إبراهيم عبدالعظيم | توازا (النجع) | Ibrahim Abdelazem | Tawaza (Alnaga')

أبراهيم_عبدالعظيم #توازا #النجع2020
كلمات الأغنية ::
صفى وتوازا زعلنا مع الغالي بلا دزّازه
يا قهرة الشامت
صفي واصّفّى ..
حساء وزيت تمينا رشاقة وخفة
لهيب جمر حسادي برد واطّفّى
معاي لا فلح لا هو لا اللمازه
يا قهرة الشامت .. يا موتة الشامت
صفى وتوازا
صفي وهنّاني ..
ورطّب على كبدي اتقول عطاني
جرعة دوا وين ما بحضن خذاني
جارح وحاحولا وخذا مركازه
يا قهرة الشامت .. يا موتة الشامت
صفى وتوازا
صفي صفاني ..
رفع معنويتي من الحطيط خذاني
يعلم الله قدّيش كنت انعاني
منين خاطري مكسور كسر قزازه
يا قهرة الشامت .. يا موتة الشامت
صفى وتوازا
صفا وتهنّى ..
أصبح هني بالي ووفّو ظنّه
شوية من إيده ومن رطاب الحنّه
ولازم يضحّي من يريد أعزازه
يا قهرة الشامت .. يا موتة الشامت
صفى وتوازا
صفي وتلاقن ..
قلوب من السهر والشوق ياما ضاقن
والحمد لله بعد عانن راقن
وتم الزعل مفصول موش إجازه
يا قهرة الشامت .. يا موتة الشامت
صفى وتوازا
صفي من جوّه ..
قلبي اللي امظلّم ونوّر ضوّه
زعلنا على المحبوب عدى بسوّه
مات الزعل درنا عليه زنازه
يا قهرة الشامت .. يا موتة الشامت
صفى وتوازا
شماته فيهم ..
الحساد ماداروه رد عليهم
خلهم يذوقوا نارهم تكويهم
حصدتوا اللي زرعتوه يا لمّازه
يا قهرة الشامت .. يا موتة الشامت
صفى وتوازا
قلوب حنونه ..
وضحكن عيوني و ريت ضحك عيونه
مش كيف من ما بيض غير اسنونه
اللي طعنته كيف يبرة الخرازه
يا قهرة الشامت .. يا موتة الشامت
صفى وتوازا
غلانا صافي ..
لا عاد جفا ما بينّا لا مجافي
وما بينّا ماعاد فيه اخلافي
اللي قبل ما نركح بلا الحزّازه
يا قهرة الشامت .. يا موتة الشامت
صفى وتوازا
ليكم منّا ..
قدر ومعزّه صادقة ومحنّه
أنسو تناسوا ما سمعتوا عنّا
لقا أحباب مش عادي رفيع طرازه
يا قهرة الشامت .. يا موتة الشامت
صفى وتوازا
______
كلمات وألحان :: علي الكيلاني
النجع 2020

[@meme200959]

من أحب الأصوات اللي أستمع لها سلطنة وحرفنة #ابراهيم_عبدالعظيم 🥰👏👏👏

[@شروقالخشاب-ع6ن]

الله الله يا ابراهيم والله صوتك مفروض ينافس كبار النجوم ❤

[@doniamohamed835]

👏👏👏👏👏👏

[@طاخ-ج7ز]

ابداعت

[@IbrahimAbdelazem]

💐

[@هانداهاندا-خ6ر]

مبروك كلشي نزل الك جديد ع الصحفحه هيمو