒!俾介❤

[@wongjoanne6258]

@@河口湖-b4c *Heart* :)

[@yant4032]

多謝米紙啊⋯⋯❤❤❤

[@Venusilver]

細個喺油麻地讀書，好多時放學都去澳牛食，所以都係熟客，有次拎住好多嘢，有個伙記哥哥幫我落完單之後拎多張櫈比我放啲嘢，真心感動！

[@河口湖-b4c]

唔認識你？

[@v_v_hwy]

作為澳牛長期食客，我好滿意佢哋嘅食物，個意粉無味精，所以我會飲曬啲湯。佢哋係快，但從來都無鬧過我或西口西面過，對大肚婆同老人家尤其好（我唔係呢2類）。其實，俾人鬧嗰啲人通常都個性異品，譬如掛住玩手機唔食嘢，又有一次我見到6，7個星洲旅客，咁多人只係叫一個餐，佢哋仲大大聲話好飽，諗住一人一口試吓個餐就算，個侍應都無小佢哋，只係叫佢哋要叫多啲食物

[@jl2000doramail]

呢D客要每人都要minimum charge佢啦. 香港d租咁貴, 嗰嗰旅客咁搞點掂.

[@Sam642009]

投訴嘅人十居其九都係閪客

[@JimmyYuen-n1r]

阻人做生意呢啲正閪客，唔駛客氣！🤬🤬🤬

[@我是地球人-i8p]

一張台幾組客人一張枱放满食物，即係食人口水。

[@alphachit]

我都十分期待，睇到今次的訪問，多謝。

[@ricezi2hk]

🎉🎉🙌🏻