طريقة استخدام مثبت السرعة بشكل صحيح - شيري اريزو 5

طريقة استخدام مثبت السرعة بسيارة شيري اريزو 5 للنسخة التجميع المصري
جميع الثغرات الخاصة بالمثبت والطريقة المثلى لاستخدامه والحصول على اقصى استفادة منه
عفواً وجل من لا يسهو في الدقيقة 4:41 ضمن طرق ايقاف المثبت كان المقصود لمسة على دواسة الفرامل وليس دواسة البنزين ...دمتم في أمان الله وحفظه

[@mohamedsoltan9363]

فضلاً وليس أمراً ان استفدت من الشرح ف ادعمني بالاعجاب بالفيديو والاشتراك بالقناة ، القناة تحتوي على مواضيع متنوعة ومختلفة تتجدد باستمرار وغير متخصصة في مجال بعينه 💖🙏

[@aliali-oe4ob]

سبحان الله وبحمده سبحان الله العظيم ♥️🕊 ‏ حٌباً لِرسول الله | صلُوا عليه ♥️ ' ‏- سُبحان الله . ‏- الحمدلله . ‏- لا إله إلا الله . ‏- اللهُ أكبر . ‏- سُبحان الله و بحمدهِ . ‏- سُبحان الله العظيم . ‏- استغفر الله و أتوبُ إليه . ‏- لا حول و لا قوة إلا بالله . ‏- اللهُم صلِ على نبينا محمد . ‏- لا إله الا الله محمد رسول الله. ً اللهم إني ظلمت نفسي ظلماً كثيراً ولا يغفر الذنوب إلا انت فاغفرلي مغفرة من عندك وارحمني إنك أنت الغفور الرحيم🌸

[@aymanhameed9845]

كل الشكر على الشرح الوافي 👍

[@mohamedsoltan9363]

العفو الشكر لله على كل حال اهم حاجة حضرتك تكون استفدت ❤️❤️🌺

[@ibrahimhagag4813]

متشكر جدا على ذوقك العالى

[@kareambakri3007]

وحضرتك بالف خير

[@yasser_2210]

شكرًا جزيلًا

[@mohamedsoltan9363]

العفو الشكر لله على كل حال شرفتنا ف القناة 💖🌺

[@ahmedmaged2723]

جزاك الله خير علي المجهود ورمضان كريم تم عمل شير للفيديو علي جروب ملاك شيري اريزو 5 مصر تحياتي لحضرتك 🌹🌹 ادمن الجروب Ahmed Maged

[@mohamedsoltan9363]

جزانا وإياكم بالمثل وازيد ان شاء الله ❤️❤️🌺 شاكر جدا لحضرتك ولذوقك الكريم وكل عام وحضرتك بالف خير 💖

[@ahmedmaged2723]

@@mohamedsoltan9363 وحضرتك طيب نتمني تكون معانا علي الجروب

[@user-so1jo1hc2k]

بإذن الله عن قريب هشترى وفعلا محتار مابين شيرى وبى واى دى وآخر سعر للبى واى دى من الوكيل المانويل 205 والاتوماتيك 220

[@MostafaSoliman-eh3mx]

سلام عليكم بعد تجربه ٣ سنين للعربيه اى رايك فيها اطلع فى فيديو وقول رايك❤

[@abdohondaa]

مساء الخير.شكرا على الشرح الوافي.محتاج رأيك بكل صراحة استهلاك البنزين او الأقل في الاستهلاك.افضل في انهي عربية.الاريزو المانيوال.ولا بي واي دي.عشان الاسبوع الجاي هانزل اشتري كاش.؟؟؟

[@amrelsabry1167]

الله ينور بس نسيت تقول أنك لو مثبت السرعة ودوست فرامل مره واحده ودوست على زرار +/RES هايرجع السرعة تانى للى كنت مثبته عليها

[@mohammedhadek8741]

السلام عليكم ورحمه الله وبركاته بعد أذن حضرتك ال هاي لاين 2022 بتنزل بصمه ولا مفتاح

[@Vanz.Dana.l.e.e.u]

عندي سوال عن ايرزو 3 وش العيوب الي فيه

[@user-tw1yb1fo1f]

بارك الله فيك اخي الكريم سؤال بقي عشان محتار جدا شيري اريزو اعلي فئه ولا رينوا أتوماتيك فئه أولي

[@mohamedsoltan9363]

وبارك فيكم بالمثل من عيوب الرينو هو ضيق الصالون بشكل ملحوظ بشدة عن شيري اريزو ، بالاضافة لارتفاع أسعار قطع غيارها المبالغ فيه زي الاوروبي عموماً ، ناهيك عن استهلاك الوقود المشهود للاريزو فيه ، واخيرا فان وسع حجم الاريزو يعطيها ثبات عالي عالسرعات العالية ولا اعتقد ان الرينو لوجان بها هذا الثبات ، هذه مقارنة سريعة بحسب معلوماتي عن الرينو لوجان وانصحك بسؤال الملاك أكتر بحكم استخدامهم للعربية عن قرب 🙏

[@sarhanal-jablawi7347]

طبعا مفيش احسن من سماع القرأن الكريم .... بس انتا عمال تشرح وتتكلم ولا بتسمع ولا منتبهة للقرأن الكريم ولا احنا عارفين نركز معاك ولا مع القرأن الكريم .... الرحمة من عندك يارب

[@mohamedsoltan9363]

شاهد من هنا طريقة التحكم في رشاشات مياه الزجاج لسيارة شيري اريزو ٥ وتحديد المكان الذي تسقط عليه المياه 💦 kzbin.info/www/bejne/a6u6eamhdsSAj6M

[@bodymohamed4842]

لو سمحت الاوتوماتيك الهاي لاين فيها بلوتوث ولا لا

[@mohamedsoltan9363]

موجود فيها يافندم

[@waleedsapr142]

اقسمت عليك بالله ترد عليا انا حجزن شري اريزو مانوال ولسة مستلمتش فية ناس بتقول ان الغيارات في المانوال تقيلة وليها عضة خفيفة وصوت تكة مع كل غيار بتدية الكلام دا حقيقي ولا عيوب فردية

[@user-xm1id7cp9q]

السلام عليكم ورحمة الله وبركاتة معليش عاوز نصيحتك شري اريزو5 2022 انا ان شاء الله حشتريها هل هيه اعتماديه كشغل كريم اسأل الله ان يوفقك دنيا وآخره ويرفع قدرك يا رب

[@mohamedsoltan9363]

ربنا يتقبل منك ويزيدك بالمثل وازيد يارب 🤲 هقول لحضرتك نصيحة باختصار ، لو هاتشتريها هي او اي عربية غيرها بالتقسيط مخصوص عشان اوبر يبقى بلاش بلاش بلاش هاتخسر وتبيعها لان شغل اوبر مابيكفيش اقساط ومصاريف تشغيل ومصاريف صيانة ومكسب شخصي ، انما لو هاتجيبها كاش ف هاتبقى شيلت من عليك هم القسط وهاتبقى فيها مكسب نوعاً ما ليك سواء اريزو او غيرها برده ، واريزو ف الشغل ممتازة واثبتت كفائتها مع الملاك وقاطعين بيها مسافات كبيرة معدية ال١٥٠ الف وبدون اي مشاكل أسأل الله ان يوفقك لما فيه الخير والصلاح لك

[@user-so1jo1hc2k]

طيب الاتوماتك منها فيه حد اشتكى من الفتيس؟ ؟

[@AhmedSamir-ix8up]

بعد ازنك هل عربية شيري اريزو جيدة ف الطرق السريعة او تنفع في الجري لاني سمعت انها بطيئة نوع ما

[@mohamedsoltan9363]

العربية كويسة جدا ف الجري يافندم خصوصاً المانوال منها ، الاوتوماتيك بطيئة نسبياً في طلعتها ودي طبيعة الفتيس الCVT اللي فيها ، وكمان الكنترول لازم يخلي طلعة الفتيس بطيئة عشان يحافظ عليه مايتحرقش ، انما انا معايا المانوال وبتجري زي الفل

[@imn.x17725]

@@mohamedsoltan9363 لو سمحت اشتري دي وله ترشحلي حاجه تانيه

[@mohamedsoltan9363]

@@imn.x17725 لو ف الفئة السعرية اللي نازلة فيها العربية هانصحك بيها بدون مقاطعة ، لكن لو معاك اكتر هايبقى في اختيارات تانية كويسة ، بس خليك فاكر ان كل حاجة وليها عيوب ومميزات ، وممكن يكون ارتفاع سعر قطع غيار عربية ما او ندرة قطع غيارها دا عيب ف حد ذاته ف لازم تتحرى وتدور كويس انت هاتحط فلوسك ف ايه

[@imn.x17725]

@@mohamedsoltan9363 اها فاهم حضرتك طيب اي رايك في العربيه يعني حلوه اشتريه

[@mohamedsoltan9363]

@@imn.x17725 ايوة فعلاً العربية حلوة جدا معايا بقالها عشر شهور من اول يوم ف السنة دي وممتازة جدا الحمدلله ماشوفتش منها اي وحش

[@mohamedkaram9841]

اشغل البلوتوث ازاي

[@mohamedsoltan9363]

التلات فئات ف العربية مش فيهم بلوتوث لكن ممكن تشتري فلاشة بلوتوث من اي محل الكترونيات وتتعامل بيها زي ماكل الملاك عاملين

[@mohamedkaram9841]

@@mohamedsoltan9363 متشكر جدا

[@mohamedsoltan9363]

@@mohamedkaram9841 العفو الشكر لله نورتني ❤️🌹

[@user-sj6qf2ge3s]

هو فعلا فتيس في مشكله فعلا

[@mohamedsoltan9363]

لا خالص يافندم الفتيس مفيهوش اي مشاكل بتاتاً معايا ، اللهم إلا عضة بسيطة لما تيجي تنزل للغيار الاول وبتروح بعد فترة من التحرك بالعربية

[@user-sj6qf2ge3s]

@@mohamedsoltan9363 بس ناس كتير اشتكت

[@mohamedsoltan9363]

@@user-sj6qf2ge3s حضرتك بتتكلم عن انهي فتيس اوتوماتيك ولا مانوال ؟ لو مانوال فانا جاوبتك مفيهوش مشاكل ومتسمعش لحد مش معاه العربية لو قصدك الاوتوماتيك ف كان فعلاً في دفعة ف يناير ٢٠٢٠ اول دفعة تقفيل مصري كان العربية بتجيب فتيس ، والتوكيل لحد النهاردة بيغير الفتيس لاي عربية من الدفعة دي بتجيب فتيس مجاناً وبيزود مدة الصيانة ليهم ومدة الضمان ، والمشكلة خلاص كانت دفعة واختفت معادتش موجودة اطمن

[@user-sj6qf2ge3s]

@@mohamedsoltan9363 ربنا يخليك يارب تتوكل علي الله اجيبها ولا في حاجه احسن بنفس سعر بنسبه قطع غيار متوفره

[@mohamedsoltan9363]

@@user-sj6qf2ge3s ع فكرة قطع غيارهل موجودة عادي ومنتشرة عند كل تجار الصيني عادي بس ممكن تتعب شوية على ماتلاقي الاجزاء الصغيرة اوي زي البلي والحاجات دي لكن كل حاجاتها موجودة عادي ، لكن لو بتدور على قطع غيار متوفرة اكتر وارخص من كدا خليك ف بي واي دي

[@user-jm6xw2fo8w]

يا اخي احترم القران الكريم وما دامك تتكلم ابقى اطفي الراديو احتراما

[@mohamedsoltan9363]

اخي الكريم ، من أخبرك بأني لا احترم القرآن الكريم أصلا ولماذا اساءة الظن هكذا ؟! اذكرك واذكر نفسي بان ديننا حثنا على حسن الظن بالاخرين وليس إساءة الظن بهم من عادتي انني اقوم بتشغيل القرآن الكريم بجانبي أثناء القيادة ، وهذا ليس وليد لحظة التصوير وانما هي عادة متلازمة معي وانا لم أكن أخطط أصلا مسبقاً لتصوير المقطع لكن طرأت ببالي الفكرة في وقتها فأمسكت هاتفي وبدأت التصوير والله يعلم انها بنية نشر الفائدة للناس لعلي اكون سبباً في راحة أحدهم اثناء استخدام دابته للتنقل وممارسة حياته بشكل أسهل وكما اخبرتك فلم أكن أخطط مسبقاً لتصوير هذا المقطع وإلا كنت ستچدني استخدم معداتي الاحترافية لذلك واختار الطريق المناسب واختار مساعدا لي عوضاً عن هذا التصوير العشوائي باليد ، وحينها كان يعمل المسجل على القرآن الكريم ولم أتنبه لاغلاقه وذلك لاعتيادي عليه وعلى استماعه والترديد معه ، وبالطبع انا لا أقصد إطلاقا عدم الاحترام لما يتلى فمن اين أتيت بهذه النية الملفقة !.... شكراً لمرورك