ريفيو عن مطعم فندق هيلتون شاركس باي Hilton sharks bay restaurant Хилтон Шаркс Бэй

[@khairytaie3469]

ميرسي مدام انجي لذوق حضرتك وبجد سعيد اوي لتقيم حضرتك دي شهاده اعتز بيها بجد شكرا كتير مدام انجي 🙏

[@engyreda4736]

يا شيف خيري حضرتك تستاهل الخير كله حقيقي فعلا مفيش،غلطه ربنا يحسن ما بين ايديك ❤❤

[@khairytaie3469]

ربنا يخليكي مدام انجي وربنا يوفقك ونشوفك قريب إن شاء الله

[@rovanadalal3662]

@@engyreda4736 لو سمحتي انا عايزه احجز ع العيد ب الفندق عايزه زود وجبه الغداء برئيك في داعي ولا مافي داعي للوجبه ؟؟؟

[@ehabraad40]

@@rovanadalal3662 مش هاتحتاجيلها اوي

[@engyreda4736]

شيف خيري صباح الخير. اتمنى حضرتك تكون بخير محتاجة منك خدمة عاوزة رقم حد من الريسبشن يتواصل معاه اسرة سعودية انا رشحتلهم الفندق الأسرة مكونة من ٦ افراد اب وام واطفال اعمارها من ٩ ل ١٤ . اكون شاكرة جدا لحضرتك

[@Abnababa]

المبنى الجديد احسن ولا القديم ارجو الافادة

[@ياربرضاك-ش5ع]

هو موجود فيه أكوا بارك لو سمحتى

[@brahim-yg3zl]

لصوص في مايخص الانترنات في الغرف عندكم تفتحو الويفي

[@hazemyousef6430]

من فضلك لو هنقارن بينه وبين اوربيتال اكوا بارك وكونتننتال بلازا ترتيبهم يكون ازاي ؟

[@rovanadalal3662]

لو سمحتي هاحجز ب الفندق على العيد برئيك اضيف وجبه الغداء ولا مافيش داعي انا قولت يكون فطار غداء عشاء وسؤال هل يوجد سناكس ومشروبات

[@engyreda4736]

بالنسبة لي مبفضلش السفر في الاعياد ولا في شهر يوليو واغسطس بشرم حر جدا . والاسعار بتبقا زيادة عن المعتدل. اضافة وجبه حسب احتياجكم طبعا وانتو حد اكيل بيجوع بسرعه ولا لاء في طبعا مشروبات طول اليوم داخل المطعم وفي البارات . سناكس مكنش في غير مخبوزات ع البحر من 12ل1 بس

[@sanaaabdalla26]

الفندق الامامى أجمل بس أضيق ومفيش اكوا لكن المطعم شيك والخدمة كويسة جدا وفيه اجانب كتير الخلفي كبير جدا وفيه اكوا بيسيناته كبيرة قوى وممكن تدخلى الفندقين زى ماانتى عاوزة لكن المطعم اللى حتتفقى عليه الخلفي مليان مصريين وانتى عارفة يعنى ايه وفيه باص تتنقل بين الامامى والخلفى

[@sanaaabdalla26]

فطار وعشا افضل مفيش وقت لدخول المطعم ٣ مرات يوجد سنابس ومشروبات علشان فترة الغدا بيبقى ع البيش

[@engyreda4736]

كلامك فعلا صحيح .

[@hemashoman6860]

لو سمحت لو هحجز فطار وعشا بس اكل العشا بيبقى اكنه غدا يعنى نشويات ولحوم وكده ؟

[@engyreda4736]

اكل العشا ضعف الغداء وافضل بكتير. اصناف أكتر لحوم وفراخ وخضار وارز ومكرونات ورقاق واسماك .

[@stfuiknowbetter4474]

السناك بار نظامو ايه ومواعيده ايه لو سمحتي

[@engyreda4736]

وانا هناك مكانش فيه سناكس خالص غير ع البحر مخبوزات بسيطة انا قايلة في الفيديو ميعادها لاني نسيت الفيديو ده من سنة

[@nohaelhosieny6125]

الفندق فيه مطاعم ع البحر ولا او البسين ولامفيش

[@engyreda4736]

اللي ع البحر مباشرة والبيسين البارات لكن المطاعم لاء بس برضه مش بعيدة لان الفندق مش كبير للدرجة وتحسيه مقسوم لفيو الاكوا وفيو البحر الغرف اللي عند البحر قديمة واللي عند الاكوا متجددة وفي الاتجاهين في مطاعم

[@ehabraad40]

انا رحت الفندق السنه اللى فاتت بس بالليل مفيش اى نشاط هل السنه دى بقى فيه انشطه بالليل عشان عايز اروح السنه دى باذن الله

[@engyreda4736]

لاء مفيش اي أنشطه خالص اتعرض عليا حفله ديسكو برسوم١٠٠ جنيه للفرد بس محضرتهاش

[@marwamrmr4005]

لو سمحت هو هيلتون شاركس. باي غير شاركس باي ولا هوهو

[@engyreda4736]

لاء مختلفين . هيلتون شركس باي تبع مجموعة هيلتون . لكن في شركس باي اوسيس. اعتقد الاتنين في خليج القرش عشان كده واخدين نفس المسمى لكن ده حاجة وده حاجة تانيه

[@marwamrmr4005]

شكرا ليكى

[@engyreda4736]

@@marwamrmr4005 العفو تحت امرك . شرفتيني بمرورك ع القناة❤

[@فاطمهمحمدعليمحمدعلي-ت2ت]

ممكن اعرف هو في فرق مابين هيلتون شاركس ومنتج شاركس

[@engyreda4736]

بصي يا فاطمة كلمة شاركس باي ده اسم الخليج اللي موجود فيه فندق هيلتون وفنادق تانية كتير فالفندق تابع لمجموعة هيلتون واسمه هيلتون شاركس باي . أما لو تقصدي منتجع شاركس اواسيس فده فندق مختلف تماما بس موجود في نفس المكان

[@fatenali6412]

تسلمي يا انجي حمد الله علي السلامة ممكن من فضلك انتي مكلمتناش خالص عن المدة والمبلغ الي اندفع ممكن اعرف المدة والمبلغ كام واشكرك

[@engyreda4736]

المده حسب احتياجك والمبلغ حسب برضه متطلباتك بتسألي في رسايل صفحة الفندق عن سعر الليله حسب بقا عاوزة غرفه مزدوجة او فردي او تريبل عاوزة غرفه على اي فيو. عاوزة إقامة سوفت او هاف بورد كل ده بيحدد السعر . وعشان كلنا متطلباتنا مش واحده مذكرتش السعر . كمان بيختلف كل شهر عن التاني. . بس حرفيا هتمبسطي جدا من جمال المكان وذوق الاستاف❤❤❤

[@fatenali6412]

@@engyreda4736 تسلميلي 🌹

[@engyreda4736]

حضرتك اللي تسلمي ونورتيني في القناه والله

[@hamadasharaf933]

حقيقي فندق ممتاز جدا نزلت فيه قبل كده

[@didinasrfathy5392]

انا رايحه الفندق دا هوه حلو

[@aliamosad2269]

هو فى فرق بين فندق اوزيسس شركس باى وفندق هلتون شركس باى

[@engyreda4736]

ده فندق وده فندق هيلتون شاركس باي ده فندق هيلتون وكلمه شاركس يعني خليج القرش المكان اللي فيه الفندق ذي هيلتون رمسيس اللي في القاهره كلهم هيلتون. اوزيس حاجه مختلفه وحقيقي مجربتهوش

[@mohamedeidgames6438]

البوفيه مفتوح

[@engyreda4736]

ايوه يا استاذ محمد

[@hamdihamdi9753]

والبحر أخباره ايه مش أهم شي الأكل طبعا

[@الفارسالابيض-ض2ي]

عرض ممتاز لس سؤال هل تقديم الطعام اوبن بوفيه ولا في حد يضع الكمية في الطبق اصل دي محرجة

[@engyreda4736]

اوبن بوفيه والشيف بيحطلك الكميه اللي انت عاوزها. ده اللي حصل معايا .

[@mohamedeljackal]

العشا نظامه ايه طيب ؟؟

[@engyreda4736]

العشا افضل من الغدا واصنافه متنوعة اكتر وعموما الأكل كتير ماشاء الله بس مش بالجودة العالية يعني لو زرت قبل كدة فئة اعلى منصحكش بزيارته لكن إجمالا ان اي تعليق ع الاكل الشيف بيظبطه .انا بالنسبة لي كنت شايفة ان الفطار كان أفضل وجبة في ال٣ وجبات

[@mohamedeljackal]

لان انا حاجز هاف بورد فطار وعشا فقط لان هنبقي في وقت الغدا برا الفندق باذن الله في احد الايام في رحلة دهب

[@mohamedeljackal]

يعني بيقدموا مكرونات ولحوم واسماك في العشا ؟؟

[@engyreda4736]

@@mohamedeljackal ايوة يا فندم مكرونات ورز وأسماك ولحوم وفراخ ومسقعة باللحمة المفرومة وبشاميل وجلاش وحواوشي ومشاوي وحاجات كتير. انا اقصد ان طعم الأكل مش احسن حاجة نظرا ان سعر الفندق متوسط لكن كأصناف كتير متقلقش. اصلا من خلال تجاربي العشا في كل الفنادق منوع واكتر من الغدا .

[@engyreda4736]

طالما حضرتك هتكون برة وقت الغدا فمش هيفرق صدقني انا كنت حاجزة سوفت اوول انكلوسيف ووقت الغدا مكنتش بجوع . بس حضرتك أكد عليهم هاف بورد بالمشروبات ولا لاء . هي مش فريش بس كفاية القهوة والنسكافية والبيبسي عشان لو في ولاد ما يحسوش بالعطش طول اليوم . وان شاء تجربة حضرتك تكون أفضل من تجربتي ونصيحة اوعى يحصل معاك اي تقصير وتعدي الموقف الاسعار بقت عالية جدا فالواحد مش مستحمل يروح ومايلاقيش خدمة كويسة

[@omar.mohamed5548]

لو سمحتي الفندق فيه أشغال اجنبي ولا لا

[@engyreda4736]

كنت هناك في 6▪︎1 لمدة أسبوع وكان في أفواج كتير اوكران وروس. والفوج المصري كان ناس راقيه كلها. بس طبعا مقدرش اضمنلك ان ده موجود حاليا في عز السيزون. اقصد ان دي تجربه فرديه وممكن يبقا حظك أفضل مني وتقضي وقت احلى

[@omar.mohamed5548]

@@engyreda4736 شكرا جدا لزوق حضرتك

[@yassinseena5640]

لو سمحتي كان ف دى جى بالنهار ع حمام السباحه

[@engyreda4736]

@@yassinseena5640 لاء للأسف . بس البارات اللي ع البول بتشغل اغاني اجنبي بس بصوت هادي

[@esraamohamed6377]

مسموح باخد اكل من المطعم مخبوزات او مثلا ساندوتش ولا ف مشكله

[@engyreda4736]

وانا هناك كان مسموح تاخدي كل حاجه مخبوزات مشويات اكل كله بس في اطباق فل

[@esraamohamed6377]

@@engyreda4736 طب كويس كنت هسالك بتاخدي ازاي عشان انا روحت مطعم كان ف اجنبيه بتاخد لمون كده كتير ف كوبايه شوب كده وجهه الولد اللي بيلم الاطباق احرجها لان وشها احمر وهزت راسها زي حاضر ياعني ففهمت ان ممنوع

[@sarasalem5745]

فندقي المفضل 😍

[@engyreda4736]

هو فعلا ظريف اووي بستغرب أي نقد سلبي بسمعه عنه

[@sarasalem5745]

@@engyreda4736 لا انا بروحوا يمكن من ١٠سنين هو استجمام واكله نظيف رالففندق نفسه الاستف هايل

[@البيتوناسه-خ6ش]

طيب من تجربتك هل يكفي فطار وعشاء يعني هل يمكن الاستغناء عن وجبة الغداء خصوصا معايا اطفال والمشروبات مفتوحه طول اليوم ولا ليها ميعاد وبالنسبه للنت متاح ولا لأ؟

[@engyreda4736]

اولا المشروبات طول اليوم حتى منتصف الليل الفطار كان احسن وجبه صراحة تقدري تاخدي المتبقي منك بس في أطباق فل معاكي الغرفه وده ممكن يغنيكي عن وجبة الغداء العشا كان بيبقا دايما فيه اصناف كتير. هيناسبك او لاء ده يرجع لطبيعة اكلكم سواء أكيله أو لاء. النت متاح في اللوبي وكل الأماكن في الفندق خارج الغرف مجانا لكن جوا الغرفه ضعيف يكاد يكون معدوم .محتاجاه ضروري داخل الغرفه هتطلبي من الريسبشن باسورد بمقابل مادي ٦٠ جنيه يوميا. الاهم اني مش عارفه هل المشروبات متاحه في نظام هاف بورد. كمان موضوع انك تاخدي اكل داخل الغرفه هل ده كان حظ وانا هناك ولا النظام اتغير ؟ اخيرا بس حابه الفت انتباهك اني كنت في وقت مكنش فيه تكدس ولا افواج كتير. فوارد تختلف حاجات كتير وقت الزحمه . ووارد لاء . اتمنالك اجازة سعيده وتبقا تجربتك أفضل مني كمان. واي استفسار انا تحت امرك

[@البيتوناسه-خ6ش]

اولا شكرا لشرحك الوافي وزوقك واهتمامك في الرد بجد تسلمي ربنا يوفقك حبيبتي ❤️ وعملت اشتراك للقناه وفعلت الجرس لمتابعتك بتمنالك التوفيق بس تنصحيني اروح دلوقتي ولا بعد العيد ؟

[@engyreda4736]

@@البيتوناسه-خ6ش العيد الاسعار غاليه جدا تقريبا الضعف وحاليا درجة الحرارة صعبه وشرم اصلا مشتى. نصيحتي ليكي تروحي في شهر ١٠ قبل كده مش هتستمتعي نهائي أفضل شهور لشرم الشيخ شهر ٥ واول اسبوع في ٦ وشهر ١٠ . الجو هنااااك في العادي اصلا حر . .وتسلميلي على اشتراكك ❤

[@البيتوناسه-خ6ش]

@@engyreda4736 تمام شكرا جزيلاً حبيبتي الله يسعدك❤️

[@mayarafat9318]

@@engyreda4736 م

[@ياربرضاك-ش5ع]

انا عايزة اعرف بس حاجة دا هيلتون خليج القرش..ولا دا فندق.ودا فندق تانى

[@engyreda4736]

ايوه ده هيلتون شاركس باي ما هو كلمة شاركس باي يعني خليج القرش بالعربي

[@basmab4700]

جميل اوي يا مدام انجي عاوزة اخد رأي حضرتك انا رايحه بإذن الله الاسبوع الجاي متردده احجز الأمامي ولا الخلفي لاني حابه الغرف النظيفة والحمامات النظيفة وهل بعيد او عن البحر الخلفي ولو مشي بعيد

[@engyreda4736]

الغرف النظيفة المتجددة هي اللي في الجزء الجديد اللي قصاد الاكوا . قريبة من المطعم وقصاد الاكوا مباشرة ومن هناك للبحر بالجولف كار مفيش ٥ دقايق . اخدت بالي ان الغرف اللي ع البحر مباشرة المباني بتاعتها مش جديدة .وانتي هناك في الريسبشن قبل ما تأكدي حجز الغرفة انزلي بنفسك شوفي الاتنين وقرري حسب احتياجك .

[@taksh4]

هو هيلتون شاركس باي هو هو شاركس باي اوازيس ولا يختلف

[@engyreda4736]

لاء مختلفين شاركس باي اوازيس فندق وهيلتون فندق مختلف بس الاتنين في خليج القرش Sharks bay

[@taksh4]

@@engyreda4736 طب قدامهم باصات لخليج نعمه والسوق القديم والمواصلات سهله ولا لازم تاكس... دا بالنسبه لشراكس باي اوازيس... وهل ممهد للنزول البحر

[@engyreda4736]

@@taksh4 حقيقي معرفش اي معلومه عن شاركس باي اوازيس. انا بس كنت بعرض تجربتي مش اكتر. لكن المعلومه اللي عندي ان بين هيلتون شاركس باي وسوهو سكوير خمس دقايق مشي بالنهار في ميكروباصات لكل الاماكن لكن اخرها الساعه كام بليل حقيقي مش عارفه

[@hadeerhamdy306]

ف حفلات ولا لا

[@engyreda4736]

للأسف خالص يا هدير ملل السنين بليل حتى بالنهار الجزء اللي عند الاكوا مكانش فيه اي اكتفيتيز. اعتقد الجزء المطلع ع البحر اخدت بالي كان في زومبا في حمامة السباحة .غير كدة سكون مستفز

[@brahim-yg3zl]

لصوص في الرسبشن الانترنات في الغرفة بالفلوس واول نهار قالو ببلاش

[@engyreda4736]

فنادق قليلة اوي اللي بتتيح خدمة الانترنت في الغرف لو حضرتك بتسافر كتير هتبقى عارف ان معظم الفنادق مش بتوفر انترنت في الغرفة إلا بفلوس . حضرتك كنت أعمل باقة خاصة بيك بدل ما تتحاسب برقم أعلى تبع الفندق . بالنسبة لي كان الانترنت متوفر في غرفتي لقربها من الريسبشن

[@جيهاناحمد-ت9ك]

ممكن اعرف الاسعار

[@engyreda4736]

الاسعار بتختلف حسب احتياجاتك سواء إقامة سوفت او هاف بورد والغرفه سينجل ولا دبل ولا تريبل ومسافره امتى السعر كمان متغير حسب مسافره امتى يا جيهان . كان نفسي افيدك حقيقي بس اخاف اقولك سعر تعتمديه وبعدين تسألي يتقالك سعر مختلف.

[@kemomedo9348]

الغدا والعشا بيتجددو كل يوم ؟؟

[@engyreda4736]

الثابت اللحوم والسمك والفراخ. والارز والمكرونه المتجدد الاصناف الباقيه يعني كان في يوم فيه كاليماري جنب باقي الاسماك. يوم كان في باميه باللحمه وملوخيه يوم كان في سبانخ باللحمه كل دي إضافي مع الثوابت كان في مكرونه بشاميل ورقاق باللحمه.

[@engyreda4736]

اصناف العشا اكتر بكتير من الغدا . . و يوميا في شوي بره المطعم بس صنف واحد اول يوم كفته تاني يوم فراخ تالت يوم حواوشي. طبعا كل ده جنب اللحوم والفراخ المتواجده في المطعم. المكرونه مره كانت بصلصه حمرا ومره كانت وايت صوص .

[@engyreda4736]

الكفتن اول يوم كانت بشعه جدا متتاكلش فعلا للي بيفهم في الأكل لكن باقي الاصناف حلووه. الحلو في الفندق مكنش عاجبني كان عادي جدا . الفواكه كانت كويسه وموجوده يوميا فطار كسلطه فاكهه او بلح وبطيخ والغدا برتقال وبطيخ واناناس.

[@engyreda4736]

اي سؤال إضافي قولي وانا هنقلك الصورة كامله .

[@samahomar4599]

@@engyreda4736 بنفع تخدي اكل علي الشاطي او الغرفه ولا وبتسالي مين عشان انا ريحه يوم الاحد

[@engyreda4736]

kzbin.info/www/bejne/l2nVaJeKqb6Wmac لينك الغرفه والفندق

[@وليدرجبعليوة]

يعنى نحجز فيه ومش هنندم الواحد محتار بصراحة من كتر الفنادق والعروض وشبه استقريت عليه واول فيديو ليه واضح وحديث حضرتك كنتى هناك امتى

[@engyreda4736]

لسه راجعه يوم السبت . متقلقش كلامي كله حديث وعلى ارض الواقع وانا مش،حد مشهور فبيعمل ريفيو مقابل ماديات او هدايا. متقلقش كلامي كله ثقه والله وفي فيديو تاني لشكل الغرف وتفاصيل اكتر عن الفندق. تقدر تشوفه وتحكم

[@engyreda4736]

ده لينك فيديو الفندق نفسه والغرفه kzbin.info/www/bejne/l2nVaJeKqb6Wmac

[@وليدرجبعليوة]

@@engyreda4736 اشكرك جدا يافندم👍👍

[@وليدرجبعليوة]

@@engyreda4736 ما شاء الله حاجة محترمة جدا وشرح وافى👍

[@nesmaezzatezzat8042]

طبعا الفيديو جميل ورائع بس للاسف انا لسه كنت هناك من يوم واحد وقابلت موظف قليل الذوق فعلا وبيتعامل معانا كأن الفندق من أملاك حضرته بطريقه والله غير جيده بالمره وقابلت شخص بيقول انه مدير العلاقات العامه وقالي اكتب فيه شكوي وياخد جزا وقالي هيتصلو بيك بخصوص الشكوي وبالفعل عملتها وكنت متأكد انها دون جدوي وفعلا حصل ولا حد سأل ولا اتصل فعلا ندمت اني عملت زياره للفندق ده وضيعت وقتي ووقت اولادي

[@engyreda4736]

عشان كده يا نسمة أنا مثبتة كومنت بقول فيه انها تجربة فرديه لأني أنا كمان ببقى مسافرة لفنادق أغلى واشيك من هيلتون كتير واوقات بيحصلي موقف وحش هناك مع ان الناس كلها بتشكر فيه . حقيقي زعلت ع الموقف اللي اتعرضيتله وانا بقولك متسكتيش قيمي تقيم باللي حصل ع بوكينج وع صفحتهم الخاصه اكتبي اللي حصل معاكي واسم الموظف عشان ياخد جزاءه احنا بنسافر عشان نفصل ونتعامل احسن معاملة مش عشان حد غير مهني مش عارف يعني ايه شغل في السياحه يقل ادبه. واخيرا نصيحه مني متسافريش شرم وغردقه في عز السيزون معاكي شهر5 و أول 6 واخر10 واول11 الجو تحفه الفنادق كثافتها متوسطه او قليله هتاخدي خدمة ممتازة

[@mohamedeidgames6438]

ف جمبري

[@engyreda4736]

@@mohamedeidgames6438 الفيديو عدا عليه اكتر من كام سنة ومكانش وقتها في جمبري 😁 حاليا مش عارفة النظام بقى اذاي الفندق كمان اختلف واسمه بقى double tree by hilton

[@basmab4700]

وهل ممكن اخد معايا حاجه على البحر لان ولادي مش بياكلوا اول مايصحوا والسنه اللي فاتت كنت نازله في ماريوت وكانوا مانعين حد ياخد اكل

[@engyreda4736]

انا كنت باخد اكل معايا عادي حتى الغرفة بس في اطباق فل او بوكس بيجهزهولي شيف المطعم ع الفطار. الممنوع الأطباق المعرضة للكسر. كمان عاوزاكي تاخدي بالي ان توقيت السفر برضه عليه عامل انا كنت هناك اخر شهر ٥ السنة اللي فاتت التوقيت ده بيبقى حلو اوي عشان مفيش زحمة وتكدس. وقت السيزون تحسي الفنادق بتغير من سياستها شوية

[@basmab4700]

@@engyreda4736 تمام صح بيبقه فاضي شويه

[@engyreda4736]

@@basmab4700 اكتر وقت بحب اسافر فيه اخر ٥ واول ١٠ بعد دخول المدارس بتلاقي احسن خدمة .بس برضه ده مش مبرر اني اسافر وقت الموسم ملاقيش مقابل الأهم اوعي تقابلي حاجة مش عجباكي ومتشتكيش لازم تخليهم يصلحوا اي مشكلة عشان تقضي اجازة جميلة . وابقي طمنيني لما ترجعي بالسلامة . ولو عوزاني ارشحلك حاجة في الغردقة عينيا ليكي

[@basmab4700]

@@engyreda4736 احنا اتاخرنا لأننا لسه مخلصين مدرسه من 01 ايام

[@engyreda4736]

@@basmab4700 ان شاءالله على خير وتبقى اجازة لطيفة وسعيدة ان شاء الله

[@محمودرخا-خ6ط]

ربنا يبارك لك بجد ريفيو جميل انا مسافره كمان اسبوع

[@engyreda4736]

ان شاءالله تجربتك تكون احسن مني كمان وبعتذر عن قلة جودة التصوير. ونصيحة مني حاول تمبسط بالمكان واي مشكلة تقابلك ما تترددش تشتكي وتاخد حقك .مع ان مقابلتنيش مشاكل بس دي نصيحة لأي فندق ايا كان . والاهم متقارنش الفندق اللي نازل فيه بفندق تاني حد دافع فيه ٥٠٠٠ و٧٠٠٠ لليلة الواحدة م الاخر متخليش حد ينكد عليك فرحتك

[@يامنمحمد-ش9ن]

اخبار الفندق اي

[@wlaaibrahim5091]

الاسعار لوسمحتي وشكرا علي تعبك

[@engyreda4736]

الاسعار بتختلف حسب احتياجاتك سواء إقامة سوفت او هاف بورد والغرفه سينجل ولا دبل ولا تريبل ومسافره امتى. واهم حاجة اني والله لا شغاله في الفندق ولا شركة سياحه. فأي تجربه هتبقا مختلفه عن الموجوده فى الفيديو هتبقا حظوظ بقا هحاول اقولك تقدريا كده السعر المتداول اليومين دول . الفرد في الغرفه المزدوجه ممكن يعمل ٢٥٠٠ في ٣ ليالي . بس نصيحه شرم ما تترحش ابدا في الحر ده مش هتستمتعي استني لشهر ١٠

[@عمادحمدى-ح9س]

حضرتك حجزتي مع شركه سياحه ولا مع الفندق نفسه

[@engyreda4736]

حجزت مره مع الفندق عشان السفر طيران ومره تاني مع شركة سياحه اسمها صحبه كانت ارخص شويه طبعا التكلفه فيها توفير لان السعر شامل الانتقالات. الشركة عندها مصداقيه بس لازم في وصل الدفع ينكتبلك ڤيو الغرفة عيب الشركة بالنسبالي اني طلعت الباص لاقيت افراد وعائلات من شركه تانيه وعشان عددهم أكبر كانوا واخدين المقاعد المميزة. غير كده طالما هتشترط ع شركة السياحه شكل غرفتك ومكان مقعدك يبقا اطلع تبع شركة سياحه هيبقا فيها توفير .

[@mokshawy]

جميل جدا

[@engyreda4736]

🤍🤍🤍🤍🤍 اشكرك. منور القناه

[@ahmedabdelaziz3493]

الريفيو ده كان امتي بالظبط

[@engyreda4736]

بتاريخ 1يونيه2021 طبعا ده توقيت ما قبل السيزون والزحمه .أنا زاكره في كومنت مثبت التاريخ في فيديو الفندق وان وارد وقت الازدحام يكون الوضع غير. لان في ناس،متخيله اني شغاله بالفندق او بعمله دعايه بمقابل . حبيت اوضح بس عشان تفهم ان التوقيت له أكيد عامل .

[@ahmedabdelaziz3493]

@@engyreda4736 لا اصل انا وصحابي عاوزين نحجز فيه ولقينا الريفيوهات كتير بتقول ان الاكل مش حلو وبيتكرر علي طول كل يوم ف قلقت لما لقيتك بتقولي كلام حلو

[@engyreda4736]

@@ahmedabdelaziz3493 هقولك على حاجة مهمه جدا . انت لو متعود على فنادق خمس نجوم واعلى أكيد هتحس بفرق لان ببساطه كله بتمنه. لكن على مستوى الفنادق ال أربع نجوم فهو احسنهم. الأكل ذي ما قولت احلاه الفطار باقي الوجبات كويسه بس مش واو عاديه فيه ااصناف كتير مقبوله. كمان هناك كان في ميزة مقابلتنيش في فئة الاربع نجوم في فنادق تانيه . هي ان مسموحلك تاخد اكلك الغرفة الكميه اللي تحتاجها بشرط انها تبقى في اطباق فل من المطعم.. طبعا كل ده هأكد عليك انه تجربه فرديه والجو كان هادي وراقي ولطيف لكن وقت التكدس والزحمه هيكون اذاي دي ما اقدر ش افتي فيها . شوف ريفيوهات كتير واتوكل ع الله . مع ان رأيي شرم وغردقه يعني شهر 6و10 حاليا حر اوي

[@ahmedabdelaziz3493]

@@engyreda4736 تمام وصلت شكرا جدا لحضرتك

[@ahmedabdelaziz3493]

لو حضرتك بتنصحيني اروح فندق ٥ نجوم للفرد ب ٢٥٠٠ كدا ٤ ايام اروح فندق ايه

[@analolo4842]

ده بكام وحجزتي من شركه ايه

[@engyreda4736]

كان ب ١٩٥٠ الفرد بدون انتقالات في الغرفة المزدوجة (٣ ليالي ) بس السنة دي الاسعار زادت جدا ممكن تلاقيه ب ٢٥٠٠ الفرد .كنت طالعة تبع شركة سياحة اسمها صحبة ما انصحكيش بها ابدا انا معملوش معايا مشكلة لكن حد بعدي طلع معاهم اتخانقوا معاها وراحت تعمل محضر اتبلوا عليها واخر قرف . انصحك بشركة alfa star شركة تصنيفها أ ومرخصة في كمان شركة الرحمن كويسين بس أسعار الفا ستار ارخص من الرحمن

[@_mahmoudabas5119]

٢٥٠٠ بالانتقالات و لا لا ؟؟؟

[@engyreda4736]

@@_mahmoudabas5119 وقتها كان بالانتقالات حاليا مش هقدر افيدك بالأسعار عشان كل الفنادق رفعت أسعارها ممكن تتواصل مع شركة سياحة تفيدك اكتر

[@rodywbasrodywbas3853]

حلو اوى تسلمى ياانجى ربنا يسعدك ❤️❤️

[@engyreda4736]

حبيبتي تسلمي ويسعدك يارب

[@lamessalah2772]

اولا بشكرك جدا ع الفيديو لاني كنت محتاره في الاختيار جداً..بس سؤال حسيت أنه فيه فرق في المطعم الموجود بالمبنى الجديد اللي فيه الاكوا عن القديم بمعنى شوفت حاجز زجاجي بينك وبين الأكل لكن شوفت فيديو تاني للمبنى القديم بدون حاجز زجاجي صح

[@engyreda4736]

انا مأكلتش في المبنى القديم نهائي. والحاجز الزجاجي ده مش عائق نهائي هو كل برتيشن عليه شيف بيقدملك اللي محتاجاه وزياده . وركزي برضه لا يكون الفيديو اللي شوفتيه قديم أيام كورونا السنه اللي فاتت ولا اللي قبلها وكان الأكل متاح للنزيل ياخد طبقه بدون تدخل الشيف. تسلمي يا لميس ع اهتمامك ووجودك في القناه. بس ركزي في التواريخ وانتي بتتفرجي ع فيديوهات القنوات المختلفه..كمان اعتقد متاح ليكي تاكلي في اي مطعم من الاتنين. ما انتي مش هتكوني ع البحر وترجعي مخصوص للاكل وبعدها ترجعي للبحر او العكس بالنسبه للاكوا بارك .

[@remohassankitchen]

تحفه بجد والله

[@engyreda4736]

تسلميلي يا ريموووو

[@omimazakhira7096]

Video To7fa ❤️❤️❤️

[@engyreda4736]

انا كمان في حاجات سقطت اصورها تتعوض في أماكن تانيه

[@miraahussein4074]

❤️

[@engyreda4736]

❤❤❤❤❤

[@ihabsabry3622]

الفندق فيه موقف للسيارات الخاصه.

[@engyreda4736]

للاسف مش متأكده من وجوده او لاء مش حابه حقيقي اضللك بس بنسبه كبيره اكيد فيه طبعا ده فندق كبير جدا فنادق اقل منه في المساحه وكان فيها باركينج

[@didiamer1366]

المهم الاسعار

[@engyreda4736]

الاسعار ممكن تعرفيها عن طريق الفندق لان أنا كنت هناك في اخر شهر مايو وفضلت متواجده لأول يونيه وسياسة الفنادق ان كل شهر بسعر والسي ڤيو غير الجاردن غير البول واللي هيقيم هاف بورد غير اوول انكلوسيف. أنا غرفه دبل غيري ممكن يكون عاوز سينجل او عائلي .فمينفعش أقول اسعار في الفيديو لان أنا خلاص بالفعل طلعت والسعر القديم مش هيفيد حد .بس بسيطه أنا قايله اسم الفندق تقدري تسيرشي عنه ع فيسبوك هتظهرلك صفحتهم وتعرفيهم طلباتك ومواعيد الاقامه بتاعتك هيبلغوكي بالسعر

[@مسترخالدطايع]

رائع جداً

[@ayaadel3373]

❤️❤️❤️

[@engyreda4736]

🥰🥰🥰🥰🥰🥰

[@ahmedantar5692]

المكان فعلا تحفه اوي وتعامل راقي

[@engyreda4736]

جدا . 🥰❤❤❤

[@jojosameh2740]

اقسم بالله يا جماعه فندق زباله وانا لسه جاى من هناك غرف واكل ومعامله زباله وحصل كذا مشكله هناك بين نزلاءوالريسبشن ومش بيحلو ولما طلبت منهم غرفه كويسه عشان الغرفه وحشه قاللى فى فرق فلوس٥٠٠ جنيه والاتوبيس الا فرحنين بيه حتتعب عقبال اما يجيلك وانت المفروض عايز تتحرك مثلا بليل لاوضتك فانتظر والاكل ببعاد تدويره بايت

[@hanyelakabawy531]

ان كنت في من يومين

[@engyreda4736]

ممكن تقولي رأيك في الريفيو بتاعي يعني انت كمان قابلت نفس المعامله.

[@عائلهايمنوسماح]

ممكن تقوليلي تجربتك

[@engyreda4736]

kzbin.info/www/bejne/l2nVaJeKqb6Wmac شوفي الفيديو ده كمان فيه كل حاجه تخص الفندق والغرف والبوول والبحر

[@brahim-yg3zl]

اكل بعيف مفيش ذوق اصل

[@engyreda4736]

لو تقصد ضعيف ؟! فطبعا الأكل متوسط في العشا وضعيف في الغدا حضرتك حسب الفئة السعرية مش هنقارن بفنادق الليله فيها برقم محترم. ده غير اني كنت في وقت مفيش سيزون اصلا فالتيست كان كويس لكن في عز السيزون الوضع بيبقى اكيد اقل.بس لو حضرتك مش بتناسبك الفنادق ذات الفئة السعرية المتوسطة عند ريكسوس ومجموعة صن رايز وشتيجنبرجر وجاز والباتروس بنفس الترتيب كدة هتلاقي خدمة أفضل وتيست أعلى وفرايتز اكتر