طريقة تبديل طرمبة ماي المساحات للفورد - حل مشكلة انه المساحات تشتغل بس الماي مايوصل

السلام عليكم وحياكم الله ياشباب
عملت هذا الفيديو عشان يفيد الي عنده فورد كراون فكتوريا او قراندماركيز و يواجه نفس هالمشكلة وهي انه تشغل المساحات والمساحات تشتغل بس مافي ماي او سائل تنظيف الزجاج يوصل للزجاج الأمامي لما تضغط الزر .. في الفيديو شرح كامل طريقه تبديل الطرمبة ونصائح عامة
الطريقة سهلة جدا وصورتها خطوة بخطوة بالفيديو .. الشغلات الي مثل كذا امرها سهل ماتحتاج ورشة ف بتوفر مبلغ التركيب .. الشغلة تقريبا تاخذ منك ساعة فك وتركيب
سعر الطرمبة جديدة ١١٥ ريال
ل أي استفسار حاظرين ..وشاركونا بالاشتراك بالقناة والتعليق والايك وشكرا لكم على المتابعة

[@abdulrhmanalzhrani1737]

الله يعطيك العافية على الشرح الواضح والسهل للاسف فيه بعض الامور بسيطة وتقدر تحلها بنفسك ولكننا نجهلها ونسلم انفسنا لجشع الكراجات والامر مايستاهل

[@chevy4racing]

ربي يعافيك ويسلمك اخوي عبدالرحمن اي والله فعلا الكراجات كثير منهم للأسف اسعارهم شوي مبالغ فيها ف بالنسبة للأمور البسيطة هذي الواحد يقدر يصلحها بالبيت ويوفر مبلغ التركيب

[@su7rb7]

شكرا لك من القلب طبقت طريقتك وضبت جزاك الله خير اللي خلاني اعرف انه العطل منها ما كان في صوت طرمبة

[@saadalhameedi23]

جزاك الله خير والله هذي مشكلة عندي من كم اسبوع وكل ما اروح فني يتفلسف على راسي والحمدلله لقيت الحل عندك شكراً لك الله يعطيك العافية

[@jgjc100]

جزاك الله عنا خير الجزاء واسأل الله ان يكتب اجرك وان يغفر لك و لوالديك و ان يجعلكم من اهل الجنه دون حساب و لا عقاب و ان يسعدكم بالدارين انت و من يشاهد و من تحب و انا ووالدي و من احب و المسلمين والمسلمات الأحياء منهم والأموات اللهم آمين.

[@GM-yd8vf]

جميل جدا يعطيك العافية .. استمر يابطل شرح سهل ورائع وواضح .

[@FA-zc4ct]

تستاهل الشكر شرحك وافي كافي وفقك الله.

[@mahmoudmazi4416]

جزاك الله خير استفدت من المقطع والله يكتب أجرك ويرزقك من خيري الدنيا والآخرة

[@abdhoom69]

وفقك الله شرح وافي كافي ....

[@aboadnan3882]

جزاك الله من واسع فضله استفدت من الشرح وغيرتها اليوم بنفس الطريقة

[@user-ct4jc1ux9y]

اشكرك اعطيتني معلومه ادور لها الغربه تشبه الغربه حق صالون اوربي89وانا ادور لها الله يكتب اجرك

[@AAA-kh5dd]

كفو الله يجزاك خير

[@9unlil]

الله يجزاك خير

[@O_22_S]

الله يعطيك العافيه 👍

[@chevy4racing]

ربي يعافيك ويسلمك اخوي أسامه 🌹🌹

[@user-zv9yg9nu4w]

انا عندي المساحات بعض الاحيان تشتغل وبعض الاحيان لا والمويه ماتشتغل نهائيًا هل المشكله في عصا المساحات ولا في حاجه ثانيه وجزاك الله خير

[@b-1442]

مشكور شرح جدا ممتاز و ابسالك سوال لاهنت انا ماديتي مهيب كويسه فا استخدم الماء المقطر بدال الاشياء اللي تجي اصلية و جودها ممتازة هل الماء المقطر اقعد عليه و افضل

[@chevy4racing]

هلا اخوي الماء المقطر هو في التنظيف جيد بس بتلاحظ ماينظف بشكل قوي لوحده بالذات اذا كنت ماسك خط وجت حشرات واوساخ على الزجاج الامامي مابينظفها خلنا نقول بشكل ممتاز .. المواد المخصصة لغسيل الزجاج الامامي الي تتعبى بالقربة هذي بتعطيك تنظيف افضل واقوى وفي نفس الوقت هي ماتاثر على المساحات او الزجاج الامامي او حتى على طبقة اللكر حقت اللون بتكون امنة ف اذا تقدر تشتريها ممتاز استمر عليه .. ماحصلتها او مثلا مضطر تركب ماء مقطر ف ماعندك مشكلة لانه الماء المقطر مايضر .. نفس الغطاء حق القربة مكتوب عليه بالانجليزي washer fluid ف المصنع ينصح باستخدام المنظفات هذي حقت الغسيل

[@b-1442]

Ali Almansour ما قصرت اخذنا من وقتك 🌹

[@ilvcf]

عندي نفس المشكله

[@S3D99]

انا عند المكينه تنفتح اتوقع انه مكسوره يطلعلي الكهرب الي يحرك المكينه الصغيره حقت الماي

[@sultanalotibe9916]

يالربع عندي مشكله فالفورد اذا شغلت المساحات تشتغل معها المويه دايركت مايوقف وش الحل لاهنتو

[@L_ja]

ي عيال انا المنظم عندي خربان حق الكهرب ف صارت الموية م توقف فيه التماس كيف افصلها

[@MRHELL1999]

انا عندي استفسار ياخوي عندي مساحات السياره اذا شغلتها تشتغل الانوار الاماميه وتعلق ايش السبب او ايش المشكله

[@chevy4racing]

هلا اخوي اتوقع عندك مشكلة بالضفيرة تحتاج كهربائي يفحصها .. الورش الكبيرة يكون عندهم اشتراك في بعض المواقع المميزة في صيانة السيارات بمعنى انه اي مشكلة تواجهك بالسيارة غالبا بتلقى لها حل .. فيه موقع ممتاز اسمه alldata.com من خلال الموقع هذا يقدر الميكانيكي او الكهربائي يشوف ويتتبع خطوات حل المشكلة هذي يعني الموقع نفسه تقدر من خلاله تطبع اوراق الضفيرة بالكامل وتعلمك هذا السلك حق ايش وهذا حق ايش بكذا يقدر يشوف الالتماس او المشكلة بالضبط من وين من خلال الفحص .. بس الشغلة شوي يبيلها واحد فنان بالكهرباء

[@user-yw5sj6ud4j]

عندي علامة مويا المساحات ناقص وما تروح حتى لو عبيت المويا ؛ هل لها طريقة عشان تطفي ؟! ياليت تفيدونا

[@chevy4racing]

اهلا يالغالي هذي موضوعها باذن الله بسيط .. فيه حساس يجي داخل القربة اسمه level sensor وظيفته يقيس كمية السائل الموجودة بالقربة ويعطيك تنبيه اذا نزل السائل عن مستوى معين .. هذا مع العمر يخترب ف العلامة بالطبلون بتزعجك تطلع على طول .. ف تحتاج تشتري حساس جديد وتركبه.. فكه وتركيبة سهل جدا مكانه يجي بالقربة شفت الفيش الي لونه احمر الي في نفس القربة هذا يركب في نفس الحساس هذا .. بس فك الفيش واسحب الحساس بيطلع معاك ف ركب جديد وارجع ركب الفيش الاحمر وامورك طيبة باذن الله.. احيانا لو تجيب مطرقة وتضرب على القربة مرتين ثلاث احتمال يرجع يشتغل معاك بس غالبا بيحتاج تبديل .. هذا رقم القطعة part number سوي له نسخ والصقه في قوقل بيطلع لك شكله هذا رقم القطعة F2AZ-17B649-A بس افحص الفيش الاحمر اول تاكد انه الوايرات والفيش سليم عشان تتاكد انه المشكلة من الحساس وليس بالفيش او الوايرات

[@rashed27rashed7]

يرجال انا لو فاضيه ولو مليانه مايطلع شي

[@azizs2769]

كان فيه صوت القديم لما تضغط؟ عندي فيه صوت لكن المويه ماتطلع. ظنك تنظيف الفلتر كافي ولا الطرمبة خربانه؟

[@chevy4racing]

هلا اخوي المعذرة على التاخير بالرد .. الطرمبة ماكان فيها صوت ماتشتغل عندي المشكلة منها.. احتمال اخوي اذا كنت تسمع الصوت حق الطرمبة بس ماتوصل موية ف احتمال يكون مسدود الهوز الي يوصل الماي من القربة الى المساحات ف تحتاج تفكه من الطرمبة وتجرب تشوف اذا فيه اوساخ كثير على الفلتر ف نظف الفلتر والقربة كويس وبعدين جرب اذا عندك كمبرسر هوا جرب فك الهوز من الجهتين جهة المساحات وجهه القربة واضغط هوا .. اذا كان مسدود ف الاوساخ كلها بتطلع ويرجع كل شي يشتغل تمام باذن الله

[@BADER_518]

كيف اشيك على فيوز المساحه وين احصلها

[@user-ip6yh4zq4w]

الفيوز تحت الدركسون فيه فيوزات واجد

[@shabihalree71]

طيب وحده تطلع موية والثانية لا وين تكون المشكلة

[@OMAR-nb4nf]

عندك العين متسكره نخبرها بابره

[@insulationprotection495]

عندي المساحات لا تعمل ولا رش الماء شو يكون السبب؟

[@chevy4racing]

هلا فيك اخي بالنسبه للمساحات اذا سيارتك نفس الي بالفيديو والمساحات ماتشتغل نهائيا غالبا تكون المشكلة من شغلتين .. الاولى هي بيكون فيه فيوز لونه احمر رقمه ١١٠ يجي ثلاثين امبير موقعه بيكون في علبه الفيوزات جنب المكينه على اليمين شيك عليه اذا سليم ف غالبا المشكلة تكون بسبب ماطور المساحات يسمى wiper motor موقعه تحت المساحات بس بتحتاج تفتح الكبوت وتفك الديكور حق المساحات عشان توصل له وطريقة تغييرة سهله جدا ماتاخذ منك وقت بس يبغالها فك ديكور .. والفحص الدقيق لو هالشغلتين ماضبطت معاك بتحتاج الى كهربائي شاطر يشيك على ال wiper motor wiring diagram عشان يفحص دائرة الكهرب والوايرات كاملة تتأكد كل شي سليم

[@BADER_518]

وش اسم القطعة

[@chevy4racing]

هلا اخوي هذي اسمها Windshield Washer Pump رقم القطعة 8C3Z17664A وايضا هذا رقم ثاني للقطعة WG318 (17664) محليا نسميها دينمو ماي مساحات او طرمبة ماي مساحات

[@BADER_518]

@@chevy4racing المساحات من وين احصلها انا عندي رايح فيها المساحات الخارجية

[@moud17]

كيف اعرف اذا البمب هذا خربان ؟ م شرحتها فالمقطع

[@chevy4racing]

هلا فيك ياغالي فيه طريقتين اسهلهم هو انه تضغط زر المساحات وتسمع اذا فيه صوت بمب معناها شغال اذا مافيه صوت بمب ف هنا اما خربان ويحتاج تبديل او عندك مشكلة بالفيش الي مشبوك بالبمب وافضل طريقة انك اول تشوف علبة الفيوزات بالمكينة فيه فيوز يجي ثلاثين امبير موقعة يكون اول صف بالفيوزات عددهم خمسة هذا يكون موقعة بالنص لونه احمر اذا اني اتذكر عدل شيك عليه اذا سليم او لا .. وبعدها لفحص الفيش وقياس الكهرب استخدم جهاز فحص كهربائي يسمى ملتيميتر الفكرة انك تقيس الكهرب الي واصل للفيش وتشوف اذا فيه كهرب واصل معناها البمب خربان لانه الكهرب هنا عرفنا انه سليم ف بالتالي فيه كهرب يجي للبمب بس البمب خربان مايشتغل .. جهاز الملتي ميتر استخدامه سهل هو بس امانة مانصحك تستخدمه الى اذا عندك معرفة وخبرة كهربائية عشان لاتسبب ضرر للسيارة

[@user-ty4li9wt4l]

نفسه انا فكيتها بس ماله صوت بشوف الفيوز الي تقول عنها