Рет қаралды 74
Қала аумағында облыстық төтенше жағдайлар департаментінің «Өрт-2024» республикалық командалық-штабтық оқу-жаттығуы өтті. Тактикалық жаттығу барысында өрт сөндірушілердің орман өрті кезіндегі шұғыл әрекеті мен іс-қимылы пысықталды. Төтеншеліктер орман алқаптарын қызыл жалыннан сақтап қалуға қаншалықты қауқарлы? Әріптесім Елдос Асан көріп қайтты.
Қала аумағындағы далалық жер кенеттен өртке оранды. Қызыл жалынды байқаған жеке қожалық тұрғындары дереу 112 телефонына қоңырау шалды. Шұғыл шақыртудан соң ормашылармен қатар төтеншеліктер де жедел әрекетке көшті. Өрттің аумағы үлкен. Жалын желдің екіпінімен жасыл желекті шарпып бара жатыр. Оқу-жаттығу жоспары бойынша жедел штаб құрылды. Жауаптылар сын сәтте саспай, жедел әрекет етіп, кез келген қауіп-қатерге тойтарыс беруге сақадай сай екенін көрсетті.
ЕЛДОС АСАН ¬- ТІЛШІ: Қызылорда қаласынан 7 шақырым қашықтықта Шіркиелі каналының оң жақ жағалауындағы өрт толық оқшауланды. Жалын бұл аймақтың шамамен екі гектарына шарпыды. Өртті сөндіруге 80 адам, 18 техника жұмылдырылды. Өрттен зардап шеккен екі адамға тік ұшақ келіп, эвокуацияланды. Қазір, тілсіз жаудың беті қайтты.
НҰРЛАН ЖАНӘБІЛ ¬¬- ОБЛЫСТЫҚ ТЖД «ӨРТ СӨНДІРУ ҚЫЗМЕТІ» БАСТЫҒЫНЫҢ ОРЫНБАСАРЫ // Жалпы өрт ошақтарында жұмыс жасаған кезде бірінші біздің қызметіміз жағдайды бағалау болып табылады. Өрттің аумағын нақытлау, сонымен қатар оның таралу қауіпін, жақын орналасқан үй-жайлар немесе жеке қожалықтар, сондағы жануарлар мен адамды эвакуациялау. Қауіп төңген жағдайда сол жұмыстарға жетекшілік жасаймыз.
Арнайы командалық-штабтық оқу-жаттығуға барлығы 48 техника, бір тікұшақ, 170 адам жұмылдырылды.
РУСЛАН ҚАЙРАҚБАЕВ - ОБЛЫСТЫҚ ТЖД БАСТЫҒЫ // Облыс бойынша азаматтық қорғау қызметтері өрт кезеңіне дайын. Бізде өзімізде жоспар бар. кезең-кезеңімен шалғай орналасқан елдімекендерде өрт сөндіру бекеттерін ашу. Қазір бізде облыс бойынша 28 бекет ашылды. Шалғай орналасқан елдімекендерде. Биыл тағы екеуі ашылу керек. Департаментте техниканың жаңару жылдан жылға ұлғайып келе жатыр. қазір 80 пайызы құрап отыр.
Айта кетейік, жыл басынан бері облыс аумағында 118 өрт тіркелген. Оның ішінде тоғыз жерде орман және дала өрті.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv